<p><span style="color: #000000;">ក្រសួងរ៉ែនិងថាមពល បានឱ្យដឹងថាក្រុមហ៊ុនរុករករ៉ែពីរ នឹងចាប់ផ្តើមផលិតមាសនៅប៉ុន្មានខែខាងមុខនេះ។</span></p>
<p><span style="color: #000000;">លោក ប៉េង ណាវុធ អនុរដ្ឋលេខាធិការក្រសួង បានថ្លែងថា ក្រុមហ៊ុន Mesco Gold ដែលគ្រប់គ្រងដោយក្រុមហ៊ុនឥណ្ឌា នឹងចាប់ផ្តើមទាញយករ៉ែមាសបាននៅឆ្នាំនេះ ខណៈក្រុមហ៊ុន Renaissance Minerals របស់អូស្ត្រាលី នឹងចាប់ផ្តើមនៅឆ្នាំ ២០២០ ។</span></p>
<p><span style="color: #000000;">លោក ណាវុធ បានថ្លែងនៅក្នុងវេទិកាស្តីពីអភិបាលកិច្ចឧស្សាហកម្មនិស្សារណកម្មលើកទី ៧ ដែលបានប្រារព្ធឡើងនៅសណ្ឋាគារសាន់វ៉េ រាជធានីភ្នំពេញ។</span><br /><span style="color: #000000;">នៅឆ្នាំ ២០១៦ ក្រុមហ៊ុន Mesco Gold (កម្ពុជា) ត្រូវបានផ្តល់អាជ្ញាប័ណ្ណ រុករករ៉ែ ជាលើកដំបូងនៅក្នុងព្រះរាជាណាចក្រកម្ពុជា សម្រាប់គម្រោងអណ្តូងមាស ភូមិ ស៊ីយ៉ារុង ក្នុង ខេត្តរតនគិរី។</span></p>
<p><span style="color: #000000;">ក្រុមហ៊ុន Renaissance Minerals (Cambodia) ដែលជាក្រុមហ៊ុនបុត្រសម្ព័ន្ធរបស់ Emerald Resources NL ត្រូវបានផ្តល់អាជ្ញាប័ណ្ណរុករករ៉ែនៅឆ្នាំ ២០១៨ ដែលគ្របដណ្តប់លើផ្ទៃដីទំហំ ១១,៥ គីឡូម៉ែត្រការ៉េ នៅគម្រោងមាស អូខ្វាវ ស្រុកមណ្ឌលសីមា ខេត្តមណ្ឌលគិរី។</span></p>
<p><span style="color: #000000;"><a class="thickbox" title="" href="/FileManager/Commons/2019/4/5/1-05-04-2019--09-01-55.PNG"><img src="/FileManager/Articles/mce/2019/4/5/1-05-04-2019--09-01-55.PNG" alt="" /></a><br /></span></p>
<p><span style="color: #000000;">លោក ណាវុធ មិនអាចផ្តល់នូវការប៉ាន់ប្រមាណអំពីចំនួនមាសដែលត្រូវទាញយកចេញ ពីក្រុមហ៊ុននីមួយៗនោះទេ។</span></p>
<p><span style="color: #000000;">លោក ម៉េង សុធារ៉ា រដ្ឋលេខាធិការក្រសួងបានថ្លែងថា កម្ពុជានឹងក្លាយជា ទីចាប់អារម្មណ៍កាន់តែខ្លាំងចំពោះក្រុមវិនិយោគិន នៅពេលដែលខ្លួនបានអនុញ្ញាតិ ឱ្យមានការរុករករ៉ែមាស និងរ៉ែប្រេង។</span></p>
<p><span style="color: #000000;">លោក សុធារ៉ា បានមានប្រសាសន៍ថា ”នៅពេលយើងចាប់ផ្តើមផលិតមាស និងប្រេងឆៅ ក្រុមហ៊ុនអន្តរជាតិកាន់តែច្រើន ចង់វិនិយោគក្នុងវិស័យនេះ” ។</span></p>
<p><span style="color: #000000;">លោក John-Paul Dau ប្រធានក្រុមហ៊ុន Angkor Gold បាននិយាយថា ក្រុមហ៊ុនរបស់លោកនឹងចាប់ផ្តើមផលិតមាស ក្នុងរយៈពេលប្រាំឆ្នាំខាងមុខ។</span></p>
<p><span style="color: #000000;">លោកបានបន្តថាក្រុមហ៊ុន Angkor Gold មានអាជ្ញាប័ណ្ណរុករកប្រេង ៥ កន្លែង ដែល ៤កន្លែង ក្នុងខេត្តរតនគិរី និងមួយទៀតនៅខេត្តមណ្ឌលគិរី។</span></p>
<p><span style="color: #000000;">ក្រុមហ៊ុនដែលបានចូលក្នុងប្រទេសនេះកាលពីមួយទសវត្សរ៍មុន បានចំណាយពេល ៥ ឆ្នាំដើម្បីរុករកគម្រោងប្រេងនិងឧស្ម័ននៅឈូងសមុទ្រ។</span></p>
<p><span style="color: #000000;">លោក Paul Dau បានមានប្រសាសន៍ថា ”វាគឺជាពេលវេលាដ៏រំភើប។ អ្នកទទួលបានគម្រោងធំៗនៅកម្ពុជា ដែលត្រៀមខ្លួនរួចជាស្រេចក្នុងការឈានដល់ដំណាក់កាលផលិតកម្ម ក្នុងរយៈពេលប៉ុន្មានឆ្នាំខាងមុខ ដែលនឹងជំរុញឲ្យមានចំណូលពន្ធ និងការនាំចេញ” ។</span></p>
<p><span style="color: #000000;">”ចំពោះវិស័យធនធានធម្មជាតិ វាគឺជាពេលវេលាដ៏រំភើប។ វាជាដំណើរដ៏វែងឆ្ងាយ ប៉ុន្តែប្រទេសកម្ពុជាឥឡូវនេះ បានក្លាយជាប្រទេសរ៉ែ មួយ ” ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/4/5/khmertime-05-04-2019--09-02-05.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>
<div id="khmer-1438425647" class="khmer-content_5"><ins class="adsbygoogle" data-ad-client="ca-pub-7981514788931893" data-ad-slot="4059842397" data-ad-format="auto" data-full-width-responsive="true" data-adsbygoogle-status="done"><ins id="aswift_2_expand"></ins></ins></div>