<p><span style="font-size: 12px; color: #000000;">អ្នកចម្រៀងខ្មែរល្បីឈ្មោះលើឆាកអន្តរជាតិ អ្នកនាង កាក់ ចន្ធី រើខ្លួនពីភាពក្រីក្រលំបាក ដើម្បីសម្ដែងឱ្យទស្សនិកជនទាំងក្នុង និងក្រៅប្រទេសបានទស្សនា។ ក្រុមតន្រ្ដីរបស់អ្នកនាង ដែលមានឈ្មោះថា Cambodia Space Project បានប្រែខ្លួនជាក្រុមតន្រ្ដី Rock កម្ពុជា ដែលបង្ហាញវត្ដមាន និងសម្ដែងនៅក្រៅប្រទេស។</span></p>
<p><span style="color: #0000ff;"><a href="/news/detail/50164/welcome-to-advertisement-page-of-camnews"><span style="color: #0000ff;">-ឱកាសពិសេសសម្រាប់អ្នកចង់ផ្សាយពាណិជ្ជកម្ម នៅលើគេហទំព័រ Camnews </span></a></span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2018/3/22/1-22-03-2018--15-46-03.png"><img src="/FileManager/Articles/mce/2018/3/22/1-22-03-2018--15-46-03.png" alt="" /></a><br /></span></p>
<p><span style="color: #000000;">មណរភាពរបស់អ្នកនាងក្នុងវ័យ ៣៨ ឆ្នាំ កាលពីថ្ងៃអង្គារ នៅក្នុងគ្រោះរថយន្ដបុកជាមួយរម៉កកង់បី បានធ្វើឱ្យអ្នកគាំទ្រអ្នកនាងជុំវិញពិភពលោក រន្ធត់ចិត្ដ និងសោកស្ដាយជាខ្លាំង។</span></p>
<p><span style="color: #000000;">អតីតស្វាមីអ្នកនាង និងជាសហស្ថាបនិកក្រុមតន្រ្ដីខាងលើ លោក Julien Poulson បានប្រាប់ BBC ថា៖<em>” តន្រ្ដី ទឹកដមសម្លេង ជីវិត និងរឿងរ៉ាវរបស់នាង ដក់ជាប់ក្នុងអារម្មណ៍មនុស្សជាច្រើនទូទាំងពិភពលោក”។</em></span></p>
<p><span style="color: #000000;"><em><a class="thickbox" title="" href="/FileManager/Commons/2018/3/22/2-22-03-2018--15-46-13.png"><img src="/FileManager/Articles/mce/2018/3/22/2-22-03-2018--15-46-13.png" alt="" /></a><br /></em></span></p>
<p><span style="color: #000000;"><strong>ការជម្នះភាពក្រីក្រ និងភាពលំបាកក្នុងជីវិត</strong><strong></strong></span></p>
<p><span style="color: #000000;">អ្នកនាង កាក់ ចន្ធី មកពីគ្រួសារក្រីក្រនៅជនបទ ហើយអ្នកនាងធ្លាប់ជួបរឿងរ៉ាវជូរចត់ នៅក្នុងឆាកជីវិត ដែលជាក្មេងស្រីក្រីក្រ ធ្វើដំណើរចាកចេញពីជនបទមករកការងារធ្វើនៅទីក្រុងភ្នំពេញ។ នៅទីក្រុងភ្នំពេញ អ្នកនាង ធា្លប់ធ្វើការងារយ៉ាងលំបាក ដោយពេលខ្លះ អ្នកនាងរកប្រាក់កម្រៃបានមិនដល់ ១ ដុល្លារផងក្នុងមួយថ្ងៃ។</span></p>
<p><span style="color: #000000;"><a class="thickbox" title="" href="/FileManager/Commons/2018/3/22/3-22-03-2018--15-46-37.png"><img src="/FileManager/Articles/mce/2018/3/22/3-22-03-2018--15-46-37.png" alt="" /></a><br /></span></p>
<p><span style="color: #000000;">អ្នកនាងបានប្រាប់ BBC នៅក្នុងបទសម្ភាសន៍មួយកាលពីឆ្នាំ ២០១៧ ថា៖” <em>នាងខ្ញុំធ្លាប់ច្រៀង នៅក្នុងបារខារ៉ាអូខេមួយ ប៉ុន្ដែនៅក្នុងឆ្នាំ ២០០៦ នាងខ្ញុំចង់មានអាជីពជាអ្នកចម្រៀងល្បីម្នាក់។ ដូច្នេះហើយ នាងខ្ញុំបានសុំអនុញ្ញាត ថៅកែហាងបៀរហ្គាដិនមួយ ដើម្បីបានច្រៀង។ ប៉ុន្ដែនៅពេលនោះ នាងខ្ញុំមានអារម្មណ៍ភ័យភ្លាំងណាស់ រហូតដល់ជ្រុះក្បាលមីក្រូពីដៃ។ សំណាងដែរ ដោយសារថ្ងៃនោះ ថៅកែហាង យល់ព្រមទទួលនាងខ្ញុំ ហើយសម្រេចចិត្ដជួលនាងខ្ញុំឱ្យច្រៀង ដោយឱ្យតម្លៃ ២ ដុល្លារក្នុងមួយថ្ងៃ”។</em></span></p>
