<p><span style="color: #000000;"><strong>ភ្នំពេញ៖</strong> នៅក្នុងពិធីរៀបអាពាហ៍ពិពាហ៍ របស់មហាសេដ្ឋីស្រុកខ្មែរ អ្នកឧកញ៉ា គិត ម៉េង និងស្រីតូច ចំណាន ដ៏មហាអធិកអធមជាទីបំផុត នារាត្រីថ្ងៃទី២០ ខែមីនា ឆ្នាំ២០១៥ នៅទីក្រុងកោះពេជ្រ ដោយមានការចូលរួមពីមន្រ្តីថ្នាក់ដឹកនាំប្រទេសកំពូលៗនោះ ត្រូវបានលោក ហ៊ុយ វណ្ណៈ ជាមនុស្សជំនិត របស់អ្នកឧកញ៉ា គិត ម៉េង និងជានាយកគ្រប់គ្រងព័ត៌មានរបស់ស្ថានីយទូរទស្សន៍ CNC ដ៏ល្បីនៅកម្ពុជា បានទម្លាយ នៅរសៀលថ្ងៃទី២១ ខែមីនា ឆ្នាំ២០១៥ ក្រោយពីបញ្ចប់កម្មវិធីមង្គលការរបស់អ្នកឧកញ៉ា គិត ម៉េង និងរៀបប្រាប់យ៉ាងដូច្នេះថា៖</span></p>
<p><span style="color: #000000;">ប្រវត្តិដើមហេតុនៃការឈានចូល រៀបចំពិធីមង្គលការរបស់អ្នកឧកញ៉ា គិត ម៉េង និងស្រីតូច ចំណាន គឺផ្តើមចេញពីលើកឡើងកូនស្រីទី២ របស់អ្នកឧកញ៉ា គិត ម៉េង មានឈ្មោះ គិត ស៊ូរៀ អាយុ ៨ឆ្នាំ បានសួរទៅម្តាយរបស់នាង (ស្រីតូច ចំណាន) ថា «<strong>ម៉ាក់ៗ ឃើញតែទៅញុំាការគេ ទើបពេលណាបានម៉ាក់រៀបការ</strong>» ។</span></p>
<p><span style="color: #000000;">លុះនៅថ្ងៃមួយ ក្នុងដំណើរទស្សនកិច្ចជាលក្ខណៈឯកជន ជាមួយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិតិ្តព្រឹទ្ធបណ្ឌិត រួមនឹងមន្រ្តីជាន់ខ្ពស់មួយចំនួន នៅប្រទេសសិង្ហបុរី ក្នុងអំឡុងខែ១១ ឆ្នាំ២០១៣ ដោយនៅពេលនោះ កូនស្រីទី២ អាយុ ៨ឆ្នាំ (គិត ស៊ូរៀ ) បានលើកជាសំណួរទៅកាន់សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ក្នុងនាមជាចៅ នៅក្នុងឱកាសទទួលទានអាហារជួបជុំគ្នា </span><br /><span style="color: #000000;">ដោយបានលើកឡើងយ៉ាងដូច្នេះថា <strong>«តា តា ខ្ញុំចង់ឃើញម៉ាក់រៀបការដូចគេ សូមតាជួយផង!</strong>»</span></p>
<p><span style="color: #000000;">ដោយខណៈពេលនោះ សម្តេចតេជោ ហ៊ុន សែន បានឆ្លើយតបវិញថា <strong>«តើ! ចង់ឲ្យតាធ្វើដូចម្តេច»</strong> នៅពេលនោះកូនស្រីទី២ របស់អ្នកឧកញ៉ា គិត ម៉េង បានឆ្លើយតបទៅកាន់សម្តេចតេជោ វិញថា <strong>«សូមឲ្យតាចេញបញ្ជាទៅ ទើបបាន!»</strong> ។ ហើយគំនិតរបស់កូនស្រី ស៊ូរៀ ចង់ឃើញឪពុកម្តាយរៀបការនោះ ត្រូវបានសម្តេចទាំងពីរជំរុញ និងជួយជ្រោមជ្រែងទៅអ្នកឧកញ៉ា គិត ម៉េង និងស្រីតូច ចំណាន ឲ្យឈានជើងចូលរោងការតែម្តង។</span></p>
<p><span style="color: #000000;">លោក ហ៊ុយ វណ្ណៈ បានបន្តរៀបរាប់ថា ថ្ងៃកំណត់អាពាហ៍ពិពាហ៍របស់អ្នកឧកញ៉ា គិត ម៉េង ត្រូវបានជ្រើសរើស យ៉ាងសម្រិតសម្រាំង ដោយកំណត់យកថ្ងៃមួយក្នុងខែមីនា ដែលជាថ្ងៃគម្រប់ខួបមួយឆ្នាំនៃការផ្តាច់បារី ដើម្បីសុខភាពរបស់សម្តេចតេជា ហ៊ុន សែន នោះគឺថ្ងៃទី២០ ខែមីនា ឆ្នាំ២០១៥ នេះឯង។</span></p>
<p><span style="color: #000000;">មនុស្សជំនិតអ្នកឧកញ៉ា គិត ម៉េង រូបនោះបានបញ្ជាក់ថា នៅរសៀលថ្ងៃសៅរ៍ ទី២១ ខែមីនានេះ អ្នកឧកញ៉ា គិត ម៉េង បានរៀបចំជប់លៀងមួយជូន បុគ្គលិក និងអ្នកជួយរៀបចំកិច្ចការក្នុងពិធីមង្គលការ ដែលបាននឿយហត់រយៈពេលប៉ុន្មានថ្ងៃមកនេះ៕ </span></p>
<p><a class="thickbox" title="" href="/FileManager/Commons/2015/3/22/10-22-03-2015--10-24-45.jpg"><img src="/FileManager/Articles/mce/2015/3/22/10-22-03-2015--10-24-45.jpg" alt="" /></a></p>
<p><a class="thickbox" title="" href="/FileManager/Commons/2015/3/22/11-22-03-2015--10-24-51.jpg"><img src="/FileManager/Articles/mce/2015/3/22/11-22-03-2015--10-24-51.jpg" alt="" /></a></p>
<p><a class="thickbox" title="" href="/FileManager/Commons/2015/3/22/12-22-03-2015--10-24-59.jpg"><img src="/FileManager/Articles/mce/2015/3/22/12-22-03-2015--10-24-59.jpg" alt="" /></a></p>
<p><a class="thickbox" title="" href="/FileManager/Commons/2015/3/22/13-22-03-2015--10-25-06.jpg"><img src="/FileManager/Articles/mce/2015/3/22/13-22-03-2015--10-25-06.jpg" alt="" /></a></p>
<p><a class="thickbox" title="" href="/FileManager/Commons/2015/3/22/14-22-03-2015--10-25-13.jpg"><img src="/FileManager/Articles/mce/2015/3/22/14-22-03-2015--10-25-13.jpg" alt="" /></a></p>
<p><a class="thickbox" title="" href="/FileManager/Commons/2015/3/22/15-22-03-2015--10-25-21.jpg"><img src="/FileManager/Articles/mce/2015/3/22/15-22-03-2015--10-25-21.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>