<p><span style="color: #000000;"><strong>(ភ្នំពេញ)៖</strong> <strong>កញ្ញា ខុម ចាន់តារ៉ាទី ហៅ ស្រីមុំ បានសម្រេចចិត្តដាក់ពាក្យបណ្តឹងទៅកាន់ ព្រះរាជអាជ្ញាអមសាលាដំបូង រាជធានីភ្នំពេញ ដោយប្តឹងលោក កឹម សុខា និងគូកន ព្រមទាំងជនពាក់ព័ន្ធដ៏ទៃទៀត ដោយទាមទារសំណងជំងឺចិត្តចំនួន៣០ម៉ឺនដុល្លារ</strong> នេះបើយោងតាមពាក្យ បណ្តឹងរបស់កញ្ញា ស្រីមុំ ដែលអង្គភាព Fresh News ទើបទទួលបានមុននេះបន្តិច នាយប់រំលងអាធ្រាត្រចូលថ្ងៃទី២៣ ខែមេសា ឆ្នាំ២០១៦។</span></p>
<p><span style="color: #000000;">នៅក្នុងពាក្យបណ្តឹងរបស់កញ្ញា ស្រីមុំ បានសរសេរប្តឹងលោក កឹម សុខា និងគូកន ព្រមទាំងជនពាក់ព័ន្ធដ៏ទៃទៀតថា៖ «សូមទាមទារសំណងជំងឺចិត្ត ពីលោក កឹម សុខា និងគូកន ពីបទធ្វើឲ្យរូបនាង ខាតបង់ពេលវេលា បាត់ការងារ ខាតបង់សេដ្ឋកិច្ចគ្រួសារ និងការខូចខាតកិត្តិយស សេចក្តីថ្លៃថ្នូររបស់នាងចំនួន<strong>៣០០,០០០(បីរយពាន់)ដុល្លារអាមេរិក</strong>»។ ការដាក់ពាក្យបណ្តឹងរបស់កញ្ញា ស្រីមុំ នេះធ្វើឡើងតាមរយៈ មេធាវី គឹម វាសនា។</span></p>
<p><span style="color: #000000;">កញ្ញា ស្រីមុំ បានរៀបរាប់នៅក្នុងលិខិតពាក្យបណ្តឹងយ៉ាងដូច្នេះថា៖ <strong>«នាងខ្ញុំសូមជម្រាបជូនឯកឧត្តមព្រះរាជអាជ្ញាមេត្តាជ្រាបថា ឆ្លងកាត់ដំណើររឿង នេះ នាងខ្ញុំត្រូវខូចខាតកិត្តិយសសេចក្តីថ្លៃថ្នូរយ៉ាងធ្ងន់ធ្ងរ ដោយសារឈ្មោះ កឹម សុខា ភេទប្រុស បានសន្យាជាច្រើនជាមួយនាងខ្ញុំ មានដូចជា សន្យាផ្តល់ប្រាក់ចំនួន៣ពាន់ដុល្លារអាមេរិក សន្យាទិញផ្ទះ និងទិញរបស់របរដែលនាងខ្ញុំត្រូវការឲ្យនាងខ្ញុំ សន្យាបើកមុខរបរឲ្យនាងខ្ញុំ។ល។ តែរហូតមកដល់ពេលនេះ គាត់មិនបានប្រគល់ឲ្យនាងខ្ញុំទេ។ ដោយសារអំពើរបស់គាត់ ពេលនះបានធ្វើឲ្យនាងខ្ញុំ ត្រូវបាត់បង់កិត្តិយសសេចក្តីថ្លៃថ្នុរ ខាតបង់ពេលវេលា ការបាត់ការងារ ខាតបង់សេដ្ឋកិច្ចគ្រួសាររបស់នាងខ្ញុំ ដែលមាននាងខ្ញុំជាបង្គោលក្នុងគ្រួសារ។ នៅពេលនេះនាងខ្ញុំមិនអាច ចេញដើរទៅណាមកណាបានដូចពីមុនបានទៀតទេ ដោយសារខ្មាស់គេ នាងខ្ញុំត្រូវបាត់កិត្តិយសសេចក្តីថ្លៃថ្នូរ បាត់បង់ការងារ ប្រាក់ចំណូល ជាពិសេសនាងខ្ញុំ ជានារីដែលមិនទាន់មានគ្រួសារនៅឡើយ សួរថាតើអ្នកណាត្រូវការនាងខ្ញុំ»</strong>។</span></p>
<p><span style="color: #000000;">ស្រីមុំបានបញ្ជាក់ទៀតថា «សុំតុលាការមេត្តាជួយរកយុត្តិធម៌ឲ្យនាងខ្ញុំជានារីទន់ខ្សោយ»៕</span></p>
<p><span style="color: #000000;">ខាងក្រោមនេះជាពាក្យបណ្តឹងរបស់ស្រីមុំ ប្តឹងលោក កឹម សុខា និងគូកន៖</span></p>
<p> </p>
<p><img src="http://image.freshnewsasia.com/2016/001/04/fn-2016-04-23-00-27-26-2.jpg" alt="" width="730" /></p>
<p><img src="http://image.freshnewsasia.com/2016/001/04/fn-2016-04-23-00-27-26-1.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>