<p><span style="color: #000000;">កាលពីម្សិលមិញតុលាការក្រុងភ្នំពេញ បានចោទប្រកាន់បុរសម្នាក់ ពីបទគំរាមកំហែងបង្ហោះរូបអាក្រាតរបស់មិត្តស្រីរបស់ខ្លួននៅលើ បណ្តាញសង្គមហ្វេសបុក បន្ទាប់ពីស្នេហារបស់ពួកគេបានបែកបាក់។</span><br /><span style="color: #000000;"></span><br /><span style="color: #000000;">លោក ប៊ុន ហេង មន្ត្រីនគរបាលព្រហ្មទណ្ឌខណ្ឌពោធិ៍សែនជ័យបាន ឲ្យដឹងថាជនជាប់ចោទឈ្មោះ ហង្ស ស៊ីង អាយុ ៤១ ឆ្នាំ ជាម្ចាស់ហាងលក់ឆ្នោតមួយកន្លែង នៅសង្កាត់ចោមចៅ៣ ។ គាត់មានប្រពន្ធ និងកូនបួននាក់។</span><br /><span style="color: #000000;"></span><br /><span style="color: #000000;">លោក ស៊ីង ត្រូវបានចោទប្រកាន់ពីបទគំរាម និងផលិតរូបភាពអាសអាភាស។ គាត់ត្រូវប្រឈមមុខនឹងការជាប់ពន្ធធនាគាររយៈពេលពីរឆ្នាំ ប្រសិនបើត្រូវបានផ្តន្ទាទោស។</span></p>
<p><span style="color: #000000;"><a class="thickbox" title="" href="/FileManager/Commons/2019/5/2/11-02-05-2019--09-01-14.PNG"><img src="/FileManager/Articles/mce/2019/5/2/11-02-05-2019--09-01-14.PNG" alt="" /></a><br /></span></p>
<p><span style="color: #000000;">ជនជាប់ចោទត្រូវបានចាប់ខ្លួនកាលពីថ្ងៃអាទិត្យ បន្ទាប់ពីនារីរងគ្រោះ អាយុ ២៣ ឆ្នាំ ដែលជាគូស្នេហ៍បានដាក់ពាក្យបណ្តឹង។</span><br /><span style="color: #000000;"></span><br /><span style="color: #000000;">លោក ហេង បាននិយាយថានៅឆ្នាំ ២០១៥ ជនជាប់ចោទបានជួល នារីរងគ្រោះ មកលក់ឆ្នោតឲ្យខ្លួន ដោយឲ្យប្រាក់ខែ ១៥០ ដុល្លារក្នុងមួយខែ។</span><br /><span style="color: #000000;"></span><br /><span style="color: #000000;">ប៉ុន្មានខែបន្ទាប់ពីជនរងគ្រោះធ្វើការនៅទីនោះ លោក ស៊ីង បានចាប់ផ្តើមមានទំនាក់ទំនងស្នេហាជាមួយនាង។</span><br /><span style="color: #000000;"></span><br /><span style="color: #000000;">លោក ហេង បានថ្លែងថា «យោងតាមចម្លើយរបស់ជនរងគ្រោះ រាល់ពេលដែលពួកគេរួមភេទជាមួយគ្នា ជនជាប់ចោទតែងតែថតរូប»។ ហើយគាត់បានរក្សាទុករូបភាពទាំងនោះ នៅលើទូរស័ព្ទរបស់គាត់។ ”</span></p>
<p><span style="color: #000000;">”រាល់ពេលដែលពួកគេឈ្លោះគ្នា ជនជាប់ចោទតែងតែគំរាមបង្ហោះរូបអាក្រាត នៅលើបណ្តាញសង្គមហ្វេសប៊ុក”។</span><br /><span style="color: #000000;"></span><br /><span style="color: #000000;">នៅថ្ងៃទី ១៣ ខែមេសា ជនរងគ្រោះបានបញ្ចប់ទំនាក់ទំនងនេះ បន្ទាប់ពីភរិយារបស់ជនជាប់ចោទចាប់បាន និងគំរាមនាង។</span><br /><span style="color: #000000;"></span><br /><span style="color: #000000;">លោកបានបន្ថែមថាជនជាប់ចោទ មិនយល់ស្របនឹងការបែកបាក់នេះទេ ហើយនៅតែបន្តទូរស័ព្ទទៅរកជនរងគ្រោះ តែជនរងគ្រោះមិនអើពើនឹងគាត់។</span><br /><span style="color: #000000;"></span><br /><span style="color: #000000;">លោក ហេង បាននិយាយថា ជនជាប់ចោទខឹងនឹងជនរងគ្រោះ ហើយបានផ្ញើវីដេអូរូមភេទទៅឲ្យនាង ដោយគំរាមថានឹងបង្ហោះវា បើនាងមិនព្រមជួបគាត់។បន្ទាប់ពីបានទទួលការគំរាមនោះ ជនរងគ្រោះ បានដាក់ពាក្យបណ្តឹង ទៅកាន់ស្នងការដ្ឋាននគរបាល សង្កាត់ច្បារមន ៣។ ហើយបន្ទាប់មកជនជាប់ចោទ ត្រូវបានចាប់ខ្លួននៅផ្ទះសំណាក់មួយ ដែលគាត់នឹងណាត់ជួបជនរងគ្រោះ។<br /><br />លោកបានកត់សម្គាល់ថា បន្ទាប់ពីការចាប់ខ្លួនប៉ូលីសបានរឹបអូសទូរស័ព្ទ របស់ជនជាប់ចោទ ហើយនិងរូបថតទាំងនោះ ៕ </span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/2/khmertime-02-05-2019--09-01-28.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>