<p><strong>ព័ត៌មានអន្តរជាតិ ៖</strong> បើយោងតាមសេចក្តីរាយការណ៍ព័ត៌មាន ដែលបានចេញផ្សាយដោយ<br />គេហទំព័របរទេស CNN បានអោយដឹងថា នៅឯម៉ិចសិកឯណោះវិញ មាន់ច្រើនជាង ១លាន<br />ក្បាល ត្រូវបានសម្លាប់ចោល បន្ទាប់ពីបានរកអោយឃើញថា បានផ្ទុកនូវមេរោគផ្តាសាយ<br />បក្សី (H7N3) ។</p>
<p>គួរបញ្ជាក់ផងដែរថា មាន់ទាំងអស់នោះ ត្រូវបាននាំយកមកពីកសិដ្ឋានទាំង ១៨ ដែលមាន<br />ទីតាំងនៅភាគកណ្តាលប្រទេស ពោលគឺយកមកពីរដ្ឋ Guanajuato នេះបើតាមការអោយ<br />ដឹងពីមន្រ្តីផ្លូវការមកពីក្រសួងកសិកម្មម៉ិចសិក។</p>
<p><a class="thickbox" title="" href="/FileManager/Commons/2013/2/28/130227174801-mexico-bird-flu-chicken-story-top-28-02-2013--11-48-41.jpg"><img src="/FileManager/Articles/mce/2013/2/28/130227174801-mexico-bird-flu-chicken-story-top-28-02-2013--11-48-41.jpg" alt="" width="467" height="261" /></a></p>
<p>លើសពីនេះទៅទៀត ប្រភពដដែលបន្ថែមថាក្នុងចំណោមមាន់ច្រើនជាង ១ លានក្បាលដែល<br />ត្រូវបានយកទៅសម្លាប់ចោលនោះ រួមមានមាន់ចិញ្ចឹមយកស៊ុតចំនួន៥១៩,០០០ ក្បាល មាន់<br />ចិញ្ចឹមបង្កាត់ពូជ ៧២២,២៦៥ ក្បាល និងមាន់ចិញ្ចឹមយកសាច់ ចំនួន ៩០០,០០០ ក្បាល។</p>
<p>គួរបញ្ជាក់ផងដែរថា មន្រ្តីក្រសួងកសិកម្មប្រទេសនេះបន្ថែមថា មាន់ជិត ២ លានក្បាលត្រូវ<br />បានទទួលការចាក់វាក់សាំងការពាររោគឆ្លង ចាប់តាំងពីជម្ងឺរាតត្បាតមួយនេះ បានវាយលុក<br />កាលពីដើមខែនេះ ហើយក៏មានគម្រោងចាក់វាក់សាំងការពាររោគឆ្លងនេះ ទៅកាន់មាន់ចំ<br />នួនជាង ១ លានក្បាលផ្សេងទៀតផងដែរ៕</p>
<p style="text-align: right;">ដោយ ៖ រិទ្ធី<br />ប្រភព ៖ CNN</p>