<p><span style="color: #000000;"><strong>(សេអ៊ូល)៖</strong> ការសន្និដ្ឋានពីមូលហេតុស្លាប់ លោក គីម ជុងណាំ ជាបងប្រុសម្ដាយទីទៃរបស់ លោក គីម ជុងអ៊ុន កាន់តែមានច្រើនឡើងៗ និងមានការអះអាងផ្សេងៗពីគ្នា ខណៈសហរដ្ឋអាមេរិក និងកូរ៉េខាងត្បូងសុទ្ធតែជឿជាក់ថារបបដឹកនាំទីក្រុងព្យុងយ៉ាង ជាអ្នកនៅពីក្រោយអំពើឃាតកម្មនេះ។ នេះបើតាមទីភ្នាក់ងារសារព័ត៌មានយ៉ុនហាប់ នៅថ្ងៃព្រហស្បតិ៍ ទី១៦ ខែកុម្ភៈ ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2017/2/16/14b-16-02-2017--15-56-42.jpg"><img src="/FileManager/Articles/mce/2017/2/16/14b-16-02-2017--15-56-42.jpg" alt="" /></a><br /><br /></span></p>
<p><span style="color: #000000;">សារព័ត៌មានកូរ៉េខាងត្បូងមួយចំនួនយល់ថា មរណៈភាពរបស់លោក គីម ជុងណាំ អាចមានជាប់ពាក់ព័ន្ធនឹងជម្លោះទ្រព្យសម្បត្តិបន្សល់ទុកដោយអតីតមេដឹកនាំកូរ៉េខាងជើង លោក គីម ជុងអ៊ីល និងលុយដ៏ច្រើនសន្ធឹកសន្ធាប់ពីលោក ចាង សុងតេក ដែលត្រូវជាពូបង្កើតលោក គីម ជុងអ៊ុន។ </span><br /><span style="color: #000000;">ជាក់ស្ដែងបើតាមប្រភពដែលយ៉ុនហាប់ ទទួលបានពីជនជាតិកូរ៉េខាងជើងធ្វើការនៅក្នុងស្ថាប័នពាណិជ្ជកម្មអន្តរជាតិ បានហៅ លោក គីម ជុងណាំ ថា <strong>«ជាតួឯកសំខាន់នៃទីក្រុងម៉ាកាវ»</strong> និងថែមទំាងបានបញ្ជាក់ទៀតថាបន្ទាប់ពីលោក ចាង សុងតេក ត្រូវប្រហារជីវិតកាលពីខែធ្នូ ឆ្នាំ២០១៤ លុយមួយចំនួនរបស់លោកបានធ្លាក់ទៅក្នុងដៃ លោក គីម ជុងណាំ ហើយលើសពីនេះទៅទៀត លោកក៏បានទទួលមរតកពីឪពុក គឺលោក គីម ជុងអ៊ីល ផងដែរ។</span></p>
<p><span style="color: #000000;">ប្រភពដដែលបន្ថែមថា លោក គីម ជុងអ៊ុន ធ្លាប់បានស្នើសុំជាច្រើនលើកដល់បងប្រុសរបស់ខ្លួនឱ្យប្រគល់ទ្រព្យសម្បត្តិមកគណបក្សពលករ ក្រោមហេតុផលទីក្រុងព្យុងយ៉ាងកំពុង ជាប់ទណ្ឌកម្មពីសំណាក់អន្តរជាតិ និងត្រឡប់មកកាន់កូរ៉េខាងជើងវិញ ក៏ប៉ុន្តែលោក គីម ជុងណាំង មិនបានទទួលយកសំណើទាំងនេះទេ។ បន្ថែមពីនេះ រដ្ឋាភិបាលកូរ៉េខាងជើងធ្លាប់បានបញ្ជូនមន្ត្រីមកចរចាជាមួយលោក គីម ជុងណាំ នៅទីក្រុងម៉ាកាវប្រទេសចិនកាលពីថ្ងៃទី២០ ខែមករា ដើម្បីឲ្យរូបលោកត្រឡប់ទៅកូរ៉េខាងជើងវិញ។</span></p>
<p><span style="color: #000000;">គួរបញ្ជាក់ថាទីភ្នាក់ងារស៊ើបការសម្ងាត់ជាតិកូរ៉េខាងត្បូង (NIS) នៅថ្ងៃព្រហស្បតិ៍នេះបានប្រាប់សភានៅក្នុងកិច្ចប្រជុំបិទទ្វារថា ប្រពន្ធដើមរបស់លោក គីម ជុងណាំ និងកូនកំពុងរស់នៅក្នុងទីក្រុងប៉េកាំង រីឯប្រពន្ធទី២រស់នៅក្នុងទីក្រុងម៉ាកាវ ប៉ុន្តែមិនបានបញ្ជាក់ថាមានកូនឬក៏អត់នោះទេ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F690235397814921%2F&show_text=0&width=730" frameborder="0" width="480" height="380"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>