<div class="article-content">
<p><strong>ហ្វូហ្សាវ ៖</strong> យោងតាម ទីភ្នាក់ងារ ព័ត៌មានចិន ស៊ិនហួ ដែលបានដកស្រង់សម្តី របស់មន្ត្រីរដ្ឋា<br />ភិបាលចិន ប្រចាំតំបន់ នៅថ្ងៃ អង្គារ ទី០២ ខែមេសា ឆ្នាំ២០១៣ នេះថា មាន មនុស្ស ៤ នាក់<br />បានស្លាប់ និង ៣នាក់ផ្សេងទៀត បានកប់បាត់ ក្នុងគំនរបាក់បែក បន្ទាប់ពីស្ពានមួយ ក្នុងខេត្ត<br />ហ្វូជៀន នៃប្រទេសចិន ភាគខាងកើត បានបាក់ កាលពីយប់ថ្ងៃចន្ទ ទី០១ ខែមេសា ។</p>
<p>មន្ត្រីរដ្ឋាភិបាលក្រុង បាននិយាយថា ការបាក់នេះ កើតឡើងវេលាម៉ោង ៨ និង ៣០ល្ងាច ក្នុង<br />ទីក្រុងឡុងហាយ និងអ្នករបួស ត្រូវបានបញ្ជូន ទៅមន្ទីរពេទ្យ ដើម្បីធ្វើការព្យាបាល ។</p>
<p>ជាងនេះទៅទៀត ក្រុមមន្ត្រីសន្តិសុខសាធារណៈ ក្រុមអ្នកពន្លត់អគ្គីភ័យ និងក្រុមគ្រូពេទ្យ បាន<br />មកកាន់ទីកន្លែងកើតហេតុ ដើម្បីធ្វើការជួយសង្គ្រោះ អ្នកដែលកប់ ក្នុងគំនរស្ពានបាក់នោះ ។ <br />គួរបញ្ជាក់ថា ពាក់ព័ន្ធនឹងបញ្ហាបាក់ស្ពាននេះ មន្ត្រីជំនាញ កំពុងធ្វើការស៊ើបអង្កេត ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0920.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>