<p style="text-align: left;">ស្ដ្រីម្នាក់បើកបររថយន្ដពណ៌ខ្មៅមួយគ្រឿង បំបុករបាំងសន្ដិសុខរបស់សេតវិមាន ភ្លាមនោះក្រុមនគរបាលក៏បានដេញចាប់ តាមដងផ្លូវ ធ្វើឱ្យកក្រើកពេញមួយតំបន់ ចាប់ពីវិមានប្រធានាធិបតី ទៅដល់អាគារសភាអាមេរិក។ ចុងក្រោយ ស្ដ្រីម្នាក់នោះ ត្រូវបានបាញ់សម្លាប់នៅក្នុងរថយន្ដ។</p>
<p style="text-align: center;"><a class="thickbox" title="" href="/FileManager/Commons/2013/10/4/ss-131003-capitol-shooting-tease-04-10-2013--12-53-38.jpg"><img src="/FileManager/Articles/mce/2013/10/4/ss-131003-capitol-shooting-tease-04-10-2013--12-53-38.jpg" alt="" /></a></p>
<p style="text-align: center;"><em>ប្រជាជន នាំគ្នាគេចខ្លួន ។ រូប ៖ AFP</em></p>
<p style="text-align: left;">ហេតុការណ៍ខាងលើនេះ បានកើតឡើងកាលពីល្ងាចថ្ងៃទី ៣តុលា (ម៉ោងនៅអាមេរិក)។ ក្រុមតំណាងរាស្ដ្រ បានឱ្យដឹងថា ពួកគេឮសម្លេងគ្រាប់កាំភ្លើងប្រហែល ៦គ្រាប់។ ភ្លាមនោះ នគរបាលក៏បានឡោមព័ន្ធអាគារ ខណៈដែលរថយន្ដសង្គ្រោះបន្ទាន់ជាច្រើនគ្រឿង បានមកដល់កន្លែងកើតហេតុ។ ភ្ញៀវទេសចរណ៍មកទស្សនាតំបន់ភ្នំ Capitol និងក្រុមអ្នកធ្វើច្បាប់ ក៏នាំគ្នារត់ចូលអាគារ រកទីសុវត្ថិភាព។</p>
<p style="text-align: left;">មូលហេតុដែលនាំឱ្យមានបញ្ហានេះកើតឡើង គឺដោយសារស្ដ្រីម្នាក់ បើកបររថយន្ដពណ៌ខ្មៅមួយគ្រឿង មានបំណងបុកចូលរបាំងសន្ដិសុខរបស់សេតវិមាន។ នគរបាល ក៏បានដេញតាម ប៉ុន្ដែរថយន្ដពណ៌ខ្មៅនោះ បានព្យាយាមគេចខ្លួន ធ្វើឱ្យនគរបាលខ្លះ រងរបួស នាំឱ្យនគរបាលប្រើរថយន្ដ តាមប្រមាញ់នៅតាមដងផ្លូវនានាក្នុងក្រុង ចន្លោះសេតវិមាន និងវិមានរដ្ឋសភា។</p>
<p style="text-align: center;"><a class="thickbox" title="" href="/FileManager/Commons/2013/10/4/us-capitol-police-surroun-005-04-10-2013--12-54-39.jpg"><img src="/FileManager/Articles/mce/2013/10/4/us-capitol-police-surroun-005-04-10-2013--12-54-39.jpg" alt="" /></a></p>
<p style="text-align: left;">ចុងក្រោយ នគរបាលបានតាមទាន់ និងបានភ្ជង់កាំភ្លើងដាក់ស្ដ្រីដែលនៅក្នុងរថយន្ដនោះ។ ជាលទ្ធផល ស្ដ្រីនោះត្រូវនគរបាល បាញ់សម្លាប់។ នៅក្នុងរថយន្ដ គេឃើញមានកុមារីអាយុ ១ឆ្នាំម្នាក់ផងដែរ ប៉ុន្ដែ នាងមិនបានរងរបួសនោះទេ ដោយត្រូវបាននាំទៅកាន់កន្លែងសុវត្ថិភាព។ ហេតុការណ៍នេះ ក៏បានបណ្ដាលឱ្យនគរបាលខ្លះ រងរបួសផងដែរ។<br /><br />លោកស្រី Cathy Lanier អធិការនគរបាលក្រុង បានប្រកាសថា ស្ដ្រីនោះបានបាត់បង់ជីវិត។ Cathy Lanier បន្ដថា ហេតុការណ៍នេះ “ទំនងមិនមែនជាករណីគ្រោះថ្នាក់ចរាចរណ៍នោះទេ។ វាជាការដេញតាមចាប់ដែលប្រើប្រាស់ពេលយូរ។ មធ្យោបាយធ្វើដំណើរជាច្រើនត្រូវបានបុក និងមានបំណងរំលោភទៅលើក្រវាត់សន្ដិសុខចំនួនពីរ របស់សេតវិមាន។</p>
<p style="text-align: center;"><a class="thickbox" title="" href="/FileManager/Commons/2013/10/4/ddfd-04-10-2013--12-55-50.jpg"><img src="/FileManager/Articles/mce/2013/10/4/ddfd-04-10-2013--12-55-50.jpg" alt="" /></a> <br /><em>ទិដ្ឋភាពនៅខាងក្រៅវិមានរដ្ឋសភា</em></p>
<p style="text-align: left;">សេតវិមានដែលមានចម្ងាយប្រហែល ១,៦គីឡូម៉ែត្រ ពីកន្លែងកើតហេតុ ត្រូវបានដាក់ឱ្យស្ថិតនៅក្នុងស្ថានភាពប្រកាសអាសន្ន។ ក្រុមស៊ើបការណ៍សម្ងាត់អាមេរិក ក៏ត្រូវបានដាក់ពង្រាយនៅជុំវិញវិមានប្រធានាធិបតី Barack Obama ។<br /><br />ស្ដ្រីបង្កហេតុ ត្រូវគេស្គាល់ថា មានអាយុ ៣៤ឆ្នាំ និងមានការងារត្រឹមត្រូវ។ បច្ចុប្បន្ន នគរបាលកំពុងស្រាវជ្រាវអំពីមូលហេតុនៃសកម្មភាពរបស់នាង។<br /><br />ករណីខាងលើនេះ បានកើតឡើងក្នុងអំឡុងពេលរដ្ឋាភិបាលអាមេរិក ត្រូវបិទទ្វារ ចាប់ពីថ្ងៃទី ១តុលា បន្ទាប់ពីសភា មិនអាចរកបានឯកភាពស្ដីអំពីថវិកាសម្រាប់រដ្ឋាភិបាល។ បញ្ហាបែបនេះ បានកើតឡើងចំនួន ១៧លើក ចាប់ពីឆ្នាំ ១៩៧៧ ក្នុងនោះ មានករណីខ្លះ បានអូសបន្លាយរហូតដល់ ២១ថ្ងៃ ។</p>
<p style="text-align: center;"> </p>
<p style="text-align: center;"><object width="498" height="426" data="http://www.youtube.com/v/_gOux7w3dSI&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/_gOux7w3dSI&rel=1" /></object></p>
<p style="text-align: center;"> </p>
<p style="text-align: right;">ដោយ ៖ តារា<br />ប្រភព ៖ Telegraph/AFP</p>