<p><span style="color: #000000;"><strong>(សេអ៊ូល)៖</strong> រដ្ឋាភិបាលកូរ៉េខាងត្បូង នៅថ្ងៃចន្ទនេះបានឲ្យដឹងថា ខ្លួនបាននឹងកំពុងពិភាក្សាក្នុងការដាក់ពង្រាយទ័ពបន្ថែមទៀត ដោយដាក់ឲ្យមានការហោះហើរ យន្តហោះទម្លាក់គ្រាប់បែក ប្រភេទ B-52 របស់សហរដ្ឋអាម៉េរិក ដើម្បីឆ្លើយតបទៅនឹងការធ្វើតេស្តសាកល្បង គ្រាប់បែកអ៊ីដ្រូសែន របស់កូរ៉េខាងជើង ។ នេះបើតាមព័ត៌មាន AFP ចេញផ្សាយនៅរសៀលថ្ងៃទី១១ ខែមករា ឆ្នាំ២០១៦នេះ។</span></p>
<p><span style="color: #000000;">រដ្ឋាភិបាលសេអ៊ូល ក៏បានប្រកាសឲ្យមានការរឹតបន្តឹងបន្ថែមទៀត លើចលនា នៃប្រជាពលរដ្ឋរបស់ខ្លួន ក្នុងការទៅធ្វើការនៅក្នុងសួនឧស្សាហកម្ម Kaesong ជាសួនឧស្សហកម្មរួមគ្នា រវាងប្រទេសកូរ៉េទាំងពីរ ដែលមានចម្ងាយប្រមាណ១គីឡូម៉ែត្រប៉ុណ្ណោះ ពីព្រំដែនចូលទៅកាន់ទឹកដីកូរ៉េខាងជើង។ កូរ៉េខាងត្បូង បានឈរលើជំហមិនយោគយល់អធ្យាស្រ័យ នៅក្នុងការសាកល្បងបំផ្ទុះគ្រាប់បែកអ៊ីដ្រូសែន កាលពីថ្ងៃពុធរបស់កូរ៉េខាងជើង ហើយបានជំរុញឲ្យ សហគមន៍អន្តរជាតិ ដាក់នូវទណ្ឌកម្មឃោរឃៅ ចំពោះរដ្ឋាភិបាលទីក្រុងព្យុងយ៉ាង។ </span><br /><span style="color: #000000;">ជាមួយនឹងការបង្ហាញភាពខ្លាំង នៅថ្ងៃអាទិត្យយន្តហោះចម្បាំង ប្រភេទ B-52 អមដោយយន្តហោះ ប្រភេទ F-15 របស់កូរ៉េខាងត្បូង និងយន្តហោះប្រភេទ F-16 របស់សហរដ្ឋអាម៉េរិក បានហោះនៅលើដែនអាកាស នៃមូលដ្ឋានទ័ពអាកាស Osan Air Base មានចម្ងាយប្រមាណ ៧០គីឡូម៉ែត្រ ភាគខាងត្បូង នៃព្រំដែនកូរ៉េទាំងពីរ៕</span></p>
<p><a class="thickbox" title="" href="/FileManager/Commons/2016/1/12/03-12-01-2016--15-46-53.jpg"><img src="/FileManager/Articles/mce/2016/1/12/03-12-01-2016--15-46-53.jpg" alt="" /></a></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>