<p><span style="color: #000000;"><strong>(តាកែវ)៖</strong> លោក សុខ ទូច អ្នកវិភាគនយោបាយនៅកម្ពុជា និងជាសាកលវិទ្យាធិការ នៃសាកលវិទ្យាល័យខេមរៈ នៅថ្ងៃទី២៥ ខែកក្កដា ឆ្នាំ២០១៦ បានចូលរួមក្នុងពិធីបញ្ចុះសព លោក កែម ឡី នៅខេត្តតាកែវ ក្រោយខកខានមិនបាន ទៅចូលរួមពិធិបុណ្យសពនៅវត្តចាស់កន្លងមក។ ការខកខាន មិនបានចូលរួមក្នុងពិធីបុណ្យសព លោក កែម ឡី ពេលកន្លងមកនោះ ត្រូវបានលោកអះអាងថា មានអ្នកកាងសពនៅទីនោះ។</span></p>
<p><span style="color: #000000;">នៅព្រឹកនេះ លោក សុខ ទូច បានធ្វើដំណើរទៅដល់គេហដ្ឋានរបស់ លោក កែម ឡី នៅស្រុកកំណើត ស្ថិតនៅភូមិត្រាំកក់ ខេត្តតាកែវ ដែលជាទីកំណើត និងជាកន្លែងបញ្ចុះសព លោក កែម ឡី។ ខណៈ លោក សុខ ទូច ចូលរួមនៅក្នុងពិធីបញ្ចុះសព នៅខេត្តតាកែវ លោកក៏បាន អុចធូបគោរពវិញ្ញាណក្ខន្ធ លោក បណ្ឌិត កែម ឡី នៅព្រឹកថ្ងៃដដែលផងដែរ។</span></p>
<p><span style="color: #000000;">កាលពីពេលថ្មីៗនេះ លោកបណ្ឌិត សុខ ទូច បានបញ្ជាក់ថា លោកបានទទួលដំណឹងមុន អំពីការប៉ុនប៉ងធ្វើបាបលោកជាថ្មីម្តងទៀត បើសិនជាហ៊ានទៅចូលរួមបុណ្យសព លោកបណ្ឌិត កែម ឡី នៅវត្តចាស់ សង្កាត់ជ្រោយចង្វា ខណ្ឌជ្រោយចង្វា។ ដំណឹងនេះបានធ្វើឱ្យ លោក សុខ ទូច សម្រេចចិត្តថា មិនទៅចូលរួមបុណ្យសព លោកបណ្ឌិត កែម ឡី ដែលមិត្តភ័ក្រ្តស្និទ្ធស្នាលរបស់ លោកនោះទេ ដោយសារបារម្ភអំពីសុវត្ថិភាពផ្ទាល់ខ្លួន។</span></p>
<p><span style="color: #000000;">លោក សុខ ទូច និង លោក កែម ឡី អាចនិយាយបានថា ជាដៃគូវិភាគបញ្ហាសង្គម និងនយោបាយដូចគ្នា៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-25-14-57-21-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-25-14-57-21-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-25-14-57-24-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>