<p>ពីរដ្ឋធានីវ៉ាស៊ីនតោន ៖ បើតាមការអោយដឹងពីគេហទំព័រសារព័ត៌មានបរទេស អាស៊ីវ័ន ដែល<br />ទើបតែបានចេញផ្សាយ កាលពីវេលាមុននេះ បានបញ្ជាក់អោយដឹងថា សារធាតុពុលដែល<br />អាចសម្លាប់ជីវិតមនុស្សបានយ៉ាងងាយ ត្រូវបានរកឃើញនៅក្នុងសំបុត្រមួយច្បាប់ ដែលផ្ញើ<br />ទៅកាន់ការិយាល័យព្រឹទ្ធសភា សហរដ្ឋអាមេរិក ។</p>
<p>គួរបញ្ជាក់ផងដែរថា ក៏មានការតាមដានស៊ើបអង្កេតក៏ដូចជាទប់ស្កាត់សំបុត្រមួយច្បាប់នោះ<br />មិនអោយវាយលុកដល់ ការិយាល័យព្រឹទ្ធសភានោះទេ ស្របពេលដែលមកទល់នឹងពេល<br />មន្រ្តីផ្លូវការមកពីការិយាល័យព្រឹទ្ធសភាមួយនេះ លោក Harry Reid ក៏កំពុងតែពិភាក្សាពី<br />សន្តិសុខសុវត្តិភាព ជាមួយនឹងមន្រ្តីពង្រៀងច្បាប់ឯទៀត។</p>
<p><a class="thickbox" title="" href="/FileManager/Commons/2013/4/17/20130417094903usmail-afp-17-04-2013--10-35-31.jpg"><img src="/FileManager/Articles/mce/2013/4/17/20130417094903usmail-afp-17-04-2013--10-35-31.jpg" alt="" width="449" height="291" /></a></p>
<p>លើសពីនេះទៅទៀត បើយោងតាមប្រភពសារព័ត៌មានដដែល ក៏បានបញ្ជាក់បន្ថែមអោយ<br />ដឹងផងដែរថា លោក Robert Mueller មន្រ្តីនាំមុខមកពីអង្គភាពតាមដានស៊ើបអង្កេត FBI<br />ក៏កំពុងតែផ្តល់ជារបាយការណ៍ ទាក់ទិនទៅនឹងឧបទ្ទេវហេតុបំផ្ទុះគ្រាប់បែក កាលពីថ្ងៃអង្គារ<br />កន្លងទៅ នៅរដ្ឋ Boston ដែលបានសម្លាប់មនុស្ស ៣ នាក់ បន្ទាប់ពីមានការវាយប្រហារពីសំ<br />ណាក់ក្រុមភេរវជន។</p>
<p>ដោយឡែក មកទល់នឹងពេលនេះ ករណីរកឃើញសារធាតុពុលខាងលើ ក៏កំពុងតែស្តិតនៅ<br />ក្រោមការតាមដានស៊ើបអង្កេតនៅឡើយ ខណៈពេលដែលការប៉ាន់ស្មាន ក៏បានលើកឡើង<br />ផងដែរថា វាអាចជាសកម្មភាពវាយប្រហារតែមួយ របស់ក្រុមភេរវជន ដូចទៅនឹងការបំផ្ទុះ<br />គ្រាប់បែកឬក៏យ៉ាងណា? ៕</p>
<p style="text-align: right;">ដោយ ៖ រិទ្ធី<br />ប្រភព ៖ អាស៊ីវ័ន</p>