<p><span style="color: #000000;"><strong>(ឡុងដ៍)៖</strong> បណ្តាញសង្គម Twitter ដែលគាំទ្រពួក ISIS បានធ្វើការបង្ហោះសារមួយ គំរាមវាយប្រហារ អាកាសយានដ្ឋានអន្តរជាតិ Heathrow របស់ទីក្រុងឡុងដ៍, អាកាយានដ្ឋានឡូសអាន់ជែឡែស រដ្ឋកាលីហ្វរញ៉ា និង ព្រលានយន្តហោះ Kennedy នៃទីក្រុងញូយ៉ក នៅអំឡុងថ្ងៃទី០៤ ខែកក្កដា ខាងមុខ។ នេះបើតាមការចេញផ្សាយរបស់ Telegraph នៅព្រឹកថ្ងៃសៅរ៍ ទី០២ ខែកក្កដា ឆ្នាំ២០១៦។</span></p>
<p><span style="color: #000000;">វាជារឿងចំលែកតែក៏គួរយកចិត្តទុកដាក់ផងដែរ ខណៈបណ្តាញសង្គមខាងលើនេះ បានបង្ហាញពី គោលដៅនៃការវាយប្រហារ ពេលវេលា និង ជើងហោះហើរថែមទៀត។ ក្រុមគាំទ្រ ISIS បានអះអាង ថាពួកគេនឹងធ្វើការវាយប្រហារលើជើងហោះហើរពីព្រលានយន្តហោះ Heathrow ទៅសហរដ្ឋអាមេរិក ហើយគ្រាប់បែកនឹងអាចដាក់នៅលើយន្តហោះ ក្នុងព្រលាន Heathrow, LAX ឬ ក៏ព្រលាន JFK។</span></p>
<p><span style="color: #000000;">ទោះបីជាមានការគំរាមក្តី គេនៅមិនទាន់ទទួលបានការបញ្ជាក់ណាមួយពីអាជ្ញាធរ ថានឹងមានការចេញ ការប្រកាសអាសន្ននោះទេ។ ប៉ុន្តែការវាយប្រហារព្រលានយន្តហោះទីក្រុង អ៊ីស្តង់ប៊ុល កាលពីប៉ុន្មានថ្ងៃ មុននេះ ទំនងជានឹងធ្វើឲ្យគ្រប់គ្នាប្រយ័ត្នប្រយែងមិនស្ទើរដែរ៕</span></p>
<p><span style="color: #000000;"><img src="http://www.telegraph.co.uk/content/dam/news/2016/03/30/isil_3015409b-large_trans++pJliwavx4coWFCaEkEsb3kvxIt-lGGWCWqwLa_RXJU8.jpg" alt="" width="730" /></span></p>
<p style="text-align: right;"><span style="color: #000000;">ប្រភព ៖ Telegraph </span></p>
<p style="text-align: right;"><span style="color: #000000;">ផ្តល់សិទ្ធដោយ៖ ហ្វ្រេសញូវអាស៊ី</span></p>