<p>ក្រុមអ្នកជំនាញការសន្តិសុខអវកាសរបស់អឺរ៉ុប អះអាងថា រុស្ស៊ី កំពុងសាកល្បងផ្កាយរណបមួយ<br />ដែលមានលទ្ធភាពស្វែងរក និងកំទេចបណ្ដាផ្កាយរណបដទៃនៅលើលំហអាកាស។</p>
<p style="text-align: center;"><a class="thickbox" title="" href="/FileManager/Commons/2014/11/21/rusia-21-11-2014--11-30-20.jpg"><img src="/FileManager/Articles/mce/2014/11/21/rusia-21-11-2014--11-30-20.jpg" alt="" /></a></p>
<p style="text-align: center;">ប្រធានាធិបតី រុស្ស៊ី លោក Vladimir Putin ទស្សនកិច្ចក្រុមហ៊ុនផលិតផ្កាយរណប Reshetnev <br />Satellite Information Systems នៅ Zheleznogorsk<br /><br /></p>
<p>កាសែត Financial Times ឱ្យដឹងថា បច្ចុប្បន្ន យោធាអាមេរិក ទីភ្នាក់ងារអវកាសអឺរ៉ុប និងក្រុមអ្នក<br />ជំនាញការផ្នែកផ្កាយរណបជាច្រើនទៀត កំពុងតាមដានយ៉ាងយកចិត្តទុកដាក់ ទៅលើរាល់សកម្មភាពរបស់ផ្កាយរណបអាថ៌កំបាំងដែលមានរហ័សនាមថា 2014-28E ត្រូវបានប្រទេសរុស្ស៊ី បាញ់<br />បង្ហោះដោយស្ងាត់ៗ កាលពីខែឧសភា។</p>
<p>ចាប់តាំងពីខែសីហា ដល់ខែតុលា 2014-28E បានបម្លាស់ទីទៅតាមគន្លងគោចរដ៏ចម្លែក។ រហូតដល់ក្រុមជំនាញការអន្តរជាតិផ្នែកផ្កាយរណប ចាប់ផ្ដើមតាមដាន ទើបក្រសួងការពារជាតិរបស់<br /> រុស្ស៊ីទទួលស្គាល់ និងចុះឈ្មោះផ្កាយរណបនេះ ដោយដាក់ឈ្មោះថា Kosmos-2499 ។</p>
<p style="text-align: center;"><a class="thickbox" title="" href="/FileManager/Commons/2014/11/21/rusia1-21-11-2014--11-36-31.JPG"><img src="/FileManager/Articles/mce/2014/11/21/rusia1-21-11-2014--11-36-31.JPG" alt="" /></a></p>
<p style="text-align: center;">ផ្កាយរណប 2014-28E របស់រុស្ស៊ី ហោះហើរលើគន្លងគោចរដ៏ចម្លែក</p>
<p style="text-align: center;"> </p>
<p>កាលពីសប្ដាហ៍កន្លង 2014-28E ចាប់ផ្ដើមហោះមកក្បែរផ្កាយរណបមួយផ្សេងទៀត នៅលើគន្លង<br />គោចរ។ អ្នកជំនាញការសន្តិសុខអវកាស Patricia Lewis នៃអង្គភាព Chatham House ឱ្យដឹងថា <br />“2014-28E គឺជាផ្កាយរណបសាកល្បង។ វាអាចមានមុខងារជាច្រើន ទាំងស៊ីវិល ទាំងយោធា។ វា<br />ក៏អាចនឹងមានមុខងារពិសេសមួយទៀត គឺវាយប្រហារទៅលើបណ្ដាផ្កាយរណបផ្សេងៗ”។</p>
<p>Moscow Times ដកស្រង់សម្ដីរបស់បណ្ឌិត James Oberg អតីតវិស្វកររបស់ទីភ្នាក់ងារអវកាស<br />អាមេរិក ថ្លែងថា បណ្ដាផ្កាយរណបតូចៗ មានការបម្លាស់ទីលឿន តែងតែមានមុខងារច្រើន ចាប់<br />ពីផ្គត់ផ្គង់ ជួសជុល រហូតដល់មុខងារត្រួតពិនិត្យ និងវាយប្រហារ។</p>
