<p><span style="color: #000000;"><strong>(តូក្យូ)៖</strong> ប្រធានាធិបតីហ្វីលីពីន លោក រ៉ូឌ្រីហ្គោ ឌូធើតេ នៅថ្ងៃព្រហស្បតិ៍នេះបាននិយាយថា ប្រទេសរបស់លោកអាចនឹងធ្វើ សមយុទ្ធយោធាជើងទឹកជាមួយនឹងជប៉ុន ប៉ុន្តែទន្ទឹមគ្នានោះដែរ លោកនៅតែអះអាងឡើង វិញថាហ្វីលីពីននឹងមិនធ្វើសមយុទ្ធយោធារួមគ្នាឡើយ ជាមួយសហរដ្ឋអាមេរិក ព្រមទំាងសម្ដែងការខឹងសម្បារ ប្រឆំាងនឹងសម្ព័ន្ធមិត្តដ៏យូរអង្វែងមួយនេះ ដោយនិយាយចំៗថា «ហ្វីលីពីនមែនជាឆ្កែដែលឲ្យគេដឹកក្បាល តាមចិត្តនោះទេ»។ នេះបើយោងតាមការចេញផ្សាយ របស់សារព័ត៌មាន Channel News Asia នៅល្ងាចថ្ងៃព្រហស្បតិ៍ ទី២៧ ខែតុលា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/10/28/13c-28-10-2016--10-55-08.jpg"><img src="/FileManager/Articles/mce/2016/10/28/13c-28-10-2016--10-55-08.jpg" alt="" /></a><br /></span></p>
<p><span style="color: #000000;">ថ្លែងនៅក្នុងសន្និសីទសារព័ត៌មាន នៅថ្ងៃចុងក្រោយនៃដំណើរទស្សនកិច្ចនៅជប៉ុន លោក ឌូធើតេ បានលើក ឡើងដូច្នេះថា «ការធ្វើសមយុទ្ធយោធារួមគ្នា ជាមួយជប៉ុននៅក្នុងលក្ខខណ្ឌធម្មតា មិនមែនជាបញ្ហាទេ ប៉ុន្តែជាមួយសហរដ្ឋអាមេរិកទើបជាបញ្ហា ហើយសមយុទ្ធយោធានេះទៀតសោត នឹងក្លាយជាលើកចុងក្រោយ»។ ប្រធានាធិបតីហ្វីលីពីន មាត់ឆៅរូបនេះបានបន្តទៀតថា នៅក្នុងជំនួបកាលពីថ្ងៃពុធ លោកបានពន្យល់នាយក រដ្ឋមន្រ្តីជប៉ុន លោក ស៊ីនហ្សូ អាបេ ពីមូលហេតុ ដែលលោកខឹងសហរដ្ឋអាមេរិក នោះបើតាមរូបលោកផ្ទាល់ ទីក្រុងវ៉ាស៊ីនតោនបានចាត់ទុកហ្វីលីពីន ដូចជា «ជាឆ្កែដែលគេអាចដឹកក្បាលបានតាមចិត្ត» និងថែមទំាងហ៊ាន បង្រៀនពីសិទ្ធិមនុស្ស ជុំវិញសង្រ្គាមប្រយុទ្ធប្រឆំាងគ្រឿងញៀន របស់លោកទៀត។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/28/13b-28-10-2016--10-55-28.jpg"><img src="/FileManager/Articles/mce/2016/10/28/13b-28-10-2016--10-55-28.jpg" alt="" /></a><br /></span></p>
<p><span style="color: #000000;">គួររំឭកថា កាលពីថ្ងៃពុធ លោក ឌូធើតេ បានប្រកាសថា លោកចង់ឲ្យកងទ័ពបរទេស ចេញពីប្រទេសរបស់លោក យ៉ាងយូរពីរឆ្នាំក្រោយ។ ដោយឡែកនៅថ្ងៃព្រហស្បតិ៍នេះ គំរោងចូលគាល់ព្រះចៅអធិរាជជប៉ុន Akihito ត្រូវបានលុបចោល បន្ទាប់ពីការចូលទិវង្គតក្នុងព្រះជន្ម១០០ ព្រះវស្សានៃព្រះអង្គម្ចាស់ Mikasa ដែលជាព្រះបិតុលា នៃព្រះចៅអធិរាជ Akihito៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/28/14-28-10-2016--10-50-50.jpg"><img src="/FileManager/Articles/mce/2016/10/28/14-28-10-2016--10-50-50.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>