<p><span style="color: #000000;">ក្រសួងសុខាភិបាលកាលពីថ្ងៃសុក្របានជំរុញឱ្យប្រជាជនប្រុងប្រយ័ត្នចំពោះជំងឺដៃជើង និងមាត់ដែលរីករាលដាលនៅក្នុងកំឡុងពេលក្តៅ និងស្ងួតហើយប៉ះពាល់ដល់កុមារដែលមានអាយុក្រោម ៥ឆ្នាំ។</span></p>
<p><span style="color: #000000;">នៅក្នុងសេចក្តីថ្លែងការណ៍ព័ត៌មានចេញផ្សាយដោយក្រសួងបាននិយាយថា ក្រសួងបានរកឃើញកុមារដែលមានជំងឺ HFMD កាន់កើនឡើងហើយករណីខ្លះធ្ងន់ធ្ងរ តម្រូវឱ្យមានការព្យាបាលបន្ទាន់នៅក្នុងមន្ទីរពេទ្យ។ ជម្ងឺនេះភាគច្រើនប៉ះពាល់ដល់ទារក និងកុមារតូចៗហើយរោគសញ្ញារួមមានគ្រុនក្តៅ, ដំបៅមាត់ និងកន្ទួលលើបាតដៃ បាតជើង និងគូថ។</span></p>
<p><span style="color: #000000;">សេចក្តីថ្លែងការណ៍បាននិយាយថា ក្នុងករណីខ្លះជំងឺនេះអាចប៉ះពាល់យ៉ាងធ្ងន់ធ្ងរដល់ប្រព័ន្ធសរសៃប្រសាទហើយបណ្តាលឱ្យប្រកាច់ ឬក៏ពិបាកដកដង្ហើម។ HFMD គឺជាជំងឺឆ្លងដែលឆ្លងរាលដាលតាមរយៈការប៉ះពាល់ជាមួយទឹកមាត់ កំហាក ស្លេស ទឹករងៃចេញពីពងបែក និងលាមករបស់អ្នកជំងឺ។</span></p>
<p><span style="color: #000000;"><a class="thickbox" title="" href="/FileManager/Commons/2019/3/27/20-27-03-2019--11-32-44.PNG"><img src="/FileManager/Articles/mce/2019/3/27/20-27-03-2019--11-32-44.PNG" alt="" /></a><br /></span></p>
<p><span style="color: #000000;">លោក ម៉ម ប៊ុនហេង រដ្ឋមន្ត្រីក្រសួងសុខាភិបាលបានអំពាវនាវដល់សាធារណជនឱ្យប្រុងប្រយ័ត្នជាងមុនអំពីជំងឺនេះក្នុងកំឡុងពេលអាកាសធាតុក្តៅខ្លាំង និងរក្សាអនាម័យអោយបានស្អាតដោយការលាងដៃជាទៀងទាត់ជាមួយសាប៊ូ។</span></p>
<p><span style="color: #000000;">ប្រសិនបើកុមារឬទារកមានរោគ សញ្ញាប្រកាច់ឬពិបាកដកដង្ហើមត្រូវបញ្ជូន ពួគគេទៅមន្ទីរពេទ្យដែលនៅជិត អោយបានឆាប់បំផុត។</span></p>
<p><span style="color: #000000;">ក្រសួងសុខាភិបាលក៏បានណែនាំឱ្យអ្នកជំងឺផឹកទឹកអោយបានច្រើន និងលេបថ្នាំដើម្បីបន្ថយកម្តៅ និងថ្នាំបំបាត់ការឈឺចាប់ចំពោះពងបែកក្នុងមាត់។ ទោះជាយ៉ាងណាក៏ដោយក្រសួងហាម ដាច់ខាចចំពោះការប្រើថ្នាំអាស្ពីរីន។</span></p>
<p><span style="color: #000000;">លោក លី សុវណ្ណ អ្នកនាំពាក្យក្រសួងសុខាភិបាលបាននិយាយកាលពីថ្ងៃចន្ទថា យោងតាមរបាយការណ៍ពីមន្ទីរពិសោធន៍ មន្ទីរពេទ្យ និងទិន្នន័យផ្សេងៗទៀត ករណី HFMD ក្នុងរយៈពេលពីរខែដំបូងឆ្នាំនេះបានកើនឡើង បើធៀបនឹងកំឡុងពេលដូចគ្នាកាលពីឆ្នាំមុន <span style="font-size: 12px;">៕</span></span></p>
<p><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/3/27/khmertime-27-03-2019--11-32-54.png" alt="" /></a></p>
<p style="text-align: right;"><span style="color: #000000;">ប្រភព ៖ khmertimes </span></p>
<div id="khmer-1139164360" class="khmer-content_3"><ins class="adsbygoogle" data-ad-client="ca-pub-7981514788931893" data-ad-slot="4059842397" data-ad-format="auto" data-full-width-responsive="true" data-adsbygoogle-status="done"><ins id="aswift_1_expand"></ins></ins></div>