<p style="text-align: center;"><a class="thickbox" title="" href="/FileManager/Commons/2014/11/21/rusia2-21-11-2014--11-32-21.jpg"><img src="/FileManager/Articles/mce/2014/11/21/rusia2-21-11-2014--11-32-21.jpg" alt="" /></a></p>
<p style="text-align: center;">ការរត់ប្រណាំងផ្នែកផ្កាយរណប ៖ រុស្ស៊ី ជាប្រទេសដំបូងគេដែលបានបាញ់បង្ហោះផ្កាយរណប<br />ឡើងលំហអាកាស ដោយចាប់ផ្ដើមដោយ Sputnik 1</p>
<p style="text-align: center;"> </p>
<p>James Oberg បន្តថា ៖ “ការដែលរុស្ស៊ី សាកល្បងផ្កាយរណបដោយមិនមានការប្រកាសជាសាធា<br />រណៈនេះ បង្ហាញថា ពួកគេមិនមានគោលដៅសន្តិភាពនោះទេ”។</p>
<p>តាមជាក់ស្ដែង បច្ចេកវិទ្យាពិឃាត ត្រូវបានគេអភិវឌ្ឍ តាំងពីទសវត្ស ឆ្នាំ ១៩៥០។ ដើមទសវត្ស ឆ្នាំ<br /> ១៩៦០ រុស្ស៊ី បានអនុវត្តគម្រោង Istrebitel Sputnik (ផ្កាយរណបពិឃាត) ដើម្បីផលិតផ្កាយរណបដែលមានសមត្ថភាពវាយប្រហារបណ្ដាផ្កាយរណបដទៃ។</p>
<p style="text-align: center;"><a class="thickbox" title="" href="/FileManager/Commons/2014/11/21/rusia3-21-11-2014--11-39-02.jpg"><img src="/FileManager/Articles/mce/2014/11/21/rusia3-21-11-2014--11-39-02.jpg" alt="" /></a></p>
<p style="text-align: center;">រុស្ស៊ី មានគម្រោងអវកាសប្រកបដោយមហិច្ឆិតា ក្នុងនោះ ប្រទេសនេះ មានផ្កាយរណបជាច្រើន<br /> ក្នុងប្រព័ន្ធព្រះអាទិត្យ ហើយធ្លាប់បានបញ្ជូនយានអវកាសមួយ ទៅកាន់ព្រះចន្ទ កាលពីឆ្នាំ<br /> ២០១៥</p>
<p style="text-align: center;"><a class="thickbox" title="" href="/FileManager/Commons/2014/11/21/rusia4-21-11-2014--11-49-45.jpg"><img src="/FileManager/Articles/mce/2014/11/21/rusia4-21-11-2014--11-49-45.jpg" alt="" /></a></p>
<p style="text-align: center;">ការបញ្ចេញផ្កាយរណបពិឃាតរបស់រុស្ស៊ី នឹងធ្វើឱ្យការរត់ប្រណាំងក្នុងការផលិតអាវុធអវកាស <br />កាន់តែមានកំដៅ<br /><br /></p>
<p>រុស្ស៊ីបានផ្អាកគម្រោង Istrebitel Sputnik តាំងពីយូរមកហើយ ប៉ុន្ដែ បណ្ដាប្រទេស ដូចជា អាមេរិក <br />និងចិន គឺសុទ្ធតែធ្លាប់បានសាកល្បងបណ្ដាផ្កាយរណបពិឃាតដូចគ្នានេះ។ យ៉ាងនេះក្ដី វាគ្រាន់<br />តែត្រូវបានគេប្រើប្រាស់សម្រាប់កំទេចបណ្ដាផ្កាយរណបដែលអាចបង្កគ្រោះថ្នាក់ នៅពេលវាធ្លាក់<br />មកលើផែនដីតែប៉ុណ្ណោះ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Daily Mail<br /><br /></p>