<p><span style="color: #000000;"><strong>(សិង្ហបុរី)៖</strong> ព្រឹត្តិការណ៍ក្បួនដង្ហែរ Chingay ត្រូវបានបើកជាផ្លូវការណ៍ហើយ នៅរាត្រីថ្ងៃទី១០ ខែកុម្ភៈ ឆ្នាំ២០១៧នេះ ក្រោមវត្តមានលោកនាយករដ្ឋមន្រ្តី លី ស៊ានឡុង និងភរិយា ជាមួយនឹងវត្តមានទស្សនិកជនប្រមាណជាងប្រាំបីម៉ឺននាក់ នៅក្នុងទីតាំង Pit Building ប្រទេសសឹង្ហបុរី។</span></p>
<p><span style="color: #000000;">ក្បួនដង្ហែរសិល្បៈ និងទស្សនីយភាពជាច្រើនត្រូវបានដាក់បង្ហាញជាមួយ នឹងសម្លេងហូរកញ្ជ្រៀវពីទស្សនិកជននៅពេលក្បួនដង្ហែរនិមួយៗបានរំកិលចូលមកដល់ ជាមួយនឹងការបាញ់កាំជ្រួច ការបាញ់ភ្លើង និងការទម្លាក់ព្រិលសិប្បនិមិត្តមកលើទស្សនិកជន ដែលកំពុងកាន់សារ និងឧបករណ៍គាំទ្រនានា បក់រវិចៗ ជាមួយនឹងស្នាមញញឹម និងសេចក្តីរំពឹងសម្រាប់ភាពជោគជ័យថ្មីនៅក្នុងឆ្នាំថ្មី។</span></p>
<p><span style="color: #000000;">ក្រៅពីពាក្យយ៉ាងខ្លីថា ជូនពរឆ្នាំថ្មី លោកនាយករដ្ឋមន្រ្តី លី ស៊ានឡុង បានសំឡឹងរំពៃមើលក្បួនដង្ហែរនិមួយៗយ៉ាងយកចិត្តទុកដាក់ ហើយលោកបានទាញយក កាម៉េរាផ្ទាល់ខ្លួនរបស់លោកភ្លាមមកផ្តិតយកផ្ទាំងទស្សនីយភាពសិល្បៈខ្មែរ នៅពេលដែលក្បួននេះបានចូលមកដល់ជិតលោក។</span></p>
<p><span style="color: #000000;">ដោយមានការរួមបញ្ចូលគ្នារវាងល្ខោនស្បែកធំ របាអប្សរា របាំកញ្ឆែ និងគុនល្បុក្កតោ សិល្បៈករ សិល្បៈការិនីខ្មែរចំនួន៥៤ រូបបានរាំបង្ហាញជូនទស្សនិកជន ទាំងនោះ ដោយបង្ហាញនូវភាពប្រណិតនៃសិល្បៈខ្មែរផង និងភាពអង់អាចរបស់ខ្មែរផង។ នៅលើផ្លូវប្រវែងប្រមាណ៦០០ម៉ែត្រ ទាំងនៅលើគោក ក្នុងទឹក និងនៅលើវេទិកា ក្រុមសិល្បៈខ្មែរបានអង្រួនចិត្តអ្នកទស្សនារាប់ម៉ឺននាក់ ឲ្យបានយល់ច្បាស់ពីភាពអស្ចារ្យរបស់ខ្មែរ និងបន្សល់ទុកនូវស្នាមញញឹម និងស្នូរទះដៃយ៉ាងកងរំពងស្ទើរស្រក់ទឹកផ្នែក។</span></p>
<p><span style="color: #000000;">គួររំលឹកផងដែរថា ក្រោមកិច្ចសហការរវាងសហភាពសហព័ន្ធយុវជនកម្ពុជា និងសមាគមប្រជាជនសិង្ហបុរី ក្រមសិល្បៈកម្ពុជាត្រូវបានអញ្ជើញចូលរួមក្នុង ព្រឹត្តិការណ៍ដង្ហែរក្បួននៅក្នុងឆ្នាំនេះ។ គណៈប្រតិភូកម្ពុជា ព្រមទាំងសិល្បៈករ សិល្បៈការិនីកម្ពុជាចំនួន៧៤រូបដឹកនាំដោយលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកស្រី ភឿង សក្កណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានធ្វើដំណើរទៅចូលរួមក្នុងពិធីនេះ៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-29-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-27-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-30-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-32-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-34-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-35-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-37-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-16-38-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-11-14-32-08-0.png" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>