<p>ទីភ្នាក់ងារអវកាសអាមេរិក (NASA) កំពុងធ្វើការពិសោធមួយចំនួននៅលើស្ថានីយអវកាសអន្តរ<br />ជាតិ ដើម្បីរកវិធីពន្លត់អគ្គីភ័យក្នុងអវកាស។</p>
<p>អគ្គីភ័យដែលកំពុងឆាបឆេះនៅក្នុងយានអវកាសដឹកមនុស្ស នឹងធ្វើឱ្យមានការជ្រួលច្របល់ខ្លាំង<br /> ដោយសារតែពិបាកពន្លត់ភ្លើង។ វិធីតែមួយគត់ដែលគេអាចធ្វើបាន នោះគឺយកធុងពន្លត់អគ្គីភ័យ<br /> រត់ចូលទៅក្បែរភ្លើង ដើម្បីបាញ់ពន្លត់ ប៉ុន្តែ វិធីនេះ គ្រោះថ្នាក់បំផុត។</p>
<p style="text-align: center;"><a class="thickbox" title="" href="/FileManager/Commons/2015/7/11/nasajpg1-11-07-2015--12-35-06.jpg"><img src="/FileManager/Articles/mce/2015/7/11/nasajpg1-11-07-2015--12-35-06.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2015/7/11/nasajpg1-11-07-2015--12-35-06.jpg"></a>ភ្លើងនៅលើផែនដីឆេះត្រង់ទៅលើ តែភ្លើងនៅអវកាស ឆេះជារង្វង់មូល<br /><br /></p>
<p>Daniel Dietrich អ្នកជំនាញការម្នាក់ ធ្វើការនៅមជ្ឈមណ្ឌលសិក្សាស្រាវជ្រាវ Glenn របស់ NASA <br />ថ្លែងថា ៖ "ក្នុងទីអវកាស អណ្ដាតភ្លើងឆេះ ហោះទៅគ្រប់ទិស និងមានរូបរាងមូល (មិនមែនឆេះ<br /> ហោះត្រង់ទៅលើដូចនៅលើផែនដី) បង្កការលំបាកខ្លាំងដល់អ្នកអវកាសក្នុងការពន្លត់។ ផ្សែង<br />នៅទីអវកាសក៏ហោះហើរទៅគ្រប់ទិស មិនថាលើ ឬក្រោម"។</p>
<p>Dietrich និង Forman Williams នៃសកលវិទ្យាល័យ California San Diego អាមេរិក កំពុងតែធ្វើ<br />ការពិសោធពន្លត់អគ្គីភ័យនៅលើស្ថានីយអវកាសអន្តរជាតិ (ISS)។ គោលដៅនៃការពិសោធនេះ<br /> គឺដើម្បីស្វែងរកវិធី និងឧបករណ៍ល្អជាងបច្ចុប្បន្ន សម្រាប់ពន្លត់ភ្លើងក្នុងអវកាសគ្មានទំនាញ<br />ផែនដី បំណងជួយឱ្យការហោះហើររបស់យានអវកាស មានសុវត្ថិភាព។</p>
<p>ក្នុងកម្មវិធីពិសោធ FLEX2 នេះ ក្រុមអ្នកស្រាវជ្រាវបានបញ្ជាពីចម្ងាយក្នុងការដុតភ្លើងតូចមួយ <br />ហើយពិនិត្យទៅលើការឆាបឆេះរបស់វា។ លទ្ធផលបានបង្ហាញថា ឧស្ម័នដែលមានច្រើននៅ<br />លើស្ថានីយអវកាសអន្តរជាតិ គឺ methanol និង heptanes នឹងឆេះ នៅពេលមានអ៊ុកស៊ីហ្សែន<br />ចាប់ពី ១២ទៅ ១៣% ក្នុងយានអវកាស ខណៈដែលមនុស្សត្រូវការពី ១៤ទៅ ១៥% ដើម្បីដក<br />ដង្ហើមបាន។</p>
<p>ការរកឃើញខាងលើនេះ ពិតជាមានសារសំខាន់ ក្នុងការពន្លត់ភ្លើងអវកាស ព្រោះថា វាបាន<br />ជួយឱ្យអវកាសចរដឹងបានថា នៅពេលណាភ្លើងអាចឆេះ និងធ្វើយ៉ាងណាដើម្បីឱ្យភ្លើងរលក់។<br /> តាមរយៈលទ្ធផលនៃការពិសោធនេះ គេនឹងផលិតបាននូវឧបករណ៍ពិសេស ដើម្បីពន្លត់ភ្លើង<br />នៅទីអវកាស៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ techtrend24/vnex</p>