<p>ក្រុងព្យុងយ៉ាងបានចោទប្រកាន់ចំពោះ ការប្រើប្រាស់ទង់ជាតិរបស់កូរ៉េខាងជើង ក្នុងសមយុទ្ធយោធា<br />របស់ ក្រុងវ៉ាស៊ីងតោន និងសេអ៊ូល ថាជាអំពើបង្កជម្លោះដ៏ខ្លាំងក្លា និងបានប្រកាសថា នឹងបង្កើនការ<br />គំរាមកំហែងផ្នែកអាវុធនុយក្លេអែរ។</p>
<p class="pBody">ទាហានប្រមាណជា ២,០០០នាក់របស់អាមេរិក និងកូរ៉េខាងត្បូង រួមជាមួយនឹងរថក្រោះ យន្ដហោះ<br />ចម្បាំង ឧទ្ធម្ភាគចក្រជាច្រើនគ្រឿង បានចូលរួមក្នុងសមយុទ្ធយោធារួមគ្នា។ គោលដៅដែលយក<br />មកធ្វើជាការវាយប្រហារក្នុងសមយុទ្ធនេះគឺការប្រតិកម្មតបទៅនឹងការវាយប្រហារនៅតាមព្រំដែន។</p>
<p class="pBody">កូរ៉េខាងត្បូងបានអោយដឹងថា ទង់ជាតិរបស់កូរ៉េខាងជើង ត្រូវបានប្រើប្រាស់ដើម្បីប្ដេជ្ញាក្នុងការធ្វើ<br />អោយបរាជ័យចំពោះការឈ្លានពាន។</p>
<p class="pBody"><a class="thickbox" title="" href="/FileManager/Commons/2012/6/27/trieu-27-06-2012--09-34-36.jpg"><img src="/FileManager/Articles/mce/2012/6/27/trieu-27-06-2012--09-34-36.jpg" alt="" /></a></p>
<p class="pBody">សមយុទ្ធយោធារវាងអាមេរិក និងកូរ៉េខាងត្បូង ត្រូវបានធ្វើឡើងដើម្បីរំឭកឡើងវិញនូវការកើតមាន<br />សង្គ្រាមកូរ៉េ កាលពីថ្ងៃទី ២៥ មិថុនា ឆ្នាំ ១៩៥០។ ក្រៅពីសមយុទ្ធខាងលើ ក្រុងវ៉ាស៊ីងតោន និង<br />សេអ៊ូល ក៏បានធ្វើការហ្វឹកហាត់ផ្នែកយោធានៅលើសមុទ្រលឿង ក្នុងរយៈពេល ៣ថ្ងៃ ដោយបាន<br />ប្រើប្រាស់យន្ដហោះចម្បាំង នាវាចម្បាំង រួមនឹងនាវាដឹកយន្ដហោះអាមេរិកផងដែរ។</p>
<p class="pBody">ឆ្លើយតបទៅនឹងព្រឹតិការណ៍ខាងលើ ក្រសួងការបរទេសកូរ៉េខាងជើង អះអាងថា ការប្រើប្រាស់ទង់<br />ជាតិកូរ៉េខាងជើងធ្វើជាគោលដៅក្នុងការហាត់បាញ់ គឺជារូបភាពដែលលេចធ្លោបំផុតសម្រាប់ភាព<br />ឃោរឃៅរបស់អាមេរិក។ ការប្រកាសបានអោយដឹងថា "នេះគឺជាសកម្មភាពយោធាប្រកបដោយ<br />ភាពគ្រោះថ្នាក់ និងបង្កជម្លោះ ដែលទាក់ទឹននឹងនយោបាយ នៅពេលបាញ់គ្រាប់កាំភ្លើងសំដៅលើ<br />ទង់ជាតិរបស់ប្រទេសមួយដែលនៅមានវត្តមាន ដោយមិនបានប្រកាសសង្គ្រាម"។</p>
<p class="pBody">នៅក្នុងប្រកាសថ្មីបំផុតនេះ កូរ៉េខាងជើងបានចោទប្រកាន់អាមេរិក ថាចង់លេបយកឧបទ្វីបកូរ៉េ ទាំង<br />ស្រុង ហើយអាវុធនុយក្លេអែរ នឹងជា "ដៅអាជ្ញាសឹកដ៏មានតម្លៃ និងខ្លាំងក្លា ដើម្បីទប់ស្កាត់សង្គាម<br />ក៏ដូចជារក្សាសន្ដិភាព និងស្ថេរភាព" ក្នុងតំបន់។ កូរ៉េខាងជើងក៏បានប្រកាសថា ៖ "នឹងបន្ដការគំរាម<br />ផ្នែកនុយក្លេអែរ ដើម្បីការពារខ្លួននៅចំពោះសត្រូវទាំងឡាយ រហូតដល់អាមេរិក ដែលជាប្រទេស<br />មហាអំណាចនុយក្លេអែរធំបំផុតក្នុងលោក លែងធ្វើគោលនយោបាយជាសត្រូវជាមួយសាធារណរដ្ឋ<br />ប្រជាមានិត ប្រជាធិបតេយ្យកូរ៉េ"។</p>
<p class="pBody">ទីភ្នាក់ងារសារព័ត៌មាន Yonhap របស់កូរ៉េខាងត្បូង បានអោយដឹងថា ក្រុមអ្នកការទូតជាន់ខ្ពស់<br />របស់កូរ៉េខាងត្បូង និងរុស្ស៊ី នឹងមានកិច្ចប្រជុំមួយនៅក្រុងសេអ៊ូល ដើម្បីពិភាក្សារកវិធីសាស្ដ្រដែល<br />អាចកែលំអមកវិញនូវកិច្ចចចារ ៦ភាគីស្ដីពីនុយក្លេអែរ ដែលរួមមានប្រទេសរុស្ស៊ី អាមេរិក កូរ៉េខាង<br />ជើង ជប៉ុន ចិន និងកូរ៉េខាងត្បូង ដែលបានអាក់ខានតាំងពីខែធ្នូ ឆ្នាំ ២០០៨៕</p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ zing</p>