<p><span style="color: #000000;"><strong>(ហ្គាណា)៖</strong> ប៉ូលីសនៅហ្គាណា បានចាប់ខ្លួន បុរសម្នាក់ដោយចោទប្រកាន់ពីបទបង្ករបួសស្នាម បន្ទាប់ពីជននោះ កាត់ស្លឹកត្រចៀកប្រពន្ធ ព្រោះតែខឹងនាងចោទខ្លួនថា មានសម្ព័ន្ធភាពផ្លូវភេទជាមួយ កូនស្រីបង្កើត។</span></p>
<p><span style="color: #000000;">ជនសង្ស័យអាយុ៤០ឆ្នាំ ឈ្មោះ Amoah Konadu ត្រូវចាប់ខ្លួន ក្រោយពីបង្កហិង្សាដាក់ប្រពន្ធ ដោយប្រើកាំបិតកាត់ ស្លឹកត្រចៀកខាងស្តាំ របស់ស្ត្រីជាប្រពន្ធ នៅពេលដែលនាងរករឿង ឈ្លោះប្រកែកគ្នា ដោយស្ត្រីរងគ្រោះ និយាយថា នាងចាប់បានថាប្តីកំហូចនេះ លួចមានសិចជាមួយ កូនស្រីខ្លួនឯង។</span></p>
<p><span style="color: #000000;">ស្ត្រីរងគ្រោះនិយាយថា នាងតាមទាន់នេះ មិនមែនជាលើកទី១ឡើយ ទើបនាងខឹង និងរករឿងឈ្លោះគ្នាបែបនេះ ព្រោះកាលពីដំបូង ដែលនាងចាប់បានប្តីលួចឆីកូនឯង គឺគេសន្យាឈប់ធ្វើដូច្នេះទៀតហើយ នាងក៏មិនរករឿង ដើម្បីក្តីសុខក្នុងគ្រួសារ តែក្រោយមករឿងដដែលនេះ នៅ តែកើតមានទៀត ទើបនាងទ្រាំលែងបាន ក៏សួរនាំប្តីធ្វើឲ្យគេផ្ទុះកំហឹង ក៏ទាញកាំបិតកាត់ស្លឹកត្រចៀកនាង ម្ខាងតែម្តង។ ពេលនេះក្រុមគ្រូពេទ្យ បានតភ្ជាប់ស្លឹកត្រចៀក ឲ្យស្ត្រីរងគ្រោះវិញបានហើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/22/17-22-04-2016--14-10-59.jpg"><img src="/FileManager/Articles/mce/2016/4/22/17-22-04-2016--14-10-59.jpg" alt="" /></a><br /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>