<div class="summary">
<p>Sony ទើបតែធ្វើសេចក្តីប្រកាសថា ខ្លួនបានលក់ជាផ្លូវការហើយ នូវផ្នែកផលិត កុំព្យូទ័រ ដល់ ក្រុមហ៊ុន Japan Industrial Partners (JIP)។ ការទិញលក់នេះ នឹងបញ្ចប់ នៅចុងខែមីនា ឆ្នាំ ២០១៤ ខាងមុខនេះ។ </p>
</div>
<div class="content">
<p>រយះពេល ១ថ្ងៃ បន្ទាប់ពីពេលក្រុមហ៊ុន ប្រកាសថា នឹងពិនិត្យមើល លើការលក់ចេញនូវផ្នែក ផលិតកុំព្យូទ័រ Sony បានស្វែងរកបានដៃគូជាផ្លូវការហើយ ក្នុងការទិញយកផ្នែកនេះ ក្នុងតំលៃ លក់ ៤៩០លានដុល្លារ។ តាមរយះនេះ Sony នឹងលក់ផ្នែកជំនួញ PC និងស្លាកយីហោ (Brand) VAIO ដល់ Japan Industrial Partners (JIP)។</p>
<p style="text-align: center;"><a class="thickbox" title="" href="/FileManager/Commons/2014/2/6/vaio-06-02-2014--16-20-02.jpg"><img src="/FileManager/Articles/mce/2014/2/6/vaio-06-02-2014--16-20-02.jpg" alt="" /></a></p>
<p style="text-align: center;"><em><span style="color: #808080;">(រូបភាព៖ GSMArena)<a class="thickbox" title="" href="/FileManager/Commons/2014/2/6/vaio-06-02-2014--16-20-02.jpg"></a></span></em></p>
<p>ទន្ទឹមនឹងនោះ Sony ក៏បានបន្តធ្វើការកាត់បន្ថយបុគ្គលិក ចំនួន ៥០០០ នាក់ផងដែរ។ ចំណែកឯ ក្រុមហ៊ុនផលិត PC ថ្មី (JIP) វិញ ត្រូវបានគេរំពឹងថា នឹងជួលបុគ្គលិកបន្ថែមចន្លោះពី ២៥០ ដល់ ៣០០ នាក់ ពីក្រុមហ៊ុន Sony ដើម្បីផ្តោតទៅលើការ រចនាម៉ូត ការអភិវឌ្ឍន៍ ផលិត និងលក់ ផលិតផល។</p>
<p>នៅក្នុងការទិញលក់ផ្នែកផលិតកុំព្យូទ័រ ខាងលើនេះផងដែរ Sony ក៏នឹងធ្វើការវិនិយោគ ៥% នៃចំនួនទឹកប្រាក់វិនិយោគរបស់ JIP ៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>