<p><span style="color: #000000;"><strong>(ភ្នំពេញ)៖</strong> តារាសម្តែង និងជាប្រធានមូលនិធិ «កុមារសាវិនកម្ពុជា» ដ៏មានប្រជាប្រិយភាពលេចធ្លោ តាមរយៈសកម្មភាពមនុស្សធម៌ លោក សាវិន ហ្វីលីព កាលពីល្ងាចម្សិលមិញ បានជួបហេតុការណ៍គ្រោះថ្នាក់ គាំងបេះដូងដួលសន្លប់ នៅកន្លែងហាត់ប្រាណមួយកន្លែង ហើយត្រូវបានក្រុមគ្រួសារបញ្ជូនទៅសង្គ្រោះបន្ទាន់ នៅមន្ទីរពេទ្យកាល់ម៉ែត។ ប៉ុន្តែរហូតមកទល់ពេលនេះ ស្ថានភាពជំងឺរបស់លោក បានធូស្បើយខ្លះហើយ។</span></p>
<p><span style="color: #000000;">អ្នកនាង សែម ឆវី ត្រូវជាប្រពន្ធរបស់តារាសម្តែងលោក សាវិន ហ្វីលីព បានសរសេរបង្ហោះ នៅលើបណ្តាញសង្គមហ្វេសប៊ុក ភ្ជាប់ជាមួយរូបភាពជាច្រើនសន្លឹក ឲ្យដឹងថា« ស្វាមីខ្ញុំគាំងបេះដូង នៅកន្លែងហាត់ប្រាណ ហើយតាំងពីយប់មិញរហូតមកទល់ពេលនេះគាត់ កំពុងសម្រាកព្យាបាល នៅមន្ទីរពេទ្យកាល់ម៉ែត (ICU) សូមទេវតា ជួយតាមថែរក្សាគាត់ផង ព្រោះកូនខ្ញុំនៅតូចៗណាស់!»។</span></p>
<p><span style="color: #000000;">ប្រពន្ធលោក សាវិន ហ្វីលីព អ្នកនាង សែម ឆវី បានបញ្ជាក់ប្រាប់ Khmertalking បន្ថែមមុននេះបន្តិចថា« ស្វាមីខ្ញុំឆ្លងផុត ពីគ្រោះថ្នាក់ដល់ជីវិតហើយ។ សំពាធឈាមដែលបុកខ្លាំងដល់១៩ កាលពីយប់មិញ ចាប់ផ្តើមធ្លាក់ចុះ ហើយសូមអរគុណចំពោះ ការបារម្ភ របស់អ្នកទាំងអស់គ្នា!»។</span></p>
<p><span style="color: #000000;">យ៉ាងណាមិញ Khmertalking នៅព្រឹកថ្ងៃទី១៩ ខែសីហា ឆ្នាំ២០១៦នេះ មិនទាន់អាចទំនាក់ទំនង ដើម្បីសួរនាំបន្ថែមពីតារាប្រុសលោក សាវិន ហ្វីលីព ពីស្ថានភាពជំងឺនេះ បាននៅឡើយទេ ខណៈលេខទូរស័ព្ទលោកធ្លាប់ប្រើ ត្រូវបានបិទ។ ដូច្នេះKhmertalking នឹងបន្តតាមដានផ្សាយ ពីស្ថានភាពជំងឺ របស់លោក សាវិន ហ្វីលីព បន្តទៀត ប្រសិនបើមានអ្វីប្រែប្រួលប្លែក ទៀតនោះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/14031050_1085909261484835_53493844_n.jpg?oh=2ff214b8f6dcf6a19af5c2d03fedf98a&oe=57B97E19" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/14088994_1085909254818169_719838561_n.jpg?oh=c8005ba550f6bcee7eab2e5a1a0ef490&oe=57B97574" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/14088796_1085909264818168_809065782_n.jpg?oh=a1138800d4016e9c53dd35b1dafe4391&oe=57B9862F" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpf1/v/t34.0-12/14031189_1085909258151502_253218844_n.jpg?oh=09e0df2644e0f799ee98c1c14255974b&oe=57B87701&__gda__=1471721809_77d097153dbab367c115eaf6f95db767" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>