<h2><strong style="color: #000000; font-size: 12px;">(បាងកក)៖</strong><span style="color: #000000; font-size: 12px;"> រដ្ឋាភិបាលថៃ និង វៀតណាម បានបង្ហាញពីក្តីសប្បាយរីករាយដូចគ្នា ព្រមទាំងបានកោតសរសើរ ចំពោះចំណាត់ការបន្ទាន់របស់ចិន ក្នុងការបង្ហូរទឹកពីទំនប់ចូលទៅក្នុងទន្លេមេគង្គ ដើម្បីជួយសង្គ្រោះភាពរាំង ស្ងួតនៃបណ្តាប្រទេសមួយចំនួនជាពិសេស ថៃ ឡាវ កម្ពុជា និង វៀតណាម។ នេះបើតាមការផ្សាយរបស់ ទីភ្នាក់ងារព័ត៌មានចិនស៊ិនហួរ នៅថ្ងៃសៅរ៍ ទី១៩ ខែមីនា ឆ្នាំ២០១៦។</span></h2>
<h2><span style="color: #000000;"><a href="http://www.freshnewsasia.com/index.php/en/20358-2016-03-19-03-42-58.html"></a></span></h2>
<p><span style="color: #000000;">នាយករដ្ឋមន្ត្រីថៃលោក ប្រាយុទ្ធ ចាន់អូឆា បានថ្លែងកាលពីពេលថ្មីៗនេះថា លោកមានភាពសប្បាយរីករាយខ្លាំង ណាស់ដែលរដ្ឋាភិបាលចិន ចេញមុខជួយដោះស្រាយភាពរាំងស្ងួតនាពេលនេះ ហើយខ្សែទឹកដែលបានបង្ហូរ មកនោះ វាបានមកដល់ភាគខាងជើងប្រទេសថៃហើយ។ បច្ចុប្បន្នប្រទេសថៃ ស្រុកចំនួន៤៦ នៃខេត្តចំនួន១២ កំពុងទទួលរងគ្រោះធ្ងន់ធ្ងរ ដោយសារខ្វះទឹកប្រើប្រាស់ ព្រោះតែអាកាសធាតុក្តៅហួតហែង ប៉ុន្មានឆ្នាំជាប់ៗគ្នា។</span></p>
<h2><span style="color: #000000;"><a href="http://www.freshnewsasia.com/index.php/en/20358-2016-03-19-03-42-58.html"></a></span></h2>
<p><span style="color: #000000;">ដោយឡែកសម្រាប់ប្រទេសវៀតណាមវិញ អ្នកជំនាញមួយរូបមកពីក្រសួងធនធានទឹក និងកសិកម្មបាន សម្តែងនូវក្តីរំភើបព្រមទាំងកោតសរសើរ ចំពោះកាយវិការរបស់រដ្ឋាភិបាលចិន ដែលបានជួយដល់បណ្តា ប្រទេសអាស៊ីអាគ្នេយ៍ ឲ្យធូរស្រាលពីភាពរាំងស្ងួត។ ប្រទេសវៀតណាម ក៏បាននិងកំពុងទទួលរងគ្រោះធ្ងន់ធ្ងរផងដែរ ជាពិសេសតំបន់ដីសណ្តរទន្លេមេគង្គក្រោម ដែលទឹកទន្លេបន្តស្រកចុះលើសកម្រិតប្រកាសអាសន្ន ដែលជាហេតុនាំឲ្យទឹក សមុទ្រហូរចូល និងបំផ្លាញផលដំណាំជាច្រើនពាន់ហិកតា កន្លងមកហើយ៕</span></p>
<p><a class="thickbox" title="" href="/FileManager/Commons/2016/3/19/78-19-03-2016--11-07-50.jpg"><img src="/FileManager/Articles/mce/2016/3/19/78-19-03-2016--11-07-50.jpg" alt="" /></a><br /><br /></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span style="color: #000000;"><br /></span></div>
<h2><a href="http://www.freshnewsasia.com/index.php/en/20358-2016-03-19-03-42-58.html"><br /></a></h2>