<p><span style="color: #000000;"><strong>(អង់គ្លេស)៖</strong> ហេតុការណ៍មិននឹកស្មានដល់មួយ បានកើតឡើង នៅអង់គ្លេស គឺបុរសម្នាក់ ដែលទើបនឹងក្លាយជាកូនកំលោះថ្មីថ្មោង បែរជាកើតអារម្មណ៍តក់ស្លុត យ៉ាងខ្លាំង នៅពេលដែលភរិយាទើបនឹងរៀបការរួច បានមួយយប់ ត្រូវបាត់បង់ជីវិត ដោយស្មានមិនដល់ បន្ទាប់ពីព្រឹកឡើងដាស់នាងមិនភ្ញាក់សោះ។</span></p>
<p><span style="color: #000000;">នារីរងគ្រោះ ឈ្មោះ Mariola Michalowski អាយុ៣៨ឆ្នាំ បានរៀបការជាមួយ Krzysztof Michalowski អាយុ៣២ ឆ្នាំហើយក្រោយពីរៀបការ បានមួយរាត្រីកូនក្រមុំថ្មោងថ្មី បែរជាស្លាប់លើបង្គង ដោយកូនកំលោះមិនដឹងថា នាងដាច់ខ្យល់តាំងពីពេលណាឡើយ ធ្វើឲ្យគេរន្ធត់ចិត្តខ្លាំងណាស់។</span></p>
<p><span style="color: #000000;">ក្រុមគ្រូពេទ្យ រកមិនឃើញពីមូលហេតុ នៃការស្លាប់របស់នារីរងគ្រោះឡើយ ប៉ុន្តែកន្លងមកគេដឹងថា នាងធ្លាប់កើតជំងឺស្កន់ជាន់ មិនដឹងថាជំងឺនាងរើឡើងវិញ ឬយ៉ាងណានោះទេ។ ប្តីប្រពន្ធទាំងពីរ មុនពេលសម្រេចចិត្តរៀបការ គឺពួកគេក៏មានកូនតូចៗពីរនាក់ដែរ ដោយពួកគេក៏បានដើរអម ជាមួយឪពុកម្តាយក្នុងថ្ងៃដ៏វិសេសនេះ តែចុងក្រោយកូនៗ បែរជាត្រូវកំព្រាម្តាយ ទៅវិញ។ Michalowski បានយកសាកសពភរិយា ទៅបញ្ចុះដោយក្តីអាឡោះអាល័យបំផុត ព្រោះតែមិនស្មានថា កើតរឿងអកុសលដូច្នេះឡើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/24/17b-24-05-2016--11-23-42.jpg"><img src="/FileManager/Articles/mce/2016/5/24/17b-24-05-2016--11-23-42.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>