<p><span style="color: #000000;">ភ្នំពេញ៖ គ្រាន់តែបានឮឈ្មោះ នាយ គ្រឿន ភ្លាមទស្សនិកជន ក្មេង ចាស់ ប្រុស-ស្រី ពិតបានស្គាល់ គ្រប់ៗគ្នា ថាតារាកំប្លែងមុខស្ងួត ក្រម៉ិចក្រមើម និងត្រូវ ជាប្អូនប្រុសបង្កើត របស់នាយ ពែកមី ដោយទទួលបាន ជោគជ័យក្នុងអាជីព សិល្បៈ ជាតារាកំប្លែង ជិតពីរឆ្នាំមក តាមរយៈការសម្ដែង ក្នុងកម្មវិធីផ្សេងៗ ប្រចាំក្នុងស្ថានីយ ទូរទស្សន៍ CTN ។</span></p>
<p><span style="color: #000000;">ការវិវត្តខ្លួនជ្រៀតចូល ដណ្តើមទីផ្សារសិល្បៈ តាមរយៈនៃការកំប្លែងនេះ ទើបធ្វើឲ្យ នាយ គ្រឿន មានឱកាសលេចឈ្មោះល្បី និងអាចរកលុយ បានពីការសម្តែង ច្រៀង និង កំប្លែង រហូតមកដល់សព្វថ្ងៃនេះ ។ មិនត្រឹមតែប៉ុណ្ណោះ នាយក៏ក្តាប់បាន ឱកាសថ្មី ជាបន្តបន្ទាប់ ដូចជាការចូលខ្លួន សម្តែងខ្សែរឿង និងការចូលច្រៀង ឱ្យផលិតកម្មថោន ជាដើម។</span></p>
<p><span style="color: #000000;"><a class="thickbox" title="" href="/FileManager/Commons/2015/11/6/12a-06-11-2015--10-20-11.jpg"><img src="/FileManager/Articles/mce/2015/11/6/12a-06-11-2015--10-20-11.jpg" alt="" /></a><br /></span></p>
<p><span style="color: #000000;">បើតាមការសង្កេត មិនថាពេលឡើង សម្ដែងកំប្លែង ឬមួយច្រៀងឱ្យ ផលិតកម្មនោះទេ គឺនាង គ្រឿន តែងតែទាញបានមកវិញនូវ សម្លេងគាំទ្រ ដ៏ច្រើន ពីសំណាក់មហាជន អ្នកគាំទ្រទាំងក្នុង និងនៅក្រៅប្រទេស។ ប៉ុន្តែ ស្រពេល ដែលការគាំទ្រ កាន់តែមានសន្ទុះកើនឡើង គួរកម្គាល់ពី មួយថ្ងៃទៅមួយថ្ងៃនេះ ក៏មានព័ត៌មានលេចឮមកថា នាយ គ្រឿន មានទំនាក់ទំនងផ្អែមល្ហែម ជាមួយនារីវ័យក្មេង ជាតារាសម្តែង រស់នៅក្នុងចង្កោមសិល្បៈដូចគ្នា។</span></p>
<p><span style="color: #000000;">បើយោងតាម ប្រភពពីអ្នកសិល្បៈ បាននិយាយថា តារាកំប្លែង នាយ គ្រឿន បច្ចុប្បន្នកំពុងតែ មានការទាក់ទងស្នេហា ក្រៅសិល្បៈ ជាមួយនារី វ័យក្មេងម្នាក់ ដែលគេស្គាល់ថា ជាអ្នកសិល្បៈ សម្តែងខ្សែភាពយន្ត និងឈុតកាយវិការខារ៉ាអូខេ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/6/12-06-11-2015--10-20-20.jpg"><img src="/FileManager/Articles/mce/2015/11/6/12-06-11-2015--10-20-20.jpg" alt="" /></a><br /></span></p>
<p><span style="color: #000000;">ចំពោះសកម្មភាព ដែលឈានដល់ ដំណាក់កាល នៃការធ្លាយដំណឹងស្នេហ៍ រវាងតារាកំប្លែង នាយ គ្រឿន និង តារាសម្តែង ដែលគេមិនបញ្ចេញ ឈ្មោះខាងលើនេះ បន្ទាប់ពីប្រភពទាំងនេះ ឧស្សាហ៍ឃើញនាយ គ្រឿន និង នារីម្នាក់នោះ បានបញ្ចេញពី អាកប្បកិរិយាស្និទ្ធស្នាល ជាមួយគ្នា ប្លែកខុសពីធម្មតា។</span></p>
<p><span style="color: #000000;">ប្រភពដដែល បានឲ្យដឹង ដោយខ្លីទៀតថា ថ្មីៗនេះ នាយ គ្រឿង ហាក់ដូចជាឧស្សាហ៍ បណ្តើរនារីវ័យក្មេង មា្នក់នោះ ចេញទៅណាមកណា ជាប់ជាប្រចាំ មិនថាការ ទៅកំសាន្ត ឬចេញទៅញ៉ាំអាហារនោះទេ គឺតែងបាន ឃើញអ្នកទាំងពីរ ជាបន្តបន្ទាប់ ហើយអាចថា ការសន្និដ្ឋានថា នាយ គ្រឿន និង តារាសម្តែងស្រីម្នាក់នេះ កំពុងតែបង្ហាញពីសញ្ញា ស្នេហាជាមួយគ្នា។</span></p>
<p><span style="color: #000000;"><a class="thickbox" title="" href="/FileManager/Commons/2014/2/21/v0488-21-02-2014--10-07-22.jpg"><span style="color: #000000;"><img src="/FileManager/Articles/mce/2014/2/21/v0488-21-02-2014--10-07-22.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>