<p><span style="color: #000000;"><strong>(ក្រុងតូរីន)៖</strong> កីឡាករខ្សែប្រយុទ្ធជួរមុខ Gonzalo Higuain បានសម្រេចចិត្តផ្លាស់ចេញពីក្លឹប Napoli ទៅលេងឲ្យក្លឹបសេះបង្កង់ Juventus ដែលមានតម្លៃខ្លួន ៧៥.៣លានផោន ឈរនៅចំណាត់ថ្នាក់លេខ៣ពិភពលោក ក្នុងនាមជាកីឡាករថ្លៃជាងគេ។</span></p>
<p><span style="color: #000000;">សារព័ត៌មាន BBC បានផ្សាយឲ្យដឹងថា កីឡាករជនជាតិអាហ្សង់ទីន វ័យ២៨ឆ្នាំរូបនេះ បានព្រមចុះកិច្ចសន្យារយៈពេល ៥ឆ្នាំ ក្នុងការលេងឲ្យក្លឹបជើងឯកអ៊ីតាលី Juventus បន្ទាប់ពីបានចំណាយពេល ៣ឆ្នាំលេងឲ្យក្លឹបស្ថិតក្នុងក្របខណ្ឌ Italie-Serie A ពពកស Napoli ដោយបានស៊ុតបញ្ចូលទីបាន៣៥គ្រាប់ពីការចូលលេងបាន៣៦ប្រកួត រដូវកាលមុននេះ។</span></p>
<p><span style="color: #000000;">Higuain បានផ្លាស់ចេញពីក្លឹប Real Madrid មកចូលរួមលេងឲ្យក្លឹប Napoli ក្នុងឆ្នាំ២០១៣ ក្រោមតម្លៃខ្លួន ៣៤.៥លានផោន ដែលត្រូវបានក្លឹបកាំភ្លើងធំ Arsenal របស់អង់គ្លេស ទាក់ទងទិញដែរកាលពីដើមខែនេះ តែមិនបាន សម្រេចឡើយ ដោយរូបគេសម្រេចចិត្តជ្រើសយកក្លឹប Juventus វិញ។</span></p>
<p><span style="color: #000000;">ការទិញក្នុងតម្លៃខ្លួនខ្ពស់កប់ពពកបែបនេះ បានធ្វើឲ្យខ្សែប្រយុទ្ធ Gonzalo Higuain ឈរនៅចំណាត់ថ្នាក់លេខ៣ ចាប់ពីខែកក្កដា ឆ្នាំ២០១៦ តទៅ ដោយលេខ២ បានទៅកីឡាករ Cristiano Ronaldo របស់ក្លឹប Real Madrid កាលពីផ្លាស់ចេញពីក្លឹប Manchester United របស់អង់គ្លេសក្នុងឆ្នាំ២០០៩ និងលេខ១ Gareth Bale កាលផ្លាស់ចេញពីក្លឹប Tottenham Hotspur មានតម្លៃ ៨៥លានផោន៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/5F8B/production/_90495442_gonzalo_higuain_afp.jpg" alt="" width="730" /></span></p>
<p style="text-align: center;"><span style="color: #000000;">Gonzalo Higuain</span></p>
<p><span style="color: #000000;"><img src="http://spainprimeradivisionfootball.com/wp-content/uploads/2016/05/cristiano_ronaldo_real.jpg" alt="" width="730" /></span></p>
<p style="text-align: center;"><span style="color: #000000;">Cristiano Ronaldo</span></p>
<p><span style="color: #000000;"><img src="http://static.independent.co.uk/s3fs-public/thumbnails/image/2016/01/10/13/gareth-bale-23324.jpg" alt="" width="730" /></span></p>
<p style="text-align: center;"><span style="color: #000000;">Gareth Bale</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>