<p><span style="color: #000000;"><strong>(អាមេរិក)៖</strong> ប៉ូលិសនៅរដ្ឋចចចារ បាននិយាយថា បុរសជាអ្នកជំងឺអាយុ២២ឆ្នាំម្នាក់ ឈ្មោះ Andrew Hill បានបាត់បង់ជីវិត បន្ទាប់ពីលោតចេញពីរថយន្ត សង្គ្រោះបន្ទាន់ ខណៈដែលរថយន្ត កំពុងចរាចរណ៍ លើផ្លូវហាយវ៉េមួយ។</span></p>
<p><span style="color: #000000;">សាក្សីដែល បានឃើញហេតុការណ៍ និយាយថា ក្រោយពីលោតចុះ ពីរថយន្តពេទ្យរួច អ្នកជំងឺនោះក៏រត់ត្រឡប់ ទៅកាន់រថយន្តសង្គ្រោះវិញដែរ តែពេលនោះស្រាប់តែមានរថយន្តមួយគ្រឿងទៀត បើកសំដៅមកបុកចំ អ្នកជំងឺតែម្តង។</span></p>
<p><span style="color: #000000;">គ្រូពេទ្យនិយាយថា នៅមុនពេលកើតហេតុ អ្នកជំងឺដែលជាជនរងគ្រោះ ហាក់ដូចជាមានអារម្មណ៍ពុះកញ្ជ្រោលខ្លាំង ហើយគ្រូពេទ្យចាប់លែងឈ្នះ ទើបគេស្ទុះហក់ចេញពីរថយន្តបានភ្លាមៗ ឆ្លងកាត់ផ្លូវដែលមានចរាចរណ៍ខ្វាត់ខ្វែង ទើបជួបគ្រោះថ្នាក់បែបនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/21/14aa-21-04-2016--13-42-53.jpg"><img src="/FileManager/Articles/mce/2016/4/21/14aa-21-04-2016--13-42-53.jpg" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span><br /><br /></p>