<p><span style="color: #000000;"><strong>(ភ្នំពេញ)៖</strong> ក្រោយទទួលបានព័ត៌មាន ក្រុមអ្នកបារមីនិយម ទៅធ្វើពិធីអង្គុយលើរូបសំណាក «លោកយាយទេព» ដែលជាកន្លែងគោរពបូជា របស់ប្រជាពលរដ្ឋ នៅក្នុងខេត្តសៀមរាប និងអ្នកទេសចរនោះ លោក ឃឹម ប៊ុនសុង អភិបាលខេត្តសៀមរាប បានដាក់វិធានការពង្រាយ កម្លាំងសមត្ថកិច្ចតាមឃ្លាំងមើល និងត្រៀមចាប់ខ្លួនពួកគេផងដែរ។</span></p>
<p><span style="color: #000000;">លោក ឃឹម ប៊ុនសុង បានថ្លែងប្រាប់ Fresh News ថា ក្រុមបារមីនិយមទាំងអស់នេះ ទើបនិងមកធ្វើពិធីប្រមាណជាពីរលើកនៅចំថ្ងៃ សីល ចំពេលដែលសមត្ថកិច្ច បញ្ចប់ភារកិច្ចយាមនៅតំបន់នោះ។ លោកអភិបាលខេត្ត បានបញ្ជាក់ថា ក្រុមអ្នកជាន់ឈ្លីលើរូបសំណាក «លោកយាយទេព» មិនមែនជាអ្នកនៅក្នុងខេត្តសៀមរាបនោះទេ។</span></p>
<p><span style="color: #000000;">លោក ឃឹម ប៊ុនសុង បានអះអាងថា រូបលោកនឹងចាត់ការ ទៅលើក្រុមបារមីនិយមទាំងអស់នេះ ប្រសិនបើពួកគេមកធ្វើសកម្មភាពបន្តទៀត។</span></p>
<p><span style="color: #000000;">ការបញ្ជាក់ពីវិធានការរបស់លោកអភិបាលខេត្តសៀមរាប បានធ្វើឡើងបន្ទាប់ពីប្រជាពលរដ្ឋ នៅក្នុងខេត្តសៀមរាប សម្តែងការខឹងសម្បាចំពោះ មនុស្សមួយក្រុមមកតាំងខ្លួនជាអ្នកស្នងរូប «លោកយាយទេព» ហើយនាំគ្នាទៅធ្វើពិធី និងអង្គុយលើរូបសំណាក «លោកយាយទេព» តែម្តង។ ប្រជាពលរដ្ឋក្នុងខេត្តសៀមរាប បានហៅទង្វើទាំងអស់នេះថា ជាការជាន់ឈ្លីយ៉ាងខ្លាំងទៅកន្លែង ដែលជាទី គោរពបូជារបស់ពលរដ្ឋខេត្តសៀមរាប ក៏ដូចជាអ្នកមានជំនឿដទៃទៀត។</span></p>
<p><span style="color: #000000;">សូមបញ្ជាក់ថា រូបសំណាក «លោកយាយទេព» ស្ថិតនៅលើផ្លូវលេខ៦ ក្នុងក្រុងសៀមរាប ជាប់និងអាស្រម ព្រះអង្គចេក និងព្រះអង្គចម។ ប្រជាពលរដ្ឋក្នុងខេត្តសៀមរាប និងអ្នកទេសចរទៅកម្សាន្តនៅខេត្តសៀមរាប ក្រៅពីការបន់ស្រន់នៅព្រះអង្គចេក និងព្រះអង្គ ចមហើយនោះ ពួកគេក៏តែងទៅបន់ស្រន់នៅកន្លែង «លោកយាយទេព» ផងដែរ ដើម្បីសុំសេចក្តីសុខសេចក្តីសប្បាយ និងជួយឲ្យពួក គេបានសម្រេចនូវបំណងផ្សេង៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-3-22-01-pm-20-01-2016--15-30-07.png"><span style="color: #000000;"><img src="/FileManager/Articles/mce/2016/1/20/1-20-2016-3-22-01-pm-20-01-2016--15-30-07.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-3-22-22-pm-20-01-2016--15-30-17.png"><span style="color: #000000;"><img src="/FileManager/Articles/mce/2016/1/20/1-20-2016-3-22-22-pm-20-01-2016--15-30-17.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/20/1-20-2016-3-22-37-pm-20-01-2016--15-30-27.png"><span style="color: #000000;"><img src="/FileManager/Articles/mce/2016/1/20/1-20-2016-3-22-37-pm-20-01-2016--15-30-27.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>