<p><span style="color: #000000;"><strong>ភ្នំពេញ៖</strong> តារាសម្តែង គ្រងតំណែងធ្វើជាតួឯកស្រី ក្នុងខ្សែរឿង "ជីវិតនាងរក្សា" របស់ស្ថានីយទូរទ្សន៍ប៉ុស្តិ៍ MYTV កញ្ញា ទេព សម្ផស្ស ខណៈកេរ្តិ៍ឈ្មោះ និង ប្រជាប្រិយភាពរបស់នាង ហាក់កំពុងមានស្ទុះហក់ឡើងលើទីផ្សារសម្តែង គួរឲ្យកត់សម្គាល់រួចមក ថ្មីៗនេះស្រាប់តែ ធ្លាយដំណឹងដ៏រសើប និងគួរឲ្យភ្ញាក់ផ្អើលមកថា នាងបានលួចលាក់ មានទំនាក់ទំនងស្នេហា ជាមួយបុរសជនជាតិហ្វីលីពីន រស់ក្នុងស្រុកខ្មែរម្នាក់ និងបានចុះអ៊ីតាស៊ីវិលរួចរាល់ ជាមួយគ្នាទៀតផង។</span></p>
<p><span style="color: #000000;">តួឯកក្នុងខ្សែភាពយន្តភាគរឿង "ជីវិតនាងរក្សា" កញ្ញា ទេព សម្ផស្ស ត្រូវបានគេកត់សម្គាល់ឃើញថា ចាប់តាំងពីនាងចូលប្រឡូកក្នុងសិល្បៈ និងបានចាប់អាជីពជាតារាសម្តែងមក គេកម្របានឃើញតារារូបនេះ បណ្តើរបុរសប្លែកមុខណាម្នាក់ ជាសាធារណៈ ឬចូលរួមក្នុងកម្មវិធីណា មួយនោះឡើយ។ ប៉ុន្តែផ្ទុយទៅវិញពេលនេះក៏បែកធ្លាយរឿងតារារូបនេះ លួចភ្ជាប់ចំណងស្នេហា បុរសជនជាតិហ្វីលីពីន ហើយក៏ស្របពេលគ្នា នឹងការលេចឮព័ត៌មានថា កំពុងមានលោកមន្រ្តីធំម្នាក់ នៅពីក្រោយខ្នង នៃការល្បីឈ្មោះ និង បានជួយជ្រោមជ្រែងឧបត្ថម្ភ ដល់ភាពហ៊ឺហារប្រចាំថ្ងៃដល់នាងផងដែរ នោះ។</span></p>
<p><span style="color: #000000;">ប្រភពពីរង្វង់អ្នកសិល្បៈ ដូចគ្នា បានបង្ហើបប្រាប់គេហទំព័រ LookingTODAY ថា នាង ពេទ សម្ផស្ស បន្ទាប់ពីបានល្បីឈ្មោះ តាមរយៈការគ្រង់តំណែង ជាតួឯកក្នុងរឿង "៣ជីវិតនាងរក្សា" មកនោះ នាងក៏ហាក់មានយឺអ៊ុនខ្ពស់ ក្នុងរឿងជីវិតស្នេហាឯកជនផ្ទាល់ខ្លួន ខណៈពេលបច្ចុប្បន្នគេដឹងថា ទេព សម្ផស្ស បានភ្ជាប់ចំណងស្នេហា លួចលាក់ជាមួយ បុរសជនជាតិហ្វីលីពីន ហើយថែមទាំងបានរស់នៅ ក្រោមដំបូលផ្ទះជាមួយគ្នា ជាប្តីប្រពន្ធ និងមានកូន១ជាចំណង ដៃទៀតផង។</span></p>
<p><span style="color: #000000;">ប្រភពខាងលើ បាននិយាយបន្តទៀតថា ទេព សម្ផស្ស បានលួចមានទំនាក់ទំនង ស្នេហាក្រៅឆាក ជាមួយបុរសជនជាតិហ្វីលីពីននេះ គឺមានរយៈពេលយូរឆ្នាំមកហើយ គ្រាន់តែរឿងនេះ បានបិទបាំង ពីភ្នែកមហាជនអ្នកគាំទ្រ តែប៉ុណ្ណោះ។ ចំណងស្នេហារវាងពួកគេទាំងពីរ បានកើតឡើងក្រោមរូបភាព នៃការចុះអ៊ីតាស៊ីវិលស្ងាត់ៗ ប៉ុន្តែមិនទាន់ឈានដល់ ដំណាក់កាលនៃការរៀបអាពាហ៍ពិពាហ៍ជាផ្លូវការ ឬ បើកចំហរណាមួយនៅឡើយទេ។</span></p>
<p><span style="color: #000000;">ប្រភពដដែលនេះ បានបញ្ជាក់ថា បច្ចុប្បន្នគូស្នេហ៍ពួកគេទាំងពីរ ទេព សម្ផស្ស និង បុរស ហ្វីលីពីនកំពុង តែសាងភាពផ្អែមល្ហែម និងល្អូកល្អឺនជាមួយគ្នា នៅក្រោយគំនរលុយយ៉ាងច្រើន ដែលបានមកពីបុរសម្ចាស់ ស្នេហ៍ម្នាក់នេះ។ ប៉ុន្តែរឿងដែលចម្លែកមួយទៀត ក៏មានការលេចឮមកទន្ទឹមគ្នានេះដែរ ថា ទេព សម្ផស្ស ក៏មានលោកមន្រ្តីធំម្នាក់ កំពុងតាមប្រម៉ាញ់បេះដូងនាង ព្រោះមុននេះនាង ក៏ត្រូវបានលោកមន្រ្តីធំម្នាក់នោះ ជាអ្នកជួយជ្រោមជ្រែង ឱ្យដណ្តើមបានភាពល្បីឈ្មោះ និង គ្រងតំណែងជាតួឯក ក្នុងខ្សែរឿងមួយចំនួន។</span></p>
<p><span style="color: #000000;">ជុំវិញការលេចឮព័ត៌មាន ដ៏រសើបខាងលើនេះ គេហទំព័រ LookingTODAY នៅព្រឹកថ្ងៃទី១០ ខែ តុលា ឆ្នាំ ២០១៤ នេះ មិនអាចស្វែងរក ការបកស្រាយណាមួយ ពី ទេព សម្ផស្ស បានទេ ខណៈដែលនាង បានកាត់ផ្ដាច់ទាំងស្រុង ពីបណ្ដាញសារព័ត៌មាន សូម្បីតែលេខទូរស័ព្ទ ដែលនាងធ្លាប់ប្រើ ក៏ត្រូវប្ដូរចោលទាំងអស់ដែរ ។ យ៉ាងណាមិញ Lo kingTODAY ស្វាគមន៍ ជានិច្ច ចំពោះការចេញមុខបំភ្លឺ ពីសំណាក់ តារាសម្តែងរូបស្រស់ ទេព សម្ផស្ស នៅពេលក្រោយ ដើម្បីឲ្យមហាជន ជាអ្នកគាំទ្រ អស់មន្ទិលសង្ស័យ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/10/msp-0409-10-10-2014--14-19-10.jpg"><img src="/FileManager/Articles/mce/2014/10/10/msp-0409-10-10-2014--14-19-10.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>