<p><span style="color: #000000;"><strong>ភ្នំពេញ៖</strong> តារាសម្ដែងរូបស្អាតវ័យក្មេង អៀ ម៉េងលិ ហៅអាម៉ី បានបង្ហើបឲ្យដឹងបែបត្អូតត្អែរថា ទម្រាំតែ នាងជំនះឧបសគ្គ ចូលប្រឡូកសិល្បៈដូចសព្វថ្ងៃបាន មិនមែនជារឿងងាយស្រួលទេ ព្រោះថា ឪពុករបស់នាង បានបដិសេធយ៉ាងដាច់អហង្កា មិនឲ្យនាងយកខ្លួនមកប្រឡូកសិល្បៈទេ ព្រោះខ្លាចមានរឿងមិនល្អ ប៉ះពាល់ដល់កិត្តិយសនាង និងក្រុមគ្រួសារ។</span></p>
<p><span style="color: #000000;">តារាសម្តែងស្រី ទើបតែបោះជំហាន ចូលប្រឡូកសិល្បៈប្រមាណជិត២ឆ្នាំ កញ្ញា អៀ ម៉េងលិ បានប្រាប់ LookingTODAY កាលពីពេលកន្លងទៅថ្មីៗនេះ ក្នុងពិធីក្រុងពាលីរឿង “មរតកបេះដូង” ថា សម្រាប់ការចូលប្រឡូកសិល្បៈ របស់នាង មិនងាយស្រួលទេ ព្រោះកាលពីដំបូងឡើយ ពេលនាងចង់ចូលប្រឡូក គឺឪពុកមិនអនុញ្ញាត ឲ្យនាងចូលទេ ដោយគាត់ (ឪពុក) គិតថាសិល្បៈមិនល្អខ្លាចកូន មានការជ្រុលជ្រោះ ខូចខាត កិត្តិយស ជួបប្រទះនូវរឿងអាស្រូវជាដើម ។ ម្យ៉ាងទៀត កន្លងមកអ្នកសិល្បៈតែងតែមានព័ត៌មានលេចឮថា បានយកអាជីពនេះធ្វើជាឈ្នានឈាន ទៅរកភាពល្បីល្បាញ រស់នៅលើទ្រនំខ្ពស់ ហ៊ឺហារ តាមផ្លូវកាត់ និងជាប់ជំពាក់ជាមួយបុរសអ្នកមាន ជាមួយប្ដីគេ ជាដើម ។</span></p>
<p><span style="color: #000000;">តារាស្រីដែលមានសម្រស់ក្មេងខ្ចី ក្នុងការងារសិល្បៈរូបនេះ បន្តទៀតថា " ម៉ាក់អត់អីទេ.! តែពិបាកគឺប៉ា សម្រាប់ខ្ញុំ នៅពេលនោះ តែទោះជាយ៉ាងណា ដើម្បីបំពេញក្តីស្រមៃ ឲ្យក្លាយជាការពិត ខ្ញុំក៏ខំប្រឹងពន្យល់ឪពុកថា ការកើតរឿង ល្អឬមិនល្អ មិនមែនមកពីសិល្បៈទេ គឺអាស្រ័យលើខ្លួនយើង បើសិនជាតាំងចិត្ត ថាមិនចង់ ទាក់ទងជាមួយអ្នកណា យើងបដិសេធទៅគ្មានបញ្ហាទេ ហើយក៏គ្មាន អ្នកណាអូសទាញ យើងបានដែរ ។ តែបើយើង OK ជាមួយគេ វាជារឿងផ្សេង ។ តែសម្រាប់ខ្ញុំតាំងចិត្តថា កុំនោះ ខ្ញុំជឿជាក់ថាវាគ្មាន អ្វីកើតឡើងទេ ។ ខ្ញុំក៏មិនមែនយកសិល្បៈ ជាឈ្នាន់ដើម្បីល្បីឈ្មោះអ្វីដែរ គឺពឹងផ្អែកលើសមត្ថភាពរបស់ខ្ញុំ " ។</span></p>
<p><span style="color: #000000;">បើទោះជាតារាស្រី កញ្ញា ម៉េងលិ ខំប្រឹងជំនះចិត្តឪពុក ចូលប្រឡូកសិល្បៈ បានសម្រេច រយៈពេលប្រមាណ២ឆ្នាំហើយក៏ដោយតែសម្រាប់សន្ទុះកេរ្តិ៍ឈ្មោះរបស់នាង ហាក់មិនទាន់មានភាពលេចធ្លោខ្លាំងក្លា នៅឡើយទេ ពោលចាប់តាំងពីនាង ចូលប្រឡូកសិល្បៈ រហូតមក ដល់ពេលនេះ នាងបានទទួលថតរឿង ២ឲ្យខាងផលិតកម្ម ខ្មែរមេគង្គ និងផលិតកម្មរ៉ក់ ហើយថ្មីៗនេះ នាងទើបតែទទួលថតរឿងមួយទៀត មានចំណងជើងថា “មរតកបេះដូង” ដោយនាង ត្រូវដើរតួជាប្អូនស្រី របស់តួឯកប្រុស ។</span></p>
