<p><span style="color: #000000;"><strong>(ប៉េកាំង)៖</strong> មេបញ្ជាការជាន់ខ្ពស់យោធាចិន បានថ្លែងថា ទីក្រុងប៉េកាំងនឹងមិនបញ្ឈប់ការកសាង សមិទ្ធិផលនានា នៅក្នុងសមុទ្រចិនខាងត្បូងនោះទេ បើទោះបីជាមានសាលក្រមតុលាការឡាអេ ចេញមកជំទាស់កាលពីថ្ងៃទី១២ ខែកក្កដា នោះក៏ដោយ។ នេះបើតាមការចេញនៅមុននេះបន្តិច ដោយសារព័ត៌មាន Channel News Asia នារសៀលថ្ងៃអង្គារ ទី១៩ ខែកក្កដា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/7/20/11-20-07-2016--09-53-13.jpg"><img src="/FileManager/Articles/mce/2016/7/20/11-20-07-2016--09-53-13.jpg" alt="" /></a><br /><br /></span></p>
<p><span style="color: #000000;">ការប្រកាសនេះ បានធ្វើឡើងនៅអំឡុងពេលដែលមហាយក្សចិន ចាប់ផ្តើមសមយុទ្ធយោធាក្នុងសមុទ្រចិនខាងត្បូង រយៈពេលបីថ្ងៃ ចាប់ពីថ្ងៃទី១៩ ខែកក្កដា នេះតទៅ។ វាបានកើតឡើងនៅអំឡុងពេលដែលស្ថានការណ៍ការទូតរវាង ប្រទេសចិន និងហ្វីលីពីន កំពុងឡើងកម្តៅជាខ្លាំងខណៈហ្វីលីពីន ប្រកាសគាំទ្រសាលក្រមតុលាការឡាអេ និងគ្រោង យកវាទៅពិភាក្សាជាមួយចិន ប៉ុន្តែប្រទេសចិនមិនទទួលស្គាល់សេចក្តីនោះឡើយ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/20/11a-20-07-2016--09-53-21.jpg"><img src="/FileManager/Articles/mce/2016/7/20/11a-20-07-2016--09-53-21.jpg" alt="" /></a><br /></span></p>
<p><span style="color: #000000;">លោក Wu Shengli មេបញ្ជាការនៃកងទ័ពរំដោះប្រជាជនចិន បានប្រាប់សមភាគីអាមេរិក លោកឧត្តមនាវីឯក John Richardson ថា «យើងនឹងមិនបញ្ឈប់ការសាងសង់ នៅលើប្រជុំកោះ Nansha ទាំងកណ្តាលទីនោះទេ។ កោះនេះ ជាដែនដីរបស់យើង ហើយសំណង់នានាត្រូវបានកសាង ដោយមាន ហេតុផល ភាពត្រឹមត្រូវ និងស្របច្បាប់»។</span></p>
<p><span style="color: #000000;">គួរបញ្ជាក់ថាឈ្មោះ Nansha នេះគឺសំដៅទៅលើប្រជុំកោះ ដែលអន្តរជាតិហៅថា Spratlys នៅក្នុងតំបន់ សមុទ្រចិនខាងត្បូង ដែលហ្វីលីពីនចោទចិនថា កំពុងកសាងកោះ សប្បនិមិត្ត និងសំណង់មួយចំនួនទៀត ក្នុងគោលដៅ ប្រើប្រាស់លើវិស័យយោធា៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>