<p><span style="font-size: 12px; color: #000000;">បុរសជនជាតិអាមេរិកម្នាក់ ត្រូវបានជាប់គុកចំនួន ២ ឆ្នាំ ក្រោយពេលដែលលោកបានជួយប្រទេសចិនបង្កើតកម្មវិធីនុយក្លេអ៊ែ ដោយខុសច្បាប់។</span></p>
<p><span style="color: #000000;">បើយោងតាមក្រសួងយុត្តធម៌អាមេរិក លោក Szuhsiung Ho ហៅកាត់ថា Allen Ho បានជួយជនជាតិចិនបង្កើតថាមពលនុយក្លេអ៊ែ អស់រយៈពេលជាង ២០ ឆ្នាំមកហើយ។ </span></p>
<p><span style="color: #000000;">លោក Allen Ho ត្រូវបានកាត់ទោស ពីព្រោះគាត់មិនបានទទួលការអនុញ្ញាតណាមួយ ដើម្បីចែករំលែក បច្ចេកវិទ្យានុយក្លេអ៊ែនេះទេ។</span></p>
<p><span style="color: #000000;">គាត់ត្រូវបានផាកអស់ ២ម៉ឺន ដុល្លារ សម្រាប់ការធ្វើខុសច្បាប់បច្ចេកវិទ្យាសហរដ្ឋអាមេរិក។</span></p>
<p><span style="color: #000000;">លោក Allen Ho បានកើតនៅក្នុងទីក្រុងតៃវ៉ាន់ ប៉ុន្តែបានជាប់សញ្ជាតិអាមេរិក ហើយធ្វើការជាវិស្វករជាន់ខ្ពស់ សម្រាប់ក្រុមហ៊ុនថាមពលនុយក្លេអ៊ែធំបំផុតរបស់ប្រទេសចិន និងជាប្រធានក្រុមហ៊ុនថាមពលបច្ចេកវិទ្យាអន្តរជាតិ។</span></p>
<p><span style="color: #000000;">ក្រសួងយុត្តធម៌អាមេរិក បាននិយាយថា លោក Allen Ho បានជំនួយប្រទេសចិន ដោយការរើសវិស្វករ និងអ្នកជំនាញផ្សេងៗទៀត ដើម្បីណែនាំទៅលើវិធីដែលលឿន ក្នុងការរៀបចំ សមាសធាតុ សម្រាប់ប្រភេទផ្សេងៗនៃប្រតិកម្មនុយក្លេអ៊ែ។</span></p>
<p><br /><a class="thickbox" title="" href="/FileManager/Commons/2017/9/2/1-02-09-2017--10-15-01.png"><img src="/FileManager/Articles/mce/2017/9/2/1-02-09-2017--10-15-01.png" alt="" /></a><span style="color: #000000;"></span></p>
<p><span style="color: #000000;">បច្ចេកវិទ្យាដែលទាក់ទងនឹងការប្រើប្រាស់សមាសធាតុវិទ្យុសកម្ម ដើម្បីបង្កើតថាមពល ស្ថិតនៅក្នុងតារាងដែលគេហាមឃាត់ ហើយនរណាម្នាក់ដែលចង់ចែករំលែកពួកវា ត្រូវតែទទួលការអនុញ្ញាតិ ពីក្រសួងថាមពលសហរដ្ឋអាមេរិកជាមុនសិន។</span></p>
<p><span style="color: #000000;">លោកស្រី Renae McDermott ភ្នាក់ងារពិសេសទទួលខុសត្រូវលើការស៊ើបអង្កេត បានថ្លែងថា៖ «ការលួចបច្ចេកវិទ្យានុយក្លេអ៊ែររបស់យើង ដោយពួកសត្រូវបរទេស គឺជាការព្រួយបារម្ភយ៉ាងជ្រាលជ្រៅចំពោះ FBI»។</span></p>
<p><span style="color: #000000;">លោកស្រីបានបន្តទៀតថា៖ «យើងនឹងស៊ើបអង្កេតយ៉ាងមុតមាំ ទៅលើអ្នកដែលលួចបច្ចេកវិទ្យារបស់យើងដើម្បីប្រយោជន៍រដ្ឋាភិបាលបរទេស» ៕</span></p>
<p><span style="color: #000000;"><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/9/2/mkn-02-09-2017--10-00-28.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ High</span></p>
<p style="text-align: right;"><span style="color: #000000;">ប្រភព ៖ BBC</span></p>