<p><span style="color: #000000;"><strong>(អង់គ្លេស)៖</strong> បុរសជនជាតិអង់គ្លេស អាយុ៣៤ឆ្នាំម្នាក់ ឈ្មោះ Edward Gillbert រស់ នៅក្នុងទីក្រុង Leicester ត្រូវបានប៉ូលិសចាប់ខ្លួន ពីបទប៉ុនប៉ងប្លន់ធនាគារមួយ ស្ថិតនៅតំបន់ Narborough ហើយត្រូវតុលាការកាត់ទោស ឲ្យជាប់ពន្ធនាគាររយៈពេលមួយឆ្នាំ បន្ទាប់ពីរកឃើញពិរុទ្ធភាព។</span></p>
<p><span style="color: #000000;">ប៉ូលិសឲ្យដឹងថា នៅថ្ងៃកើតហេតុ Edward បានចូលទៅក្នុងធនាគារ Santander រួចក៏ដើរសំដៅទៅរកនារីម្នាក់ ជាអ្នកទទួលទូរស័ព្ទ នៅក្នុងធនាគារនោះ ដោយបញ្ជាឲ្យយកប្រាក់ចេញមក ប៉ុន្តែអ្វីដែលស្មានមិនដល់ គឺលោកចោរបានដើរចេញទៅវិញ ដោយពុំយកប្រាក់បានមួយសេនឡើយ។</span></p>
<p><span style="color: #000000;">ពេលត្រូវឃាត់ខ្លួន Edward សារភាពថា គាត់ក៏ត្រឡប់ទៅទីនោះម្តងទៀត ហើយគំរាមបាញ់ជំនួយការអ្នកគ្រប់គ្រង ប្រសិនមិនព្រមប្រគល់ប្រាក់ឲ្យខ្លួន ទីបំផុតនៅតែចាកចេញទៅវិញ ដោយដៃទទេហើយប្រមាណជា ៣០ នាទីក្រោយ គេក៏សុខចិត្តទៅប្រគល់ខ្លួន ឲ្យប៉ូលិសដោយនិយាយថា គេមិនអាចប្លន់ប្រាក់ ពីនារីបុគ្គលិកធនាគារបានទេ ព្រោះនាងសម្តីផ្អែមណាស់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/28/14a-28-04-2016--14-10-12.jpg"><img src="/FileManager/Articles/mce/2016/4/28/14a-28-04-2016--14-10-12.jpg" alt="" /></a><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>