<p>មនុស្សភាគច្រើនដឹងថា ការទទួលទានផ្លែប៉មមួយ ជារៀងរាល់ថ្ងៃ អាចជួយឱ្យរាងកាយមាន<br />សុខភាពល្អ។ ប៉ុន្តែ មានមនុស្សតិចតួចណាស់ ដែលដឹងថាការទទួលទានផ្លែចេកមួយផ្លែ ជា<br />រៀងរាល់ថ្ងៃនោះ ក៏អាចជួយឱ្យរាងកាយរបស់អ្នកមានសុខភាពល្អបានផងដែរ។</p>
<p>ផ្លែចេក មានអត្ថប្រយោជន៍ជាច្រើនចំពោះសុខភាព ដោយសារតែផ្លែចេកមានផ្ទុកនូវវីតាមីន<br />ជាច្រើន និងសារធាតុចិញ្ចឹមផ្សេងៗ ទៀត មានដូចជា៖ វីតាមីន A, C និង B6, សារជាតិដែក <br />ស៊ុលផួរ កាល់ស្យូម ម៉ាញ៉េស្យូម ស័ង្កសី សូឌីយ៉ូម ប៉ូតាស្យូម និងសារធាតុស្ករធម្មជាតិ ដូច<br />ជា ស្ករនៅក្នុងផ្លែ និង ទឹកឃ្មុំ។ល។ វីតាមីន និង សារធាតុចិញ្ចឹមទាំងអស់នេះ ធ្វើឱ្យផ្លែចេក<br />ក្លាយទៅកំពូលអាហារ ដែលមានអត្ថប្រយោជន៍បំផុតសំរាប់ទ្រទ្រង់សុខភាពរាងកាយរបស់<br />មនុស្សប្រចាំថ្ងៃ បានយ៉ាងមានប្រសិទ្ធិភាពខ្ពស់។</p>
<p>ខាងក្រោមនេះ គឺជាអត្ថប្រយោជន៍សុខភាពដ៏សំខាន់បំផុត ដែលទទួលបានមកពីការទទួល<br />ទានផ្លែចេក។</p>
<p><a class="thickbox" title="" href="/FileManager/Commons/2013/10/12/eatingbanana600x450-300x224-12-10-2013--10-07-29.jpg"><img src="/FileManager/Articles/mce/2013/10/12/eatingbanana600x450-300x224-12-10-2013--10-07-29.jpg" alt="" width="500" height="327" /></a></p>
<p><strong>ជួយទ្រទ្រង់សុខភាពបេះដូង៖ </strong>ផ្លែចេកសម្បូរដោយសារធាតុប៉ូតាស្យូម ជាតិរ៉ែ ដែលមាន<br />តួនាទី យ៉ាងចម្បងក្នុងការ ការពារសុខភាពបេះដូង។ សារធាតុប៉ូតាស្យូម ជ្រាបចូលទៅកោ<br />សិកា តាមរយៈរាងកាយ និង ជួយប្រព័ន្ធឈាមរត់ នាំយកអ៊ុកស៊ីហ្សែន ទៅកាន់ខួរក្បាល។<br />ហើយវាក៏ជួយ ទ្រទ្រង់ចង្វាក់បេះដូងឱ្យលោតទៀងទាត់ និង មានតុល្យភាព ក្នុងរាងកាយ។<br />មនុស្សដែលទទួលទានអាហារមានផ្ទុកនូវសារធាតុប៉ូតាស្យូមខ្ពស់ ដូចជា ផ្លែចេក អាចជួយ<br />កាត់បន្ថយគ្រោះថ្នាក់នៃការដាច់សរសៃឈាមខួរក្បាល សម្រួលឱ្យសម្ពាធឈាមដើរទៀង<br />ទាត់ និង ការពារប្រភេទនៃជំងឺបេះដូងផ្សេងៗ ទៀត បានយ៉ាងប្រសិទ្ធិភាព។<br /><br /><strong>ជួយឱ្យភ្នែកមានសុខភាពល្អ៖</strong> ផ្លែចេកមានផ្ទុកនូវវីតាមីន A, សារធាតុ fat-soluble ដែល<br />អាចជួយទ្រទ្រង់សុខភាពភ្នែកបានយ៉ាងប្រសើរដូចជា៖ ជួយការពារគ្រោះថ្នាក់នៃជំងឺងងឹត<br />ពេលយប់ (ជំងឺខ្វាក់មាន់)។ យោងតាម ការសិក្សាមួយបានចេញផ្សាយក្នុងឯកសារវេជ្ជវិជា្ជ<br />ព្យាបាលរោគភ្នែក បានឱ្យដឹងថា ការទទួលទានផ្លែចេក ៣ ឬ ច្រើន ក្នុង មួយថ្ងៃ អាចកាត់<br />បន្ថយគ្រោះថ្នាក់នៃភ្នែកចុះអន់ថយ។ </p>
<p><strong>ជួយសម្រកទម្ងន់៖</strong> ប្រសិនបើអ្នកកំពុងស្វែងរកប្រភេទអាហារណា ដែលអាចជួយឱ្យអ្នក<br />សម្រកទម្ងន់បានឆាប់រហ័ស ហើយមិនប៉ះពាល់ដល់សុខភាពនោះ យើងសូមណែនាំអ្នក<br /> ឱ្យទទួលទានផ្លែចេក។ ផ្លែចេក គឺជាជម្រើសដ៏ល្អបំផុតក្នុងការសម្រកទម្ងន់ ដោយសារតែ<br />ផ្លែចេក មានផ្ទុកនូវសារជាតិខ្លាញ់តិច មានផ្ទុកសារធាតុសរសៃ និង វីតាមីនជាច្រើនទៀត<br />។ សារធាតុសរសៃ ដែលមាននៅក្នុងផ្លែចេកនឹងជ្រាបចូលទឹក និង រំលាយអាហារយឺតៗ<br />ដែលអាចជួយអ្នក ឱ្យមានអារម្មណ៍ថាឆ្អែត បានយូរ៕</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖ top10homeremedies </p>