<p><span style="color: #000000;"><strong>(ប៉ាគីស្ថាន)៖</strong> បុរសបីនាក់ត្រូវប៉ូលិសចាប់ខ្លួន ដោយ ចោទពីបទឃាតកម្ម បន្ទាប់ពីពួកគេសម្លាប់នារីវ័យក្មេង ជាគ្រូបង្រៀនដ៏ស្រស់ស្អាតម្នាក់ទាំងរស់ ព្រោះតែខឹងនាងមិនព្រមរៀបការ ជាមួយបុរសមានប្រពន្ធហើយ។</span></p>
<p><span style="color: #000000;">ហេតុការណ៍ដ៏តក់ស្លុតនេះ កើតឡើងនៅប្រទេសប៉ាគីស្ថាន នៅថ្ងៃកើតហេតុប៉ូលិសនិយាយថា មានបុរស៥នាក់ចូលទៅ ក្នុងផ្ទះនារីរងគ្រោះអាយុ១៨ឆ្នាំ ឈ្មោះ Maria Sadaqat នៅពេលនាងកំពុងមើលថែប្អូនស្រី អាយុ៥ឆ្នាំម្នាក់ដោយពេលនោះក្រុម ជនដៃដល់បានចាប់នារីរងគ្រោះ វាយធ្វើបាបរួចចាក់សាំង លើរាងកាយនាង ហើយក៏កេះភ្លើងដុតតែម្តង។ Sadaqat ឆាបឆេះខ្លួនប្រាណ ប្រមាណ៨៥ភាគរយ ហើយក៏បានដាច់ខ្យល់ស្លាប់ នៅពេលបញ្ជូនទៅដល់មន្ទីរពេទ្យ។</span></p>
<p><span style="color: #000000;">ប៉ូលិសឲ្យដឹងថា នាងត្រូវគេសម្លាប់យ៉ាងព្រៃផ្សៃបែបនេះ ព្រោះតែបដិសេធ មិនទទួលយកសំណើសុំរៀបការ ពីចៅហ្វាយនៅសាលា ដែលស្នើ នាងឲ្យរៀបការជាមួយកូនប្រុសខ្លួន ដោយសន្យាឲ្យធ្វើជាអ្នកគ្រប់គ្រង សាលាទៀតផង តែនារីរងគ្រោះ ដឹងថាកូនប្រុសនាយកសាលា មានប្រពន្ធរួចទៅហើយ នាងមិនព្រមឡើយ ទើបឈានដល់ការជួបរឿង អកុសលនេះឡើងតែម្ដង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/8/1-08-06-2016--11-50-38.png"><img src="/FileManager/Articles/mce/2016/6/8/1-08-06-2016--11-50-38.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>