<p><span style="color: #000000; font-size: 12px;">ក្នុងកំឡុងពេលធ្វើដំណើរនៅក្នុងទីក្រុងតូក្យូ នាយករដ្ឋមន្ត្រី ហ៊ុន សែន បានមានប្រសាសន៍ថា ប្រទេសកម្ពុជានឹងស្នើប្រទេសជប៉ុន ឲ្យវិនិយោគ ៨០០ លានដុល្លារអាមេរិក លើ ប្រព័ន្ធ Skytrain សម្រាប់រាជធានីភ្នំពេញ។</span></p>
<p><span style="color: #000000;">នៅក្នុងហ្វេសប៊ុករបស់លោក ហ៊ុន សែន បាននិយាយថា skytrain នឹងភ្ជាប់ពីកណ្តាលទីក្រុងទៅកាន់ព្រលានយន្តហោះអន្តរជាតិ។</span></p>
<p class="story-body-text"><span style="color: #000000;">«ថ្មីៗនេះ មានអ្នកវិនិយោគជប៉ុនជាច្រើនចាប់អារម្មណ៍ ក្នុងការវិនិយោគក្នុងប្រទេសកម្ពុជា»។</span></p>
<p class="story-body-text"><span style="color: #000000;"><br /><a class="thickbox" title="" href="/FileManager/Commons/2017/8/7/2-07-08-2017--14-01-47.png"><img src="/FileManager/Articles/mce/2017/8/7/2-07-08-2017--14-01-47.png" alt="" /></a><br /></span></p>
<p class="story-body-text"><span style="color: #000000;">ក្នុងដំណើរទស្សនកិច្ចទៅកាន់ប្រទេសជប៉ុនរយៈពេលបីថ្ងៃ លោកបាននិយាយថា ប្រទេសកម្ពុជា និងជប៉ុន នឹងចុះហត្ថលេខាលើកិច្ចព្រមព្រៀងពីរផ្សេងទៀត ជាមួយនឹងលោកនាយករដ្ឋមន្ត្រី Shinzo Abe នាថ្ងៃច័ន្ទផងដែរ។</span></p>
<p class="story-body-text"><span style="color: #000000;">យោងតាម លោក ហ៊ុន សែន ពាណិជ្ជកម្មរវាងប្រទេសកម្ពុជា និងជប៉ុន ក្នុងឆ្នាំ ២០១៦ គឺ ១.៣ ពាន់លានដុល្លារអាមេរិក។</span></p>
<p class="story-body-text"><span style="color: #000000;">ទោះបីជាប្រទេសចិន បានគ្របដណ្តប់លើការវិនិយោគទុនក្នុងប្រទេសកម្ពុជា ក៏ប្រទេសជប៉ុននៅតែជាតួអង្គសំខាន់ និងជាអ្នកវិនិយោគធំទីបី ក្នុងប្រទេសកម្ពុជា។</span></p>
<p class="story-body-text"><span style="color: #000000;">ចាប់តាំងពីឆ្នាំ ១៩៩២ ប្រទេសជប៉ុនក៏បានក្លាយជាប្រទេសជំនួយដ៏ធំសម្រាប់កម្ពុជា ដោយការផ្តល់ប្រាក់ ២ ពាន់លានដុល្លារ សម្រាប់ជំនួយអភិវឌ្ឍន៍ផ្លូវការ។</span></p>
<p class="story-body-text"><span style="color: #000000;">ប្រទេសថៃ ដែលមានព្រំប្រទល់នឹងប្រទេសកម្ពុជា មាន skytrain ចំនួនបីខ្សែ និង underground នៅក្នុងទីក្រុងបាងកកផងដែរ៕</span></p>
<p class="story-body-text"><span style="color: #000000;"><br /><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/8/7/mkn-07-08-2017--11-15-43.png" alt="" /></a><br /></span></p>
<p class="story-body-text" style="text-align: right;"><span style="color: #000000;">ប្រែសម្រួល៖ High</span></p>
<p class="story-body-text" style="text-align: right;"><span style="color: #000000;">ប្រភព៖ Reuters</span></p>