<p><span style="color: #000000;">នគរបាលក្រុងភ្នំពេញសហការជាមួយប៉ូលីសខណ្ឌពោធិ៍សែនជ័យ កាលពីម្សិលមិញបានចាប់ខ្លួនជនជាតិចិនម្នាក់ ពីបទសង្ស័យថាប៉ុនប៉ងបំផ្ទុះផ្ទះមិត្តភក្តិខ្លួនឯង។</span><br /><span style="color: #000000;"></span><br /><span style="color: #000000;">លោកវរសេនីយ៍ឯក យឹម សារ៉ាន់ ស្នងការប៉ូលីសខណ្ឌ បានបញ្ជាក់អត្តសញ្ញាណជនសង្ស័យឈ្មោះ Leu Zun អាយុ ៣៩ ឆ្នាំ ជាអ្នកទេសចរ។ គាត់ត្រូវបានចាប់ខ្លួនពេលកំពុងប្រព្រឹត្តបទល្មើស ដោយសង្ស័យបុរសនោះព្យាយាមធ្វើសកម្មភាព បំផ្ទុះគ្រាប់បែកច្នៃនៅផ្ទះមួយក្នុងសង្កាត់ចោមចៅ។</span><br /><span style="color: #000000;"></span><br /><span style="color: #000000;">លោកបាននិយាយថា លោក Zun ត្រូវបានគេចាប់ខ្លួនបន្ទាប់ពីអ្នកភូមិម្នាក់ បានរាយការណ៍ទៅប៉ូលីសថា គាត់បានឃើញលោក Zun មានអាកប្បកិរិយាគួរឲ្យសង្ស័យនៅខាងក្រៅផ្ទះ។លោកបាននិយាយថា ”យើងបានចាប់ខ្លួនបុរសជនជាតិចិនម្នាក់ ដែលសង្ស័យថាបានស្ពាយគ្រាប់បែកច្នៃចំនួនប្រាំគ្រាប់ នៅប្រហែលម៉ោង ៩ និង ៣០ នាទីព្រឹក នៅមុខផ្ទះមួយកន្លែង ក្នុងសង្កាត់ចោមចៅ។ យើងបានសាកសួរគាត់ ហើយគាត់បាននិយាយថា គាត់កំពុងព្យាយាមបំភ័យជនជាតិចិនម្នាក់ផ្សេងទៀត ដែលនៅក្នុងផ្ទះនោះ។</span></p>
<p><span style="color: #000000;"><a class="thickbox" title="" href="/FileManager/Commons/2019/5/3/2-03-05-2019--14-53-47.PNG"><img src="/FileManager/Articles/mce/2019/5/3/2-03-05-2019--14-53-47.PNG" alt="" /></a><br /><br />ជនសង្ស័យបានប្រាប់ប៉ូលីសថា គាត់មកប្រទេសកម្ពុជាពីព្រោះជនជាតិចិនដែលជាមិត្តម្នាក់ បានសន្យាថានឹងអរកការងារឲ្យធ្វើ ប៉ុន្តែមិនបានផ្តល់ឲ្យគាត់ទេ ដែលធ្វើឲ្យគាត់ចំណាយប្រាក់យ៉ាងច្រើន ទៅលើការស្នាក់នៅក្នុងសណ្ឋាគារ អស់រយៈពេលប្រហែលពីរខែហើយ។</span></p>
<p><span style="color: #000000;">គាត់បានសារភាពថា គាត់គ្រាន់តែចង់បំភ័យមិត្តរបស់គាត់ ព្រោះគាត់ខឹងសម្បារការកុហករបស់មិត្តគាត់។ បន្ទាប់ពីរឹបអូសយកគ្រាប់បែកទាំងប្រាំនោះ មន្រ្តីប៉ូលីសបានផ្តល់ដំណឹងអ្នកជំនាញរបស់ស៊ីម៉ាក់ ហើយបានរកឃើញថា កញ្ចប់នោះមានតែដីខ្សាច់ មិនមានគ្រាប់រំសេវផ្ទុះទេ។</span></p>
<p><a class="thickbox" title="" href="/FileManager/Commons/2019/5/3/3-03-05-2019--14-53-55.PNG"><img src="/FileManager/Articles/mce/2019/5/3/3-03-05-2019--14-53-55.PNG" alt="" /></a><br /><span style="color: #000000;"></span><br /><span style="color: #000000;">លោក សារ៉ាន់ បានកត់សម្គាល់ថា ”ទោះបីវាជាគ្រាប់បែកក្លែងក្លាយក៏ដោយ ក៏ជាសកម្មភាពនៅតែធ្វើឲ្យមានភាពវឹកវរ និងប៉ះពាល់ដល់សណ្តាប់ធ្នាប់សាធារណៈ”។</span></p>
<p><span style="color: #000000;">លោកឧត្តមសេនីយ៍ទោ ស ថេត ស្នងការនគរបាលរាជធានីភ្នំពេញ បានបញ្ជាក់កាលពីម្សិលមិញថា អ្នកជំនាញស៊ីម៉ាក់ មិនបានរកឃើញសារធាតុផ្ទុះ នៅក្នុងគ្រាប់បែកក្លែងក្លាយនេះទេ។</span><br /><span style="color: #000000;"></span><br /><span style="color: #000000;">លោកបានកត់សម្គាល់ថា ជនសង្ស័យបានធ្វើកញ្ចប់ទាំងនោះ មើលទៅដូចជាគ្រាប់បែកច្នៃ ដើម្បីបំភ័យមិត្តភក្តិរបស់គាត់ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/3/khmertime-03-05-2019--14-54-04.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>