<p><span style="color: #000000;"><strong>(ហូជីមិញ)៖</strong> បុរសជនជាតិវៀតណាមម្នាក់ ដែលមានឈ្មោះថា Nguyen Huu Tiep វ័យ៣២ឆ្នាំ បានបង្ខំចិត្តលក់ផ្ទះរបស់ខ្លួន ដោយសារតែចាញ់បាល់នៅវគ្គផ្តាច់ព្រ័ត្រនៃ Euro 2016 ពេលបារាំង បរាជ័យក្រោមថ្វីជើងរបស់ក្រុមជម្រើសជាតិព័រទុយហ្គាល់ ១-០ ក្នុងនាទីបន្ថែម១៥នាទី ២ដងក្នុងនាទីទី១០៩។</span></p>
<p><span style="color: #000000;">សារព័ត៌មានចិនស៊ិនហួ បានផ្សាយឲ្យដឹងនៅព្រឹកថ្ងៃអង្គារ ទី១២ កក្កដាថា លោក Tiep បានភ្នាល់យកក្រុមម្ចាស់ផ្ទះបារាំង ដែលអាចនឹងស៊ីក្រុមរបស់ Cristiano Ronaldo ២-០ នៅវគ្គផ្តាច់ព្រ័ត្រ ដែលគាត់បានខ្ចីបុលធនាគារមានតម្លៃ ជិតស្មើនឹងផ្ទះ៣ល្បែងរបស់គាត់ មកចាក់ក្រុមបារាំងទាំងអស់ ដឹងអីលទ្ធផលក្រឡាប់ចាក់ ប្រវត្តិសាស្រ្តប្រែប្រួល ធ្វើឲ្យលោក Tiep ចាញ់អស់គ្មានសល់ បន្ទាប់ពីព័រទុយហ្គាល់ ឈ្នះបារាំង ១-០ វិញក្នុងនាទីបន្ថែម និងយកពាន UEFA Euro 2016 ត្រឡប់ទៅផ្ទះខ្លួនជាប្រវត្តិសាស្រ្ត លើកទី១។</span></p>
<p><span style="color: #000000;">ប្រពន្ធរបស់លោក Tiep ដែលមានឈ្មោះថា Bui Thu Cuc បានថ្លែងប្រាប់ស៊ិនហួ ថា <strong>«ប្តីរបស់ខ្ញុំបានវិនិយោគលុយ ដ៏ច្រើនក្រាស់ក្រែល ដោយបានភ្នាល់យកក្រុមបារាំង ជិតស្មើតម្លៃផ្ទះដែលយើងរស់នៅសព្វថ្ងៃ ហើយក៏បានសម្រេចលក់ផ្ទះដោយបង្ខំផងដែរ ប្រសិនមិនចង់ជាប់គុក ឬត្រូវគេរឹបអូសផ្ទះនោះទេ»</strong>។</span></p>
<p><span style="color: #000000;">នាងបានបន្តថា ប្តីរបស់នាងបានកុហកថា ចាញ់បន្តិចបន្ទួចនោះទេ និងថាឈ្នះបានច្រើននៅពេលឆាប់ៗ តែមានអី អ្វីៗក្នុងជីវិតរបស់ពួកយើងប្រែប្រួលទាំងស្រុង នៅពេលដែលខ្ញុំបានឆែកឃើញបុលធនាគារដ៏ច្រើនសន្ធឹកសន្ធាប់ ជិតស្មើផ្ទះរបស់យើង កំពុងរស់នៅសព្វថ្ងៃនេះ។</span></p>
<p><span style="color: #000000;">សូមបញ្ជាក់ផងដែរថា លោក Nguyen Huu Tiep មិនមែនទើបតែចេះភ្នាល់បាល់ទើបតែក្នុង ព្រឹត្តិការណ៍បាល់ទាត់ពាន រង្វាន់ជើងឯកប្រចាំទ្វីបអឺរ៉ុប UEFA Euro 2016 នៅប្រទេសបារាំងលើកនេះទេ គឺលោកបុរសវ័យ ៣២ឆ្នាំខាងលើនេះ ជាអ្នកញៀនភ្នាល់បាល់ទាត់ជាយូរលង់ណាស់មកហើយ ហើយក៏មិនដែលស្តាប់ការទូន្មានរបស់ភរិយាម្តងណាដែរ ក្នុងនាមពួកគេអ្នកលក់អាហារនៅតាមចញ្ចើមផ្លូវ នៅសង្កាត់ Thanh Tri ស្ថិតក្នុងទីក្រុងហាណូយ នាង Bui Thu Cuc បន្ថែម៕</span></p>
<p><span style="color: #000000;"><img src="http://i2.cdn.turner.com/cnnnext/dam/assets/160710175241-30-euro-finals-france-portugal-0710-super-169.jpg" alt="" width="730" /></span></p>
<p><span style="color: #000000;"><img src="http://www.todayonline.com/sites/default/files/styles/photo_gallery_image_lightbox/public/photos/43_images/26520193.JPG" alt="" width="730" /></span></p>
<p style="text-align: center;"><span style="color: #000000;">ក្រុមកីឡាករបារាំង បន្តខកចិត្តក្នុងរយៈពេល ១៦ឆ្នាំមកនេះ</span></p>
<p><span style="color: #000000;"><img src="http://assets1.sportsnet.ca/wp-content/uploads/2016/07/12202402.jpg" alt="" width="730" /></span></p>
<p style="text-align: center;"><span style="color: #000000;">កីឡាករខ្សែប្រយុទ្ធ Eder វ័យ២៩ឆ្នាំ បានស៊ុតគ្រាប់ជ័យជំនះឲ្យព័រទុយហ្គាល់ នៅនាទីទី១០៩</span></p>
<p><span style="color: #000000;"><img src="http://cdn.images.dailystar.co.uk/dynamic/197/photos/594000/620x/5782c8034d945_GettyImages545932650.jpg" alt="" width="730" /></span></p>
<p style="text-align: center;"><span style="color: #000000;">ព័រទុយហ្គាល់ ឈ្នះពាន Euro 2016 ជាលើកទី១ ប្រវត្តិសាស្រ្តរបស់ពួកគេ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>