<p><span style="color: #000000;"><strong>១</strong><strong>–</strong><strong> ផឹកទឹកខ្មេះបន្តិច៖</strong> មុននឹងឡើងជិះលើរថយន្តគ្រប់ប្រភេទ ត្រូវផឹកទឹកក្តៅឧណ្ហៗលាយជាមួយទឹកខ្មេះបន្តិច ដើម្បីជួយកាត់បន្ថយការពុលរថយន្ត។</span></p>
<p><span style="color: #000000;"><strong>២</strong><strong>–</strong><strong> បិតកៅអៀកលើសន្លាក់ឆ្អឹងពីលើរន្ឋផ្ចិត៖ </strong>ដំបូងអ្នកអាចប្រើបន្ទះខ្ញីស្រស់ ឬ បន្ទក់ទឹកប្តេងខ្យល់ ២ ទៅ ៣ដំណក់ ចូលរន្ឋផ្ចិត រួចហើយយកកៅអៀកបិតបំបាត់ការឈឺចាប់សន្លាក់ឆ្អឹង ឬ ស្កុតបិតដំបៅបិតលើរន្ឋផ្ចិត។</span></p>
<p><span style="color: #000000;"><strong>៣ </strong><strong>–</strong><strong>ត្រូវរកទីតាំងអង្គុយឲ្យបានសមស្រប៖</strong> ការជ្រើសរើសកន្លែងអង្គុយនៅក្នុងរថយន្តក្រុងក៏ជាកត្តាសំខាន់ដែរ ដូច្នេះ ត្រូវអង្គុយបែរមុខមកខាងមុខស្របទិសរថយន្ត ដែលកំពុងបើកបរ ហើយកន្លែងអង្គុយត្រូវឲ្យមានខ្យល់អាកាសចេញចូលស្រួល និង កៅអីកុំឲ្យញ័ររញ្ជួយដល់ក្បាល ទើបពុំមានអាការៈពុលរថយន្ត។</span></p>
<p><span style="color: #000000;"><strong>៤</strong><strong>–</strong><strong> មិនត្រូវទទួលទានផ្អែមពេក និងផឹកគ្រឿងស្រវឹង៖ </strong> មុនពេលធ្វើដំណើរតាមរថយន្តផ្សេងៗ មិនត្រូវទទួលទានផ្អែមពេកទេ អាចទទួលទានផ្អែមត្រឹមតែ ៧០ ទៅ ៩០ភាគរយបានហើយ ជាពិសេសមិនត្រូវទទួលទានអាហារសាច់ច្រើនពេក ព្រោះវាអាចធ្វើឲ្យក្អួតចេញមកវិញ។ ម្យ៉ាងទៀតមុននិងចេញដំណើរ ការមិនទទួលទានអ្វីសោះ ហើយផឹកគ្រឿងស្រវឹងនោះ និងងាយធ្វើឲ្យលោកអ្នកមានអាការៈពុលរថយន្តដែរ។</span></p>
<p><span style="color: #000000;"><strong>៥ </strong><strong>–</strong><strong>ផឹកតែចាស់</strong> ៖ មុនពេលឡើងជិះរថយន្ត កាណូតឬ នាវា គួរផឹកតែធុងឲ្យចាស់ពី១ ទៅ២ ពែង ធ្វើយ៉ាងនេះមិនគ្រាន់តែឲ្យអ្នកមិនងងុយគេងប៉ុណ្ណោះទេ ថែមទាំងដាស់អារម្មណ៍ ភ្លឺថ្លាទៀតផង ដែលធ្វើឲ្យការធ្វើដំណើររបស់អ្នកមិនមានអាការវិលមុខ និងក្អួតចង្អោរ។</span></p>
<p><span style="color: #000000;"><strong>៦ </strong><strong>–</strong><strong>ទទួលទានខ្ញីស្រស់បន្តិច៖</strong> មុនពេលឡើងជិះរថយន្ត ប្រសិនបើលោកអ្នកទទួលទានខ្ញីបន្តិច ឬ ដាក់តាមខ្លួន ២-៣បន្ទះ ហើយនៅពេលមានអារម្មណ៍ថា មានអាការឈឺក្បាល ត្រូវបៀមវាមួយបន្ទះ។ ម្យ៉ាងទៀតលោកអ្នកអាចយកបន្ទះខ្ញីស្រស់មកហិតឲ្យបានញឹកញាប់ ព្រោះវាអាចជួយឲ្យការដកដង្ហើមចេញចូលបានស្រួល។ ក្រៅពីនេះគេក៏អាចប្រើវិធីសាមញ្ញមួយផ្សេងទៀត គឺហាន់ខ្ញីស្រស់មួយបន្ទះតូច យកទៅដាក់ចំកណ្តាលបាទដៃហើយបិតស្កុតដំបៅពីលើ ដោយបុរសបាទដៃឆ្វេង និង ស្ត្រីបិតបាទដៃស្តាំ។</span></p>
