<p><span style="color: #000000;"><strong>(ហាវ៉ៃ)៖</strong> យោងតាមប្រភពព័ត៌មានវិទ្យាសាស្រ្ត Space ចេញផ្សាយនៅថ្ងៃអង្គារ ទី២៧ ខែកញ្ញា ឆ្នាំ២០១៦ បានឲ្យដឹងថា ប្រទេសចិន និងសហរដ្ឋអាមេរិក គ្រោងនឹងបង្កើតកិច្ចប្រជុំលើកទីពីរ ដើម្បីពិភាក្សាអំពីវិធានការ ក្នុងការគ្រប់គ្រង និងអង្កេតស្ថានការណ៍នៃលំហ អាកាសនាឆ្នាំនេះតែម្តង។</span></p>
<p><span style="color: #000000;">នៅក្នុងសុន្ទរកថាកាលពីថ្ងៃទី២២ ខែកញ្ញាកន្លងទីថ្មីៗនេះ លោក Frank Rose ដែលជាអនុប្រធាន នៃការិយាល័យនៃការចាត់ចែងប្រតិបត្តិការ និងបង្កើតនយោបាយការពារជាតិ សហរដ្ឋអាមេរិក បាននិយាយថា «កិច្ចប្រជុំនេះពេលខាងមុខនេះ នឹងត្រូវលើកយកបញ្ហាកម្ទេចកម្ទី ឬកាកសំណល់ នៅក្នុងលំហអាកាសមកពិភាក្សាផងដែរ ដោយនេះគឺជារឿងដ៏គួរឲ្យយកចិត្តទុកដាក់មួយ ក្នុងការចាត់វិធានការការពារភពផែនដី ពីការប៉ះទង្គិចដោយកម្ទេចកម្ទីទាំងនោះ»។</span></p>
<p><span style="color: #000000;">ជាក់ស្តែង កាលពី ថ្ងៃទី១១ ខែមករា ឆ្នាំ ២០០៧ ចិន បានកំទេចផ្កាយរណបយោធាមួយគ្រឿងឈ្មោះ Fengyun-1C ដែលត្រូវបានគេប្រើប្រាស់ ក្នុងការផ្លោងកាំជ្រួចមីស៊ីល ដោយបានធ្វើឲ្យស្រទាប់ បរិយាកាស និង គោរចរ របស់ភពផែនដីពោរពេញទៅដោយឧស្ម័ន និងកម្ទេចកម្ទីគ្រោះថ្នាក់ជាច្រើន។</span></p>
<p><span style="color: #000000;">ជាមួយគ្នានេះដែរ រដ្ឋាភិបាលអាមេរិក បាននិយាយថា ការកំទេចផ្កាយយោធានាឆ្នាំ ២០០៧ នេះ បានធ្វើឲ្យមានកំទេចកំទីជាង ៣,៤០០ បំណែក ដោយកម្ទេចកម្ទីទាំងនោះ នៅតែអាចមាននៅក្នុង គន្លងគោចររបស់ភពផែនដីរហូតដល់ឆ្នាំ ២០២៧ ដែលវាអាចធ្វើការបំផ្លាញស្រទាប់បរិយាកាស របស់ភពផែនដីកាន់តែធ្ងន់ធ្ងរឡើង ពីមួយថ្ងៃទៅមួយថ្ងៃ។</span></p>
<p><span style="color: #000000;">ទោះបីជាយ៉ាងណាក្តី តាមរយៈការធ្វើទស្សនកិច្ច ទៅកាន់ប្រទេសចិនរបស់ ប្រធានាធិបតីអាមេរិក លោក បារ៉ាក់ អូបាម៉ា កាលពីដើមខែកញ្ញានេះ បានបង្ហាញឲ្យឃើញថា អាមេរិក និងចិនក៏បានទទួលស្គាល់ថា កម្ទេចកម្ទីនៃលំហអាស មិនតែធ្វើបំផ្លាញដល់ស្រទាប់បរិយាកាសរបស់ភពផែនដី ប៉ុណ្ណោះទេ វាថែមទាំងបានធ្វើឲ្យផ្កាយរណបដទៃទៀត មិនអាចប្រមូលទិន្នន័យបានច្បាស់ ព្រមទាំងអាចនាំឲ្យ មានផលវិបាកក្នុងការបង្ហោះយាន ទៅក្នុងលំហអាកាសផងដែរ។</span></p>
<p><span style="color: #000000;">សូមជំរាបដែរថា កិច្ចពិភាក្សាលើកទី១ រវាង អាមេរិក និងចិន ស្តីពីបញ្ហាផ្សេងៗនៃលំហអាកាស ត្រូវបានធ្វើឡើងកាលពីខែឧសភា ឆ្នាំ ២០១៦ កន្លងទៅថ្មីៗ ដោយឡែក កិច្ចពិភាក្សាលើកទីពីរនេះ ត្រូវបានគ្រោងធ្វើឡើងនាពេលឆាប់នេះដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/28/02b-28-09-2016--09-58-50.jpg"><img src="/FileManager/Articles/mce/2016/9/28/02b-28-09-2016--09-58-50.jpg" alt="" /></a></span></p>
<p style="text-align: right;"><br /><span style="color: #000000;">ប្រភព ៖ spacenews</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>