<p>ព័ត៌មានអន្តរជាតិ៖តើលោកអ្នក បានដឹង ថាតើ កាលពីថ្ងៃសៅរ៍កន្លងទៅនេះ រដ្ឋ Adelaide ប្រទេស អូស្រ្តាលីឯណោះវិញ អាកាសធាតុក្តៅមានសីតុណ្ហភាពកើនឡើងដល់ទៅ ប៉ុន្មានអោយពិតប្រាកដ ? តាមពិតទៅ បើតាមការអោយដឹង សីតុណ្ហភាព នាថ្ងៃនោះ បានកើនឡើងកំដៅ ដល់ទៅ ៤២ អង្សាឯណោះ ដោយនៅក្នុងនោះ ប៊ិះនឹងឆក់យកជីវិត ក្មេងតូចម្នាក់ ដែលកំពុងតែមានវត្តមាននៅ ក្នុងរថយន្ត សំចតក្រោមពន្លឺថ្ងៃ ។</p>
<p>គួរបញ្ជាក់ផងដែរថា កុំតែបានបុរសជាមន្រ្តីសន្តិសុខនោះទេ កុំអីក្មេងតូចម្នាក់នេះ អាចនឹងស្លាប់ បាត់បង់ជីវិត ក៏ថាបាន ពីព្រោះថា គេស្ថិតនៅក្នុងរថយន្តសំចត នៅក្រោមពន្លឺព្រះអាទិត្យដ៏ក្តៅ និង ទ្វាររថយន្តបិទអស់ជាច្រើនម៉ោង ដោយឃើញហេតុការណ៍ មិនស្រួល ខណៈក្មេងតូច មិនអាចទ្រាំ នឹងសីតុណ្ហភាពថប់ក្តៅខ្លាំងហើយនោះ បុរសជាមន្រ្តីសន្តិសុខ ក៏បានសម្រេចចិត្ត វាយកំទេច បំបែកកញ្ជក់រថយន្ត ធ្វើការសង្គ្រោះគេដោយផ្ទាល់តែម្តង។</p>
<p><object width="484" height="415" data="http://www.youtube.com/v/S4bOLN1ME50&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/S4bOLN1ME50&rel=1" /></object></p>
<p>ភ្លាមៗនោះក៏មានកិច្ចអន្តរាគមន៍ ពីសំណាក់មន្រ្តីប៉ូលីស ដោយបានចុះទៅដល់កន្លែងកើតហេតុ និងបញ្ជូនក្មេងតូច ទៅកាន់មន្ទីរពេទ្យ Lyell McEwin Hospital ដើម្បីធ្វើការសង្គ្រោះបន្ទាន់ ។ យោង តាមសេចក្តីរាយការណ៍ អះអាងថា ជាសំណាងល្អ បានជួយគេ និងបញ្ជូនមកមន្ទីរពេទ្យទាន់ពេល កុំអី មិនដឹងជា សោកស្តាយ យ៉ាងណានោះទេ។</p>
<p>ផ្ទុយទៅវិញ បើយោងតាមសម្តីអ្នកនាំពាក្យ តំណាងអោយ ស្នងការប៉ូលីស ប្រចាំកន្លែងកើតហេតុ អោយដឹងថា ស្រ្តីម្នាក់ (ពុំបានបញ្ជាក់អត្តសញ្ញាណ) បានបើកឡានដឹកគេមក មជ្ឈមណ្ឌលទិញ ឥវ៉ាន់ខាងលើ ខណៈស្រ្តីជាម្តាយគេ ដេកឈឺនៅឯផ្ទះ តែដឹងអីថា ប៊ិះនឹងស្តាយក្រោយអស់មួយ ជីវិត ជាមួយនឹងការធ្វេសប្រហែសរបស់គាត់ ពោល ទុកក្មេងចោល នៅក្នុងរថយន្ត និងដើរទិញ ឥវ៉ាន់អស់ជាច្រើនម៉ោង ។ ខាងក្រោមជាវីដេអូ ជួយសង្គ្រោះ ជ្រាបកាន់តែច្បាស់ តាមដានទស្សនា បន្តិចទៅ ៖</p>
<p><strong>ចងចាំ ៖ ខណៈសីតុណ្ហភាព នាពេលថ្មីៗនេះ កើនឡើងកម្តៅ គួរអោយកត់សម្គាល់ហើយ នោះ ទស្សនិកជនទាំងអស់គ្នា ត្រូវធានា អោយបានថា នឹងមិនមានការធ្វេសប្រហែស ដូច ខ្សែអាថ៍វីដេអូខាងលើ ពោល មិនត្រូវសំចតឡាន នៅក្រោមកំដៅថ្ងៃក្តៅ រួចទុកក្មេងតូច នៅក្នុងរថយន្តតែឯកឯងជាច្រើនម៉ោង ៕</strong></p>
<p style="text-align: right;">ប្រែសម្រួល ៖ កុសល<br />ប្រភព ៖ Liveleak</p>
<p> </p>
<p> </p>
<p> </p>
<p> </p>
<p> </p>
<p> </p>
<p> </p>
<p> </p>