<p><span style="color: #000000;"><strong>៧</strong><strong>–</strong><strong>លាបប្រេងខ្យល់ ប្រេងកូឡា ឬ ថ្នាំដុសធ្មេញ៖</strong> ពេលជិះរថយន្ត កាណូតឬ កាប៉ាល់ បើមានអាការៈធេងធោងខ្លាំង ឈឺក្បាល វិលមុខរកក្អួតចង្អោរ ត្រូវប្រញាប់ប្រញាល់លាបប្រេងខ្យល់ ប្រេងកូឡាឬ ថ្នាំដុសធ្មេញ នៅត្រងសៀតផ្កាទាំងសងខាង និង លាបនៅក្រោមរន្ឋច្រមុះឈ្លីចុះឡើង ហើយមួយសន្ទះក្រោយមកនឹងស្វាងឡើងវិញ។</span></p>
<p><span style="color: #000000;"><strong>៨</strong><strong>–</strong><strong> បៀមសម្បកក្រូចស្រស់៖</strong> លោកអ្នកគួរសាកល្បងវិធីដ៏សាមញ្ញមួយបែបទៀត គឺនៅពេលដែលមានអារម្មណ៍ថា ចងពុលរថយន្តអាចបៀមសម្បកក្រូចឃ្វិច ឬ ក្រូចពោធ៏សាត់មួយចំណិតតូច វានិងឲ្យអារម្មណ៍ស្រល់ស្រាយភ្លាមៗជាមិនខាន់។ ម្យ៉ាងទៀតគេក៏អាចច្របាច់សម្បកក្រូចដាក់ស្បែកក៏ធ្វើការដកដង្ហើមបានស្រួល និងមានអារម្មណ៍ ស្រស់ស្រាយដែរ។<strong><br /></strong></span></p>
<p><span style="color: #000000;"><strong>៩ </strong><strong>–</strong><strong>បង្ការហ៊ឹងត្រចៀកពេលជិះយន្តហោះ </strong>៖ អ្នកជិះយន្តហោះនៅពេលយន្តហោះហោះឡើង និង ចុះម្តងៗ ធ្វើឲ្យហ៊ឹងត្រចៀក តើត្រូវធ្វើយ៉ាងណា? លោកអ្នកអាចច្របាច់ច្រមុះទាំងពីរ និង បិតមាត់ឲ្យជិតហើយចាប់ផ្តើមបំប៉ោងមាត់។ ធ្វើដូចនេះលោកអ្នកអាចនិងមានអារម្មណ៍ថា ធូរហ៊ឹងនៅក្នុងត្រចៀកទាំងសងខាងបញ្ចញទៅក្រៅអស់ ធ្វើឲ្យលោកអ្នកបានស្រួលខ្លួនដូចធម្មតាវិញ។</span></p>
<p><span style="color: #000000;"><strong>១០ </strong><strong>–</strong><strong>ទទួលទានអាហារដែរមិនធ្វើទុក្ខក្រពះ៖ </strong>ធ្វើដំណើរលើរថយន្តផ្សេងៗគប្បីទទួលទានផ្លែអូលីវឬ ក្រូចឆ្មារ បៀម ឬ ទំពាស្វាយខ្ចី ស្ករហឺរ ស្ករជូអែមឬ ទទួលទាននំប្រៃ ដែលជាប្រភេទនំក្រៀម ដើម្បីជួយពង្រាវទឹកក្រពះ ។ ផឹក ភេសជ្ជៈមានហា្គសខ្លះ ឬ ទឹកភេសជ្ជៈមានជាតិកាបូណាតដទៃទៀត ធានាថាមិនមានអាការពុលរថយន្ត ឬ ពុល រលកឡើយ៕</span></p>
<p><a class="thickbox" title="" href="/FileManager/Commons/2016/12/17/10b-17-12-2016--09-24-47.jpg"><img src="/FileManager/Articles/mce/2016/12/17/10b-17-12-2016--09-24-47.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>