<p><span style="color: #000000;">ព័ត៌មានអន្តរជាតិ ៖ កងទ័ពជើងទឹក ចិន នឹិងបញ្ជូននាវារបស់ខ្លួន ៥ គ្រឿង ទៅចូលរួមសមយុទ្ធយោធា ជើងទឹកធំបំផុតដែលដឹកនាំដោយសហរដ្ឋអាមេរិក នារដូវក្តៅនេះ បើទោះបីជា ប្រជាជាតិ ទាំងពីរ ចិន អាមេរិក កំពុងតែ មានជម្លោះជាមួយនឹងគ្នា ពាក់ព័ន្ធនឹងប្រធានបទ សមុទ្រចិនខាងត្បូង យ៉ាងណាក៏ដោយចុះ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/3/18-03-06-2016--15-58-16.jpg"><img src="/FileManager/Articles/mce/2016/6/3/18-03-06-2016--15-58-16.jpg" alt="" /></a><br /></span></p>
<p><span style="color: #000000;">សមយុទ្ធយោធា The Rim of the Pacific exercise ឬ RIMPAC គឺជាសមយុទ្ធយោធាជើងទឹកអន្តរ ជាតិធំបំផុតលើលោក ដែលតែងតែប្រារព្ធឡើង រៀងរាល់ ២ឆ្នាំម្ង នៅរដ្ឋ Hawaii អំឡុង មិថុនា និង កក្កដា ។ ក្រុមអ្នករិះគន់ ពីរដ្ឋបាល លោក បារ៉ាក់ អូបាម៉ា រួមទាំងសមាជិកសភា លោក John McCain ផងនោះ ឲ្យដឹងថា សហរដ្ឋអាមេរិក គួរតែហាមមិនឲ្យចិនចូលរួមសមយុទ្ធយោធា ដើម្បី ជាការស្តែងឲ្យឃើញថា សហរដ្ឋអាមេរិកបានបដិសេធទៅនឹងសកម្មភាពយោធារបស់ចិន ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/3/18c-03-06-2016--15-58-25.jpg"><img src="/FileManager/Articles/mce/2016/6/3/18c-03-06-2016--15-58-25.jpg" alt="" /></a><br /></span></p>
<p><span style="color: #000000;">ក្រសួងការពារជាតិ ប្រទេសចិន គូសបញ្ជាក់តាមរយៈសេចក្តីថ្លែងការណ៍ខ្លី កាលពីថ្ងៃទី ២ មិថុនា កន្លងទៅនេះ ឲ្យដឹងថា នាវារបស់ខ្លួន ៥ គ្រឿង ក្នុងនោះ រួមមាននាវាចម្បាំង ២ គ្រឿងផងនោះ នឹង ចូលរួមសមយុទ្ធយោធាដ៏ធំប្រចាំឆ្នាំមួយនេះ ។ បើទោះបីជា ប្រទេសចិន មានការខឹងសម្បារ សហ រដ្ឋអាមេរិក ដែលបានប្រើប្រាស់កម្លាំងយោធារបស់ខ្លួន ល្បាតនៅជិតដែនកោះ ជម្លោះ សមុទ្រចិន ខាងត្បូង ក៏ដូចជា អាមេរិក រិះគន់ ដល់រដ្ឋាភិបាលចិន ដែលបានសាងសង់សម្បទាផ្សេងៗនៅលើ ដីកោះជម្លោះយ៉ាងណាក៏ដោយចុះ ក៏ប្រទេសទាំង ២ ចិន អាមេរិក នៅតែព្យាយាមបង្កើនចំណង មិត្តភាព ទំនាក់ទំនងរវាងប្រជាជាតិទាំង ២ ។ </span></p>
<p><span style="color: #000000;">គួររំឮកថា សមយុទ្ធយោធា RIMPAC ក៏មានការចូលរួម ពីសំណាក់ ប្រទេស រុស្ស៊ីផងដែរ ដែលជា ប្រទេសមិនសូវជាចុះសម្រុងជាមួយនឹង សហរដ្ឋអាមេរិកនោះទេ ។ សេចក្តីរាយការណ៍ បញ្ជាក់ឲ្យ ដឹងថា ចិនក៏បានចូលរួម សមយុទ្ធយោធា RIMPAC អំឡុងឆ្នាំ ២០១៤ ដូចគ្នាដែរ ដែលមានការចូល រួមពីសំណាក់ប្រជាជាតិ ច្រើនជាង ២០ លើលោក ៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>