<p><span lang="KHM">លោកវេជ្ជបណ្ឌិតប៊ីត រីចន័រ ស្ថាបនិកនៃមន្ទីរពេទ្យកុមារគន្ធបុប្ផា បានទទួលមរណភាព ក្នុងជន្មាយុ ៧១ ឆ្នាំ។ </span></p>
<p><span lang="KHM">លោកវេជ្ជបណ្ឌិតរីចន័រ(</span><span>Richner) <span lang="KHM">កើតនៅថ្ងៃទី ១៣ ខែមីនា ឆ្នាំ ១៩៤៧ ហើយបានទទួលមរណភាព នៅវេលាម៉ោង ២:៤៥ នាទីព្រឹក ថ្ងៃទី ០៩ ខែកញ្ញា ឆ្នាំ ២០១៨ នៅក្នុងទីក្រុង </span>Zurich <span lang="KHM">ប្រទេសស្វ៊ីស។</span></span></p>
<p> </p>
<p><span><span lang="KHM"><a class="thickbox" title="" href="/FileManager/Commons/2018/9/10/beat-richner2-1-10-09-2018--11-59-17.jpg"><img src="/FileManager/Articles/mce/2018/9/10/beat-richner2-1-10-09-2018--11-59-17.jpg" alt="" /></a><br /></span></span></p>
<p><span lang="KHM">លោកវេជ្ជបណ្ឌិត រីចន័រ ស្ថាបនាមន្ទីរពេទ្យគន្ធបុប្ផាទី១ នៅក្នុងឆ្នាំ ១៩៩២ និងបានមើលការខុសត្រូវមន្ទីរពេទ្យនេះរហូតដល់ឆ្នាំ ២០១៧ ជាឆ្នាំដែលលោកដកខ្លួនចេញមួយរយៈ ដោយសារតែស្ថានភាពជំងឺធ្ងន់ធ្ងររបស់លោក។ </span></p>
<p><span lang="KHM">របាយការណ៍មួយរបស់មូលនិធិគន្ធបុប្ផា ចុះផ្សាយកាលពីម្សិលម៉ិញបានឱ្យដឹងថា៖</span><span lang="KHM">”</span><span lang="KHM">លោកវេជ្ជបណ្ឌិត </span><span>Richner <span lang="KHM">បន្សល់ទុកនូវកេរ្ដិ៍ដំណែលដ៏មានតម្លៃមិនអាចកាត់ថ្លៃបាន ដែលគួរនឹងទទួលនូវការកោតសរសសើរ និងស្ញប់ស្ញែង។ ដោយសារតែការងទុក្ខវេទនាបណ្ដាដោយជំងឺធ្ងន់ធ្ងរ លោកបានចាកចេញពីប្រទេសកម្ពុជា និងវិលត្រឡប់ទៅទីក្រុងកំណើត</span> Zurich<span lang="KHM"> របស់លោកវិញ ជាទីដែលលោកចំណាយពេលប៉ុន្មានខែនៃជីវិតចុងក្រោយរបស់លោក</span></span><span lang="KHM">”</span><span lang="KHM">។ </span></p>
<p><span lang="KHM">របាយការណ៍ខាងលើបន្ថែមថា៖ </span><span lang="KHM">“</span><span lang="KHM">លោកបានចាកចោលកិច្ចការគ្រប់យ៉ាង ដើម្បីឆ្លើយតបនឹងព្រះរាជសំណើរបស់ព្រះបរមរតនកោដ្ឋព្រះបាទ នរោត្ដម សីហនុ ដែលព្រះអង្គបានស្នើឱ្យលោកស្ថាបនាមន្ទីរពេទ្យកុមារឡើងវិញ នៅរាជធានីភ្នំពេញ ដែលត្រូវបានបំផ្លិចបំផ្លាញអំឡុងរជ្ជកាលភេរវកម្មរបស់ខ្មែរក្រហម</span><span lang="KHM">”</span><span lang="KHM">។ </span></p>
<p><span lang="KHM">មន្ទីរពេទ្យគន្ធបុប្ផា ១ ត្រូវបានសម្ពោធឱ្យប្រើប្រាស់ ដោយអតីតព្រះមហាក្សត្រព្រះបាទនរោត្ដម សីហនុ នៅរាជធានីភ្នំពេញ ក្នុងខែកញ្ញា ឆ្នាំ១៩៩២។ មន្ទីរពេទ្យនេះ ដាក់ឈ្មោះតាម ព្រះនាមរបស់បុត្រីនៃព្រះបាទ សីហនុ ដែលបានសោយវិឡាល័យ ដោយព្រះរោគមហារីកឈាម។ </span></p>
<p><span lang="KHM">រដ្ឋមន្រីសុខាភិបាលលោក ម៉ម ប៊ុនហេង បានសម្ដែងនូវមហាទុក្ខសោក ដោយបានដឹងពីមរណភាពរបស់លោកវេជ្ជបណ្ឌិត </span><span>Richner<span lang="KHM">។ </span></span></p>
<p><span lang="KHM">លោករដ្ឋមន្រ្ដី បានមានប្រសាសន៍ថា៖</span><span lang="KHM">”</span><span lang="KHM"> យើងមានទុក្ខសោកយ៉ាងទម្ងន់ នៅពេលដឹងដំណឹងមរណភាពរបស់លោកវេជ្ជបណ្ឌិត។ លោកបានជួយសង្គ្រោះជីវិតកុមារកម្ពុជាឱ្យផុតពីសេចក្ដីស្លាប់រាប់ពាន់នាក់</span><span lang="KHM">”</span><span lang="KHM">៕</span></p>
<p><span lang="KHM"><a class="thickbox" title="" href="/FileManager/Commons/2018/9/10/287bee5f7bb4b3d9d2619adc9a6fe1879f13d1129392e874c7pimgpshfullsizedistr-10-09-2018--11-53-10.jpg"><img src="/FileManager/Articles/mce/2018/9/10/287bee5f7bb4b3d9d2619adc9a6fe1879f13d1129392e874c7pimgpshfullsizedistr-10-09-2018--11-53-10.jpg" alt="" /></a><br /></span></p>
<p><span> </span></p>
<p><span lang="KHM">ប្រែសម្រួល៖ សារ៉ាត</span></p>
<p><span lang="KHM">ប្រភព៖ ខ្មែរថាមស៍</span></p>
<p><span lang="KHM"><a class="c_tab" href="https://www.khmertimeskh.com/50531944/dr-beat-richner-dies-at-age-of-71-2/"><img src="/FileManager/Articles/mce/2018/9/10/khmertimes-24-01-2018--16-00-55-10-09-2018--11-55-20.jpg" alt="" /></a><br /></span></p>