<div>
<p><span style="color: #000000;"><strong>(កាណាដា)៖</strong> រូបភាពដ៏គួរឲ្យចាប់អារម្មណ៍មួយ ត្រូវបានបង្ហោះនៅលើប្រព័ន្ធអ៉ីនធឺណេត ដែលបង្ហាញពីបុរសម្នាក់ ឈ្មោះ Eduard Paraschivescu ត្រូវមិត្តភក្តិរួមការងារ ជាច្រើននាក់ លួចថតជាមួយគាត់ ខណៈដែលបុរសរូបនេះ កំពុងលង់លក់ក្នុងដំណេក ប្រមាណ ២០នាទី ក្នុងម៉ោងបំពេញការងារ បានធ្វើឲ្យមានការភ្ញាក់ផ្អើលជាខ្លាំង។</span></p>
<p><span style="color: #000000;">Paraschivescu ទើបតែមកហ្វឹកហាត់ការងារ នៅក្នុងក្រុមហ៊ុន software មួយឈ្មោះ GSoft បានពីរថ្ងៃប៉ុណ្ណោះ ហើយនៅថ្ងៃទីពីរ កំឡុងពេលបំពេញការងារ គាត់ក៏ដេកលក់មួយស្របក់ធំ ធ្វើឲ្យមិត្តភក្តិដែលធ្វើការជាមួ យឃើញដូច្នោះ នាំគ្នាលួចថតរូបជាមួយទុកជាអនុស្សាវរីយ៍ ក្រោមទឹកមុខដ៏រីករាយទៀតផង។</span></p>
<p><span style="color: #000000;">Paraschivescu និយាយថា គាត់កើតរោគខ្វះឈាមក្រហម ហើយតែងមានអារម្មណ៍ហត់នឿយច្រើន ទើបដេកលក់មួយសន្ទុះហើយភ្ញាក់ឡើង ឃើញគេលួចថតបែបនេះ ធ្វើឲ្យគាត់អស់សំណើច ដោយការហួសចិត្តជាខ្លាំង ហើយហេតុការណ៍នេះ មិនបានធ្វើឲ្យគាត់ត្រូវបណ្តេញចេញពីការងារទេ គ្រាន់តែគាត់នឹងព្យាយាមធ្វើអ្វីមួយ មិនឲ្យងងុយដេកក្នុងម៉ោងការងារទៀតឡើយ។ Paraschivescu បានបង្ហោះរូបភាព ដែលមិត្តលួចថតជាមួយពេលដេកលក់នេះ នៅលើបណ្តាញសង្គមហើយក៏មាន អ្នកចូលទស្សនាច្រើនគួរសមដែរ៕</span></p>
<p style="text-align: center;"><span style="color: #000000;"><img src="http://s15.postimg.org/fa5ezi9wr/company_photo.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>