<p><span style="font-size: 12px;">រឿងតុក្កតា Frozen នឹងត្រឡប់មកវិញជាមួយឈុតឆាកថ្មីសម្រាប់រដូវកាលវិស្សមកាលខាងមុខនេះ ប៉ុន្តែលើកនេះ វានឹងផ្តោតសំខាន់លើតួអង្គ Olaf ជាជាងតួអង្គព្រះនាង Anna និង Elsa។ រឿងតុក្កតានេះត្រូវបានគេដាក់ចំណងជើងថា «Olaf's Frozen Adventure» ដែលមានរយៈពេល 21 នាទី ដែលនឹងត្រូវចាក់បញ្ជាំងមុនពេលបញ្ជាំងរឿង Coco របស់ Disney និង Pixar។</span></p>
<p><a class="thickbox" title="" href="/FileManager/Commons/2017/6/15/olafsfrozenadventurepngcroppromo-xlarge2-15-06-2017--16-31-57.png"><img src="/FileManager/Articles/mce/2017/6/15/olafsfrozenadventurepngcroppromo-xlarge2-15-06-2017--16-31-57.png" alt="" /></a></p>
<p>Olaf គឺជាតួអង្គមួយដែលទទួលបានការចាប់អារម្មណ៍ច្រើន មិនថាចំពោះកូនក្មេង ឬមនុស្សពេញវ័យ ព្រោះវាមានចិត្តល្អ រួសរាយ កំប្លែង និងគួរឲ្យស្រឡាញ់។ យោងតាមឈុតឆាកខ្លីៗ យើងឃើញថា Olaf មានបំណងចង់ជួយព្រះនាង Anna និង Elsa ក្នុងការបង្កើតពិធីជប់លៀងសម្រាប់ក្រុមគ្រួសារក្នុងថ្ងៃបុណ្យណូអែល។ Olaf បានចេញដំណើរជាមួយសំលាញ់ Sven ទៅកាន់ផ្ទះអ្នកភូមិដើម្បីរៀនពីប្រពៃណីខុសៗគ្នា ដែលវាបានស្តែងឲ្យឃើញពីទំនៀមទម្លាប់ខុសៗនៃការអបអរថ្ងៃឈប់សម្រាករបស់គ្រួសារនីមួយៗ។</p>
<p>ទោះបីរឿង «Olaf's Frozen Adventure» ជារឿងភាគខ្លីក៏ដោយ ក៏នឹងមានចម្រៀងថ្មីគួរឲ្យទាក់ទាញផងដែរ។ ចង់ដឹងថាឈុតឆាកខ្លីៗនៃរឿង «Olaf's Frozen Adventure» ល្អមើលយ៉ាងណា ទស្សនាទាំងអស់គ្នា៕</p>
<p><iframe src="https://www.youtube.com/embed/hb8WDATVB6A?rel=0&showinfo=0" frameborder="0" width="500" height="290"></iframe></p>
<p> <a class="thickbox" title="" href="/FileManager/Commons/2017/6/15/olaf-snowman-15-06-2017--16-35-57.jpg"><img src="/FileManager/Articles/mce/2017/6/15/olaf-snowman-15-06-2017--16-35-57.jpg" alt="" /></a></p>
<p> <a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/6/15/mkn-19-05-2017--15-51-28-15-06-2017--16-43-44.jpg" alt="" /></a></p>
<p>ប្រភព៖ Refinery 29</p>
<p>ប្រែសម្រួល៖ High</p>