<p><span style="color: #000000;"><strong>(កង់បេរ៉ា)៖</strong> ជុំវិញព័ត៌មានដែលនាំឲ្យពិភពលោកមានការភ្ញាក់ផ្អើល ចំពោះស្ត្រីមួយរូបវ័យ ៤៦ឆ្នាំ ដែលត្រូវបានសត្វក្រពើខាំនាំយកទៅ អំឡុងពេលស្ត្រីរូបនោះកំពុងតែហែលទឹកបឹងលេងនាម៉ោង ១០៖៣០ យប់ នៅភាគខាងជើងរដ្ឋ Queensland នោះ សមាជិកសភាម្នាក់របស់អូស្ត្រាលីបានហៅហេតុការណ៍ នោះថា «ជាភាពភ្លីភ្លើ របស់មនុស្សខ្លួនឯង» ដែលទៅមុជទឹកក្នុងស្ថានភាពបែបនោះ។ នេះបើតាម ការចេញផ្សាយមុននេះបន្តិច ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃចន្ទ ទី៣០ ខែឧសភា ឆ្នាំ២០១៦។</span></p>
<p><span style="color: #000000;">លោក Warren Entsch សមាជិកសភាមកពីរដ្ឋ Queensland បានថ្លែងនៅថ្ងៃចន្ទ នេះថា «អ្នក មិនអាចកាត់ទោសទៅលើភាពភ្លីភ្លើរបស់មនុស្សបាននោះទេ។ នេះជាសោកនាដកម្មពិតមែន ប៉ុន្តែវា អាចចៀសវាងបាន។ នៅទីនោះមានសញ្ញាបញ្ជាក់ប្រាប់ពីគ្រោះថ្នាក់ ច្រើនចំណុចណាស់»។</span></p>
<p><span style="color: #000000;">គួរបញ្ជាក់ថា ការលើកឡើងរបស់សមាជិកសភាអូស្ត្រាលីខាងលើនេះ បានកើតឡើងបន្ទាប់ពី ក្រពើមួយ ក្បាលបានវាយប្រហារមកលើស្ត្រីវ័យ ៤៦ឆ្នាំម្នាក់ ដែលបានទៅមុជទឹកបឹងមួយដ៏ជ្រៅនៅតំបន់ភាគ ខាងជើងនៃរដ្ឋ Queensland អំឡុងម៉ោង ១០៖៣០នាទីយប់។ អ្នកដែលបានទៅជាមួយស្ត្រីរូបនោះដែរ គឺជាមិត្តម្នាក់។ ប្រជាជនក្នុងតំបន់ក៏មានការព្រួយបារម្ភដែរថា ប្រសិនបើនៅតែកើតមានការវាយប្រហារ ដោយសត្វក្រពើនេះទៀត តំបន់រម្មនីយដ្ឋាននឹងទទួលរងការខាតបង់ផ្នែកសេដ្ឋកិច្ចជាមិនខាន៕</span></p>
<p><a class="thickbox" title="" href="/FileManager/Commons/2016/5/30/17-30-05-2016--14-22-35.jpg"><img src="/FileManager/Articles/mce/2016/5/30/17-30-05-2016--14-22-35.jpg" alt="" /></a><br /><br /></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>