<p><span style="color: #000000;"><strong>(រ៉ូម៉ានី)៖</strong> សមាជិកសភានៅប្រទេសរ៉ូម៉ានីម្នាក់ ត្រូវបានរងការចោទប្រកាន់ពីបទសូកប៉ាន់ បន្ទាប់ពីត្រូវចាប់បានថា លោកផ្តល់មាន់បំពងដែលមានតម្លៃរាប់ពាន់ ផោនទៅដល់ប្រជាជន ដើម្បីអូសទាញសន្លឹកឆ្នោត ។</span></p>
<p><span style="color: #000000;">ពេលនេះលោក Florin Aurelian Popescu សមាជិកសភាមកពីគណបក្សប្រជាធិបតេយ្យសេរីនិយម បានលាលែងពីមុខតំណែងហើយ ក្រោយពីលោករងការចោទប្រកាន់ថា បានកុំម្ម៉ង់សាច់មាន់បំពងជាច្រើនពីភោជនីយដ្ឋានមួយ ដែលចំណាយប្រាក់ដ៏ច្រើនសន្ធឹកសន្ធាប់ ១៣០,០០០ផោន ប្រហែលនឹង ១០០,០០០ដុល្លារ ដើម្បីផ្តល់ជាអាហារចែកប្រជាជនណាដែលយល់ព្រមបោះឆ្នោតឲ្យគាត់ ។</span></p>
<p><span style="color: #000000;">ការចែកសាច់មាន់បំពងដល់ប្រជាជននេះត្រូវបានគេជឿថា ធ្វើឡើងក្នុងបំណងអូសទាញយកសន្លឹកឆ្នោតពីពួកគេដើម្បី Popescu ទទួលបានកៅអីក្នុងសភា ប៉ុន្តែករណីនេះបានចូលដល់តុលាការហើយ បន្ទាប់ពីមានភស្តុតាងគ្រប់គ្រាន់តុលាការបានកាត់ទោសសមាជិកសភារូបនេះ ឲ្យជាប់ពន្ធនាគាររយៈពេល២ឆ្នាំពីបទសូកប៉ាន់ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/20/14-20-03-2016--12-35-35.jpg"><img src="/FileManager/Articles/mce/2016/3/20/14-20-03-2016--12-35-35.jpg" alt="" /></a><br /></span></p>
<p><br /><br /></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>