<p><span style="color: #000000;"><em><a class="thickbox" title="" href="/FileManager/Commons/2018/3/22/4-22-03-2018--15-46-48.png"><img src="/FileManager/Articles/mce/2018/3/22/4-22-03-2018--15-46-48.png" alt="" /></a><br /></em></span></p>
<p><span style="color: #000000;">ហាងបៀរហ្គាដិននោះហើយ ជាកន្លែង ដែលតន្រ្ដីករសញ្ជាតិអូស្រ្ដាលី លោក Julien Poulson ជាប់ចិត្ដនឹងសម្លេងរបស់អ្នកនាង ហើយអ្នកទាំងពីរក៏បបួលគ្នា បង្កើតក្រុមតន្រ្ដី Cambodia Space Project នេះ។</span></p>
<p><span style="color: #000000;">លោក Scott Bywater ដែលលេងតន្រ្ដីជាមួយអ្នកនាងនៅក្នុងក្រុមតន្រ្ដីនេះ និងទៅលេងតាមការអញ្ជើញផងដែរនោះ បានប្រាប់ BBC ថា៖<em>”អ្នកនាង ចន្ធី តែងយកលំនាំបទតារាចម្រៀងកំពូល ឆ្នាំ ១៩៦០ មកច្រៀងដូចជា រស់សេរី សុទ្ធា ប៉ែនរ៉ន និងស៊ិនស៊ីសាមុត្រជាដើម”</em>។</span></p>
<p><span style="color: #000000;"><a class="thickbox" title="" href="/FileManager/Commons/2018/3/22/5-22-03-2018--15-47-01.png"><img src="/FileManager/Articles/mce/2018/3/22/5-22-03-2018--15-47-01.png" alt="" /></a><br /></span></p>
<p><span style="color: #000000;">គួររំលឹកថា សពរបស់តារាចម្រៀងស្រីរ៉ុកខេនរ៉ូលខ្មែរវ័យ ៣៨ ឆ្នាំ អ្នកនាងកាក់ ចន្ធី ដែលនិយមច្រៀងបទជាមរតកដើមនាទសវត្សរ៍ទី ៦០-៧០ និងមានក្រុមចម្រៀងជាមួយជនបរទេស ត្រូវបានដឹកយកទៅធ្វើបុណ្យតាមប្រពៃណីពុទ្ធសាសនា នៅឯស្រុកកំណើតខេត្តព្រៃវែង ក្រោយពីជួបគ្រោះថ្នាក់ចរាចរណ៍ ដោយរថយន្តម៉ាក Prius ពណ៌កណ្តុរប្រមេះ បុករម៉កកង់បីធ្លាក់ដួលបែកក្បាល ស្លាប់ភ្លាមៗ កាលពីវេលាម៉ោង ១ និង ៤០ នាទីយប់រំលងអាធ្រាត្រ ចូលថ្ងៃទី ២០ ខែមីនា ឆ្នាំ ២០១៨ នៅត្រង់ចំណុចបណ្តោយផ្លូវលេខ ១៦៣ ទិសដៅពីជើងទៅត្បូង (ផ្តុំភ្លើងស្តុបទួលទំពូង កែងនឹងផ្លូវនៅភោជនីដ្ឋានទន្លេបាសាក់ទី ១) ៕</span></p>
<p><span style="color: #000000;"><a class="thickbox" title="" href="/FileManager/Commons/2018/3/22/7-22-03-2018--15-47-15.png"><img src="/FileManager/Articles/mce/2018/3/22/7-22-03-2018--15-47-15.png" alt="" /></a></span></p>
<p><br /><a class="thickbox" title="" href="/FileManager/Commons/2018/3/22/6-22-03-2018--15-47-25.png"><img src="/FileManager/Articles/mce/2018/3/22/6-22-03-2018--15-47-25.png" alt="" /></a></p>
<p><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/3/22/mkn-22-03-2018--15-47-36.png" alt="" /></a><a class="thickbox" title="" href="/FileManager/Commons/2018/3/22/6-22-03-2018--15-47-25.png"></a><span style="color: #000000;"><a class="thickbox" title="" href="/FileManager/Commons/2018/3/22/7-22-03-2018--15-47-15.png"></a><br /></span></p>
<p style="text-align: right;"><span style="color: #000000;">អត្ថបទ៖ សារ៉ាត</span></p>