<p><span style="color: #000000;"><span style="font-size: 12px;">សម្តេចក្រឡាហោម </span><strong>ស ខេង</strong><span style="font-size: 12px;"> ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកឡើងនៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ ២០១៧ កាលពីម្សិលមិញក្នុងសាលចតុមុខថា ក្រសួងសាធារណការ និងដឹកជញ្ជូនទទួលបានការរិះគន់ជាខ្លាំងពីសាធារណជនជាពិសេសនៅផ្លូវជាតិលេខ ៨ ជុំវិញបញ្ហាជួសជុលផ្លូវ និងច្បាប់ចរាចរណ៍។ ជាក់ស្តែង ផ្លូវជាតិនេះគឺទើបតែជួសជុល ប៉ុន្តែនៅតែមានការខូចខាតដដែល។ ដូចនេះ សូមឲ្យការជួសជុលមានគុណភាពរឹងម៉ាំប្រើប្រាស់បានយូរអង្វែង គោរពតាមស្តង់ដាបច្ចេកទេស ដើម្បីផ្តល់សេចក្តីទុកចិត្តជូនបងប្អូនប្រជាពលរដ្ឋ។</span></span></p>
<p><a class="thickbox" title="" href="/FileManager/Commons/2018/1/17/2-17-01-2018--11-02-26.png"><img src="/FileManager/Articles/mce/2018/1/17/2-17-01-2018--11-02-26.png" alt="" /></a></p>
<p><span style="color: #000000;">តាមរយៈរបាយការណ៍ប្រចាំឆ្នាំ ២០១៧ បានបង្ហាញថា ក្រសួងបានចំណាយថវិការលើសពី ២០០លានដុល្លារ សម្រាប់ជួសជុលផ្លូវប្រវែងជិត ១០,០០០គីឡូម៉ែត្រ។</span></p>
<p><span style="color: #000000;">ឯកឧត្តម ទេសរដ្ឋមន្ត្រី <strong>ស៊ុន ចាន់ថុល</strong> បានមានប្រសាសន៍ថា ឯកឧត្តមនឹងជំរុញការងារនេះឲ្យកាន់តែលឿនជាងមុន រីឯទិសដៅផែនការសកម្មភាពឆ្នាំ ២០១៨នេះ គឺថែរក្សា និងជួសជុសផ្លូវគ្រប់ខ្សែរទាំងអស់ដើម្បីធានាគុណភាពជាមួយនឹងសុវត្ថិភាពដល់ប្រជាពលរដ្ឋដែលធ្វើដំណើរតាមដងផ្លូវ។</span></p>
<p><span style="color: #000000;"><a class="thickbox" title="" href="/FileManager/Commons/2018/1/17/1-17-01-2018--11-02-14.png"><img src="/FileManager/Articles/mce/2018/1/17/1-17-01-2018--11-02-14.png" alt="" /></a><br /></span></p>
<p><span style="color: #000000;">សម្តេចក្រឡាហោម <strong>ស ខេង</strong> បានបន្ថែមទៀតថា អត្រាគ្រោះថ្នាក់ចរាចរណ៍មានចំនួនគួរឲ្យកត់សម្គាល់ ដោយយើងសង្កេតខឃើញថា មានអ្នកបើកបរម៉ូតូជាច្រើននៅតែជិះបញ្ជាស់ទិសចរាចរណ៍ និងគ្មានមួកសុវត្ថិភាព ហើយពួកគាត់ក៏ពុំសូវយល់អំពីច្បាប់ចរាចរណ៍ផងដែរ។ នេះដោយសារតែការរឹតបណ្តឹងច្បាប់ គឺនៅមានកម្រិតនូវឡើយ។ ដូចនេះ យើងត្រូវតែព្យាយាមកាត់បន្ថយគ្រោះថ្នាក់ចរាចរណ៍នៅក្នុងឆ្នាំ ២០១៨។</span></p>
<p><span style="color: #000000;">តាមរយៈរបាយការណ៍របស់ក្រសួងមហាផ្ទៃសម្រាប់ឆ្នាំ ២០១៧ បានបង្ហាញថា មានមនុស្សចំនួន ១,៧៨០នាក់បានស្លាប់ និង ៥,៥៣៩នាក់រងរបួសដោយសារគ្រោះថ្នាក់ចរាចរណ៍ ៕</span></p>
<p><span style="color: #000000;"><a class="c_tab" href="http://www.khmertimeskh.com/50102517/traffic-law-crackdown/" target="_blank"><img src="/FileManager/Articles/mce/2018/1/17/khmertimes-17-01-2018--11-02-40.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ ច័ន្ទ</span></p>
<p style="text-align: right;"><span style="color: #000000;">ប្រភព៖ KhmerTimes</span></p>