<p>ការសិក្សាស្រាវជ្រាវថ្មីៗនេះ បង្ហាញថា អ្នកដែលបានលប់ចោលទំនាក់ទំនងជាមួយអ្នកណាម្នាក់<br />នៅលើ Facebook (unfriend) តែងតែទទួលផលមិនល្អ ដែលកើតចេញពីទង្វើនេះ។</p>
<p>ក្រុមអ្នកស្រាវជ្រាវឱ្យដឹងថា មនុស្សចំនួន ៤០% បានអះអាងថា ពួកគេនឹងមិនចង់ជួបមុខ អ្នកដែល<br />បានលុបចោលទំនាក់ទំនងរបស់ពួកគេ នៅលើបណ្ដាញសង្គម Facebook ។ ការស្រាវជ្រាវនេះក៏<br />បានបង្ហាញថា ស្ដ្រីមានកម្រិតគេចមុខពីអ្នកលប់ចោលទំនាក់ទំនង ច្រើនជាងបុរស។</p>
<p style="text-align: center;"><a class="thickbox" title="" href="/FileManager/Commons/2014/11/25/un-25-11-2014--10-21-32.jpg"><img src="/FileManager/Articles/mce/2014/11/25/un-25-11-2014--10-21-32.jpg" alt="" /></a></p>
<p style="text-align: center;">ការបញ្ចប់ផ្ដាច់ទំនាក់ទំនងអ្នកណាមួយលើ Facebook ប្រៀបដូចជាការទាត់អ្នកណាម្នាក់ ឱ្យធ្លាក់ទឹក<br /><br /></p>
<p>បណ្ឌិត Christopher Sibona ប្រធានក្រុមស្រាវជ្រាវនៅសកលវិទ្យាល័យពាពិជ្ជកម្ម Colorado <br />Denver ថ្លែងថា ៖ “អ្នករាល់គ្នាគិតថា បណ្ដាញសង្គមគឺគ្រាន់តែដើម្បីកែកំសាន្ត។ ប៉ុន្ដែ ជាក់ស្ដែង<br /> អ្វីដែលអ្នកបានធ្វើនៅលើបណ្ដាញសង្គម គឺតែងនាំមកនូវផលវិជ្ជាមាន ឬអវិជ្ជមាន សម្រាប់ជីវ<br />ភាពប្រចាំថ្ងៃ”។</p>
<p>មនុស្សជាច្រើន អាចនឹងមានអារម្មណ៍ថា ដូចត្រូវគេបោះបង់ ឬរងរបួសផ្លូវចិត្ត បន្ទាប់ពីត្រូវអ្នក<br />ណាម្នាក់ unfriend លើបណ្ដាញសង្គម។ បណ្ឌិត Christopher Sibona បន្តឱ្យដឹងថា “ប្រាក់ចំណាយ<br />សម្រាប់រក្សាទំនាក់ទំនងគ្នា នៅលើអ៊ីនធឺរណែត គឺមានតម្លៃទាប ប៉ុន្ដែ ក្នុងជីវិតជាក់ស្ដែង គេនឹង<br />ត្រូវចំណាយប្រាក់ច្រើន ដើម្បីបង្កើត និងរក្សាទំនាក់ទំនងដូចគ្នានេះ។ ព្រោះថា ក្នុងជីវិតជាក់ស្ដែង <br />អ្នកត្រូវធ្វើដំណើរទៅជួបគ្នា ហូបអាហារ ឬភេសជ្ជជាមួយគ្នា និងត្រូវចំណាយពេលជជែកគ្នា ដើម្បី<br />រក្សាទំនាក់ទំនង។ ចំណែកនៅលើអ៊ីនធឺរណែតវិញ សកម្មភាពទាំងនេះ មិនចាំបាច់ធ្វើឡើងនោះ<br />ទេ”។</p>
<p style="text-align: center;"><a class="thickbox" title="" href="/FileManager/Commons/2014/11/25/unn-25-11-2014--10-23-26.jpg"><img src="/FileManager/Articles/mce/2014/11/25/unn-25-11-2014--10-23-26.jpg" alt="" /></a></p>
<p style="text-align: center;">ការរក្សាទំនាក់ទំនងគ្នា ដោយបណ្ដាញសង្គម គឺចំណាយតិចជាងនៅខាងក្រៅ<br /><br /></p>
<p>ការសិក្សាស្រាវជ្រាវខាងលើនេះ ត្រូវបានគេធ្វើឡើង ទៅលើមនុស្សចំនួន ៥៨៣នាក់ ហើយបាន<br />ទទួលលទ្ធផលជារួមមួយបង្ហាញថា អ្នកប្រើប្រាស់ នឹងមិនចង់ជួបមុខ មនុស្សដែលបានផ្ដាច់<br />ទំនាក់ទំនងជាមួយពួកគេ នៅលើ Facebook ។ </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Today</p>