<p><span style="color: #000000;"><strong>(ឥណ្ឌា)៖</strong> យុវជនពីរនាក់ បានបាត់បង់ជីវិត ដោយនឹកស្មានមិនដល់ បន្ទាប់ពីពួកគេរួមជាមួយមិត្តភក្តិឯទៀត ប្រមាណ ១០នាក់ នាំគ្នាដើរលេងកំសាន្ត ហើយខណៈឈរថតរូប selfie ក៏ធ្លាក់ចូលទន្លេ ស្លាប់ទាំងពីរនាក់យ៉ាងអាណោចអធ័ម។</span></p>
<p><span style="color: #000000;">ហេតុការណ៍នេះ កើតឡើងនៅតំបន់ Nashik ប្រទេសឥណ្ឌា ប៉ូលីសនិយាយថា និស្សិតអាយុ ១៨ឆ្នាំម្នាក់ឈ្មោះ Jagannath Chulbhar បានស្លាប់ ខណៈឈរថតរូប selfie ក៏ធ្លាក់ចូលទន្លេ រីឯនិស្សិតម្នាក់ទៀត អាយុ១៨ឆ្នាំដូចគ្នា ឈ្មោះ Ajinkya Bhausaheb ដែលជាមិត្តភក្តិ ឃើញបែបនេះក៏ហក់ចូលទឹក ប្រុងជួយក៏លង់ទឹកស្លាប់ដែរ។</span></p>
<p><span style="color: #000000;">សាកសពជនរងគ្រោះទាំងពីរ ត្រូវបានអ្នកនេសាទស្រង់បាន ហើយប៉ូលីសក៏នាំ យកសពពួកគេ ទៅកាន់មន្ទីរពេទ្យ ក្បែរតំបន់កើតហេតុ ដើម្បីធ្វើកោសល្យវិច័យ និងបានទាក់ទងក្រុមគ្រួសារ ជនរងគ្រោះប្រាប់ពីដំណឹង ដ៏អកុសលនេះផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/16/30-16-02-2016--11-07-48.jpg"><img src="/FileManager/Articles/mce/2016/2/16/30-16-02-2016--11-07-48.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>