<p><span style="color: #000000;">តារាស្រីកូនកាត់ចិនរូបនេះ បានប្រាប់ឲ្យដឹង នាងនៅតែមានក្តីសង្ឃឹម និងរំពឹងទុកជានិច្ចថា ថ្ងៃណាមួយ នាងអាចសាង កេរ្តិ៍ឈ្មោះនៅក្នុងសិល្បៈឲ្យល្បី ដូចក្តីស្រមៃរបស់នាង នាពេលកន្លងមក ព្រោះកំពុងតែមានឱកាសការងារសិល្បៈជាបន្តបន្ទាប់។ កញ្ញា អៀ ម៉េងលិ មានឈាមជ័រជាអ្នកសិល្បៈ ដោយនាងជាសិស្សកំពុង សិក្សាផ្នែករបាំបុរាណ នៃសាកលវិទ្យាល័យ ភូមិន្ទវិចិត្រសិល្បៈ និងមានបងប្អូនជាអ្នសិល្បៈ ។ ក្រៅពីការងារសិល្បៈ អៀ ម៉េងលិ ក៏មានជំនាញមួយផ្សេងទៀត គឺជាក្រឡាបញ្ជី ធ្វើការនៅក្នុងស្ថាប័នតុលាការផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/9/msp-0382-09-10-2014--16-33-39.jpg"><img src="/FileManager/Articles/mce/2014/10/9/msp-0382-09-10-2014--16-33-39.jpg" alt="" /></a></span></p>
<p><a class="thickbox" title="" href="/FileManager/Commons/2014/10/9/msp-0383-09-10-2014--16-33-48.jpg"><img src="/FileManager/Articles/mce/2014/10/9/msp-0383-09-10-2014--16-33-48.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/9/msp-0382-09-10-2014--16-33-39.jpg"></a></span></p>
<p><a class="thickbox" title="" href="/FileManager/Commons/2014/10/9/msp-0384-09-10-2014--16-33-57.jpg"><img src="/FileManager/Articles/mce/2014/10/9/msp-0384-09-10-2014--16-33-57.jpg" alt="" /></a></p>
<p><a class="thickbox" title="" href="/FileManager/Commons/2014/10/9/msp-0385-09-10-2014--16-34-05.jpg"><img src="/FileManager/Articles/mce/2014/10/9/msp-0385-09-10-2014--16-34-05.jpg" alt="" /></a></p>
<p><a class="thickbox" title="" href="/FileManager/Commons/2014/10/9/msp-0387-09-10-2014--16-34-15.jpg"><img src="/FileManager/Articles/mce/2014/10/9/msp-0387-09-10-2014--16-34-15.jpg" alt="" /></a></p>
<p><a class="thickbox" title="" href="/FileManager/Commons/2014/10/9/msp-0386-09-10-2014--16-34-23.jpg"><img src="/FileManager/Articles/mce/2014/10/9/msp-0386-09-10-2014--16-34-23.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>